Aktualitet

Pacientët e prekur nga diabeti në rrezik, në Kosovë që 6 muaj s’ka insulinë

Published

4 years ago

on

Po bëhen gjashtë muaj që kur qytetarët e Kosovës të cilët janë të prekur me diabet po përballen me mungesë të insulinave nëpër Qendrat e Mjekësisë Familjare.

Kjo gjë ka bërë që qytetarët të mbesin me shpresën që Ministria e Shëndetësisë do ta zgjidh një problem të tillë.

Idriz Ethemi nga Shoqata e të sëmurëve me diabet në Pejë, ka thënë për Telegrafin se kjo është një situatë e rëndë e sidomos për pacientët që janë të varur nga insulina.

“Po hyjmë në muajin e gjashtë me mungesë të insulinës në Qendrat e Mjekësisë Familjare, insulina të cilat vijnë nga Ministria”, tha Ethemi.

Ai më tej shtoi se përveç mungesës së insulinës, qytetarët kanë shqetësim dhe për gjendjen e tyre ekonomike, e pastaj mbetet shqetësim edhe furnizimi i barnatoreve me insulina.

“Kemi shqetësime të mëdha, sa i përket pacientit së pari për mungesën e insulinës, e dyta është gjendja ekonomike e pacientëve dhe e treta furnizimi me insulina nëpër barnatore që nuk nënkupton që e kanë prejardhjen e dyshimtë por janë me prejardhje jo të sigurte për pacientin, Insulina duhet të sjellët nëpër frigorifer e jo nëpër torba ose me posta të shpejta qysh i sjellin”, u shpreh Ethemi.

Më tej ish-kryetari i Shoqatës Kombëtare të Diabetit në Kosovë, bëri të ditur se çmimi i insulinave atyre që nuk janë në listë esenciale, sillet nga 3.50 deri në 7 euro nëpër barnatore.

Ethemi tutje shtoi se për problemin e mungesës së insulinave i janë drejtuar edhe ministrit të Shëndetësisë, Arben Vitia dhe drejtorëve në Prokurim mirëpo nuk kanë marrë asnjë përgjigje.

“Sipas informatave që kemi marrë persona të caktuar që shkojnë për insulina në ministri, ua kanë jep vetëm 50 kutia insulina të cilat kanë refuzuar mi marr, sepse po ta shikojmë vetëm Peja i ka rreth 1600 pacientë që marrin insulinën e që janë të prekur me diabet, prej tyre numri i fëmijëve të prekur sillet nga 35 deri në 50, por fatmirësisht për ta Shoqata e të sëmurëve me diabet në Pejë, ua siguron insulinën me ndihmën e shoqatës dhe Kuvendit Komunal në Pejë, falë fondit që ndan kryetari Muhaxheri për blerjen e insulinave për fëmijë”, u shpreh Ethemi.

Ethemi shtoi se në nivel vendi janë afro 30 mijë qytetarë që janë të prekur me diabet.

“Pasi kam qenë edhe kryetar i Shoqatës Kombëtare të Diabetit të Kosovës, numri i pacientëve të prekur me diabet në tërë Kosovën sillet nga 26 deri në 28 mijë pacientë të cilët varen nga insulina dhe lista esenciale”, u shpreh Ethemi.

Ai shtoi se kanë pritur që kjo Qeveri do ta zgjidh këtë problem.

“Ne kemi prit që kjo udhëheqje do ta kfjellë këtë punë, ky është problem i para pesë muajve nuk është problem vetëm i kësaj udhëheqësie të Ministrisë së Shëndetësisë, po kjo ministri e ka trashëguar dhe e kanë vazhduar të keqen e ministrive të kaluara. Menaxhimi është shumë i dobët. Pacientit i duhet insulina”, tha Ethemi për Telegrafin.

I pyetur se sa guxon një pacientë me diabet të qëndroj pa marrjen e insulinës, Ethemi shtoi se pacienti nuk guxon të qëndroj pa insulinë as edhe dy orë, dhe kjo varet krejt nga ajo se sa herë në ditë ai e ka të caktuar marrjen e saj.

