Sport

Pas kritikave ndaj Martinez, bëhet virale video e Mbappe dhe bashkëlojtarëve të PSG-së duke u tallur me Haaland

Videoja e Mbappe është e vitit 2020, kur Haaland ishte ende duke luajtur për Borussia Dortmund.

Published

on

Një video e Kylian Mbappe dhe shokëve të tij të skuadrës në PSG duke u tallur me Erling Haaland është shfaqur mes kritikave të bëra ndaj portierit argjentinas Emiliano Martinez për mbajtjen e një kukulle me fytyrën e superyllit francez gjatë festimit të skuadrës për fitoren e tyre në Kupën e Botës në Buenos Aires.

Videoja e Mbappe është e vitit 2020, kur Haaland ishte ende duke luajtur për Borussia Dortmund. Haaland e kishte bërë festën e tij pasi shënoi dy herë në një ndeshje të Champions League kundër parisienëve. Mirëpo, në ndeshjen e kthimit, sapo Neymar shënoi golin e parë, ai imitoi festën e adoleshentit të atëhershëm.

Lojtarët e PSG-së vazhduan talljet e tyre brenda dhomës së zhveshjes dhe e njëjta video po bën xhiron e rrjeteve sociale.

Shikoni këtu:

Talljet e Martinezit kundër Mbappes po shihen nga disa vëzhgues si përgjigje e tij ndaj komenteve të 24-vjeçarit në lidhje me futbollin e Amerikës së Jugut përpara Kupës së Botës.

Mbappe e kishte konsideruar futbollin evropian si superior ndaj Amerikës së Jugut, duke thënë: “Avantazhi që kemi ne evropianët është se luajmë gjithmonë me njëri-tjetrin dhe kemi ndeshje të nivelit të lartë… Argjentina dhe Brazili nuk e kanë atë nivel të konkurrencës në Amerikën e Jugut, futbolli nuk është aq i zhvilluar sa në Evropë, prandaj fituesit më të fundit të Kupës së Botës kanë qenë evropianë”.

Edhe pse Mbappe bëri një paraqitje të bujshme për skuadrën e tij në finalen e Kupës së Botës, kjo nuk mjaftoi për t’i siguruar atyre titullin e dytë radhazi të Kupës së Botës./UBTNews/

Lajmet

Turqia mund Serbinë në basketboll

Published

on

Eurobasketi 2025 ka hyrë në fazën finale të garës në grupe. Në ndeshjen më interesante, Turqia dje ka mundur Serbinë, në një ndeshje shumë dramatike dhe të paqartë.
Ndeshja e zhvilluar në Riga përfundoi me rezultatin 95:90. Pas kësaj fitoreje, Turqia ngelet në krye të grupit, me pesë fitore e asnjë humbje.
Çereku i parë u mbyll me rezultat 19:18, ndërsa ekipet shkuan në pushim te rezultati 49:46 për Turqinë.
Çereku i tretë u mbyll me rezultatin 74:73, për të ardhur te rezultati final 95:90.
Alperen Sengun ishte lojtari më i mirë për Turqinë, me 28 pikë, 13 kërcime e tetë asistime.
Një kontribut shumë të madh dhanë dy lojtarët shqiptarë që luajnë për Turqinë. Erxhan Osmani shënoi 10 pikë, ndërsa dhe Kenan Spahiu 5 pikë./S.K/Fanatic/

Continue Reading

Lajmet

Scamacca largohet nga grumbullimi me Italinë

Published

on

Gianluca Scamacca është detyruar të tërhiqet nga kampi stërvitor i ekipit kombëtar të Italisë, pasi ende po ndjen efektet e dëmtimit të rëndë në gju që pësoi sezonin e kaluar, sipas raportimeve të fundit.

Scamacca ishte midis 28 lojtarëve të thirrur në skuadrën e parë të kombëtares italiane nga Gennaro Gattuso që nga emërimi i tij si trajner i përgjithshëm.