“Nëse një pacient e ka të caktuar me marrë dy herë në dite, dhe me marrë dy orë para ushqimit ose mbas ushqimit, ai fare nuk guxon me qëndrua jashtë asaj që ja ka caktuar mjeku, faktikisht jo pesë muaj por as dy orë nuk guxon të qëndroj pa insulinë. E gjitha varet nga ajo sesi ja ka caktuar mjeku dhe sa njësi i merr”, tha Ethemi.

Ndryshe ditë më parë ministri i Shëndetësisë, Arben Vitia ka bërë të ditur se qytetarët e Kosovës shumë shpejt do të kenë insulina në Qendrat e Mjekësisë Familjare, pasi siç tha ai janë në përfundim të marrëveshjes për t’i siguruar ato.

Related Topics:
Continue Reading

Aktualitet

Sot mot i vranët dhe me reshje shiu në gjithë vendin

Published

17 hours ago

on

October 8, 2025

By

Instituti Hidrometeorologjik i Kosovës ka njoftuar se gjatë ditës së sotme do të mbajë mot kryesisht i vranët, i shoqëruar me reshje shiu në shumicën e rajoneve të vendit.

Sipas parashikimit, temperaturat minimale do të luhaten ndërmjet 4 dhe 8 gradë Celsius, ndërsa maksimalet pritet të arrijnë deri në 10 gradë Celsius.

Kushtet e lagështa pritet të mbeten të pranishme edhe gjatë pjesës së dytë të ditës, ndërsa era e lehtë nga veriperëndimi do të ndikojë në ndjesinë e freskët të motit. /A.Z/UBT News/

Continue Reading

Lajmet nga UBT

UBT ofron 20 për qind bursë për programin Master në E Drejta Komerciale për punonjësit e institucioneve të drejtësisë

Published

2 days ago

on

October 7, 2025

By

UBT po ofron një mundësi të veçantë për profesionistët dhe punonjësit e institucioneve të drejtësisë në Kosovë. Me bursën prej 20 për qind në programin Master (LLM) në E Drejta Komerciale -Tregtare, të gjithë zyrtarët dhe profesionistët e fushës së drejtësisë kanë mundësinë të thellojnë njohuritë e tyre akademike, të zhvillojnë aftësi praktike dhe të përfitojnë nga një program modern dhe multidisiplinar që adreson sfidat komplekse të së drejtës tregtare dhe menaxhimit ligjor.

Ky program synon të zhvillojë ekspertizën e studentëve në aspekte të avancuara të së drejtës tregtare, duke u fokusuar në interpretimin kritik të strukturave dhe parimeve të shoqërive tregtare, kuadrit ligjor kombëtar dhe ndërkombëtar, si dhe menaxhimin e proceseve gjyqësore dhe kontraktuale në një mjedis biznesi gjithnjë më kompleks dhe global.

Objektivat kryesore të programit LLM në E Drejta Komerciale:

  • Zhvillimi i njohurive të thelluara në të drejtën tregtare: Studentët do të mësojnë interpretimin kritik të shoqërive tregtare, qeverisjen dhe shpërbërjen e tyre.
  • Përvetësimi i metodologjive kërkimore të avancuara: Programi ofron aftësi për të kryer kërkime shkencore dhe analizuar të dhëna ligjore në mënyrë kritike.
  • Kuptimi i thelluar i së drejtës së kontratave afariste: Analizimi i krijimit, ekzekutimit dhe shkeljes së kontratave tregtare.
  • Krahasimi i kuadrove ligjore kombëtare dhe ndërkombëtare: Njohuri mbi pronësinë intelektuale, financat dhe bankat, konkurencën, falimentimin dhe arbitrazhin tregtar në kontekstin evropian dhe global.
  • Menaxhimi kreativ i të drejtave të pronësisë intelektuale: Zhvillimi i zgjidhjeve për patentat, markat, të drejtat e autorit dhe sekretet tregtare.
  • Analiza e të drejtave të shoqërive tregtare dhe të ligjeve afariste: Kuptim i avancuar mbi etikën e biznesit, kontratat tregtare dhe tregun e brendshëm të BE-së.
  • Zgjidhja e problemeve në qeverisjen korporative dhe përgjegjësinë sociale: Trajtim i çështjeve komplekse të qeverisjes dhe ndikimi i tyre në performancën e biznesit.