Ish-sulmuesi i West Ham ka luajtur si titullar në të dyja ndeshjet e para të Atalantës në Serie A të sezonit 2025-26, dhe tashmë është jashtë formacionit në ligë, pavarësisht se mungoi në pjesën më të madhe të sezonit 2024-25 për shkak të lëndimit.

Skamacca pësoi një këputje të ligamentit të kryqëzuar (ACL) gjatë një ndeshjeje miqësore para sezonit gushtin e kaluar dhe, megjithëse ishte rikthyer në fushë në janar, ai pësoi një tjetër dëmtim serioz, këtë herë në kofshë, i cili gjithashtu kërkoi ndërhyrje kirurgjikale për t’u zgjidhur.

Edhe pse ishte mjaftueshëm i aftë për të luajtur si titullar për Atalantën në dy ndeshjet e para të sezonit, Scamacca ka vuajtur përsëri nga dhimbjet në gju gjatë pushimit të ndeshjeve ndërkombëtare.

Kjo do të thotë që Scamacca nuk do të jetë i përfshirë në asnjërën nga dy ndeshjet e ardhshme të Italisë, të cilat zhvillohen kundër Estonisë të premten në mbrëmje dhe kundër Izraelit të hënën./S.K/KP/

Continue Reading

Sport

Futbollisti francez dënohet me 90 mijë euro për dhunë psikologjike ndaj bashkëshortes

Published

on

Ish-reprezentuesi i Francës, Wissam Ben Yedder, u shpall të mërkurën fajtor për dhunë psikologjike ndaj bashkëshortes së tij të ndarë dhe u urdhërua të paguajë një gjobë prej 90,000 €.

Avokatja e tij, Marie Roumiantseva, tha se 35-vjeçari nuk ishte i pranishëm në shpalljen e aktgjykimit dhe se do të apelojë vendimin.

Kjo është dënimi i dytë për Ben Yedder brenda më pak se një viti. Në nëntor, mori dënim me dy vjet burg me kusht për sulm seksual ndaj një gruaje, të kryer dy muaj më parë. Më 2023, një gjykatë spanjolle e dënoi me gjashtë muaj burg me kusht për evazion fiskal gjatë periudhës 2016–2019 te Sevilla.

Ai është nën hetim,  me vëllain e tij Sabri, për përdhunimin e dy grave më 2023, akuza të cilat të dy i mohojnë. Për çështjen e dhunës psikologjike, prokuroria franceze kishte kërkuar një dënim me tetë muaj burg me kusht dhe një gjobë prej 10,000 €.

Në vend të kësaj, gjykata e dënoi me gjobë 90,000 € dhe urdhëroi të paguajë 60,000 € të tjera – gjysmën si kompensim për bashkëshorten dhe gjysmën për shpenzime gjyqësore. Çifti është në proces divorci.

Ben Yedder, ish-kapiten i Monacos në Ligue 1, renditet i dyti në listën e golashënuesve më të mirë në historinë e klubit.

Ai është pa klub që nga një periudhë e shkurtër këtë vit te Sepahan në Iran.

Continue Reading

Lajmet

​Superkupa e Kosovës në hendboll zhvillohet në Ferizaj

Published

on

Superkupa e Kosovës në hendboll do të zhvillohet më datë 13 shtator në palestrën “Bill Clinton” në Ferizaj.

Organizimin e kësaj ngjarjeje e ka marrë përsipër Klubi i Hendbollit Kastrioti, pas marrëveshjes së nënshkruar mes presidentit të Federatës së Hendbollit të Kosovës, Edin Kolgeci, dhe kryetarit të KH Kastrioti, Fisnik Jashari.

Programi i garave nis nga ora 17:30 me përballjen e hendbollisteve mes Istogut dhe Ferizajt. Më pas, nga ora 20:00, do të zhvillohet ndeshja e meshkujve mes Rahovecit dhe Kastriotit.

Priten duele interesante, numër i madh shikuesish dhe një atmosferë festive sportive në Ferizaj.

/S.K/KP/

Continue Reading

Të kërkuara