Përfitimet për studentët:

  • Njohuri të avancuara në struktura ligjore dhe procedura gjyqësore.
  • Aftësi për të menaxhuar ekipe në simulime të proceseve gjyqësore tregtare.
  • Ekspertizë në hartimin e kontratave tregtare dhe analizimin kritik të fenomeneve dhe tendencave ligjore.
  • Gatishmëri për të zhvilluar projekte kërkimore dhe analiza në fushën e së drejtës tregtare.

Programi LLM në E Drejta Komerciale i UBT-së është ndërtuar sipas standardeve ndërkombëtare dhe ofron mundësi specializimi në fusha të tilla si:

  • E-drejtësia dhe transaksionet E-Commerce
  • Qeverisja e korporatave dhe përgjegjësia sociale
  • Të drejtat digjitale dhe privatësia
  • Etika në biznes
  • Tregu i brendshëm i BE-së dhe konkurrenca

Me laboratorë modernë, staf akademik me përvojë ndërkombëtare dhe mundësi mobiliteti në universitete partnere, UBT siguron një eksperiencë akademike dhe profesionale të plotë.

Ligjëratat do të zhvillohen me orar fleksibël, duke u përshtatur me nevojat e profesionistëve që tashmë janë aktivë në tregun e punës.

Misioni i programit: Të edukojë profesionistë të kualifikuar dhe etikë, të pajisur me njohuri të avancuara në drejtësinë komerciale, duke kontribuar në forcimin e sundimit të ligjit dhe zhvillimin e qëndrueshëm në Kosovë dhe rajon.

APLIKO TANI ONLINE dhe përfito nga bursa 20 për qind për punonjësit e institucioneve të drejtësisë për të qenë pjesë e këtij programi inovativ dhe avancuar në E Drejta Komerciale.

Continue Reading

Rajoni

Profesoresha e UBT-së, Dr. Blertë Zylfiu – Latifi publikon punim shkencor në revistën ndërkombëtare Journal of Stomatology

Published

2 days ago

on

October 7, 2025

By

Profesoresha e Fakultetit të Stomatologjisë në UBT, Dr. Blertë Zylfiu – Latifi, ka publikuar punimin shkencor me titull “Kosovar Dentists’ Knowledge on Oral Cancer” në revistën ndërkombëtare Journal of Stomatology (Poloni). Artikulli është botuar në vëllimin 78, numrin 3 të vitit 2025 dhe është i qasshëm në format Open Access përmes DOI.

Ky studim ka për qëllim të vlerësojë nivelin e njohurive të dentistëve kosovarë për kancerin oral, duke u fokusuar në njohuritë diagnostike, faktorët e rrezikut dhe aftësitë për identifikimin e lezioneve të hershme. Hulumtimi është zhvilluar me 147 dentistë të përfshirë në programet e specializimit në Qendrën Klinike Stomatologjike Universitare të Kosovës (QKSUK), dhe ka arritur një përgjigje prej 93.19% nga pjesëmarrësit.

Rezultatet tregojnë se dentistët specializantë në Kosovë kanë një nivel mesatarisht të kënaqshëm të njohurive mbi diagnostikimin e kancerit oral, ndërsa vërehet nevoja për arsimim të vazhdueshëm dhe trajnime profesionale në këtë fushë. Studimi thekson rëndësinë e edukimit të dentistëve në parandalimin dhe zbulimin e hershëm të kancerit oral, si pjesë e përpjekjeve për të përmirësuar kujdesin shëndetësor oral në vend.

Punimi është realizuar në bashkëpunim me Dr. Olsa Alku – Latifi, ndërsa është miratuar nga Oda e Stomatologëve të Kosovës (Ref. Nr. 12, 25.05.2021) në përputhje me Deklaratën e Helsinkit.

Ky publikim përbën një tjetër arritje të rëndësishme për UBT-në, duke dëshmuar angazhimin e stafit akademik në kërkimet shkencore me ndikim ndërkombëtar dhe në përmirësimin e praktikave klinike në stomatologji.

Continue Reading

Lajmet

UBT përfaqësohet me sukses në Konferencën Ndërkombëtare të Pedodontisë në Turqi

Published

2 days ago

on

October 6, 2025

By

Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.

Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.

Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Continue Reading

Të kërkuara