Aktualitet

Opinion: Papa Françesku kritikon ashpër Europën

Published

on

Fjalimi është fjalim i një Pape të zemëruar. Jo për shkak të zërit, por për shkak të fjalëve të zgjedhura. Papa denoncoi edhe një herë Europën që mbyll dyert. Me të drejtë, mendon Christoph Strack.

Papa Françesku zgjedh fjalë të qarta. Deti Mesdhe, „ky djep i shumë civilizimeve”, është kthyer në „varrezë të ftohtë pa gura varri”. Ai akuzon „shurdhërinë” ndaj nevojave të të tjerëve, „indiferencën vdekjeprurëse” dhe „mosinteresimin cinik”.

Një gjë e tillë ndodh për herë të parë në këto nëntë vite, që Papa Françesku ndodhet në detyrë: Udhëtimi në vende të tjera e çon për herë të dytë në ishullin grek të Lesbos. Për herë të dytë ai mban atje një fjalim, që u drejtohet gjithë refugjatëve të botës.

Griechenland | Besuch Papst Franziskus

Në mes të muajit prill 2016, Papa foli shkurt. “Ne kemi ardhur për të kthyer vëmendjen e botës tek kjo krizë humanitare dhe për t’u lutur për zgjidhjen e saj”, tha atëherë ai. Ai shpjegoi pse kishte shkuar në ishull bashkë me patriarkët okumenikë të Kostandinopojës, si dhe me kryepeshkopin e ortodoksisë. Një lutje, që mbeti e padëgjuar.

“Problemi është botëror”

Kësaj here çdo gjë duket më e dëshpëruar, me më shumë indinjatë se herën e parë. Kryetari i Kishës Katolike, që pritet të mbushë 85 vjeç, akuzon mungesën e angazhimit të europianëve për të ndihmuar refugjatët dhe migrantët.

“Ne duhet të pranojmë me hidhërim, se ky vend ashtu si vendet e tjera, ndodhet nën presion dhe se në Europë po shtohen njerëzit që bëjnë sikur ky problem nuk ka të bëjë me ta.”

Ky është një “problem botëror”, tha Françesku.

Më tej ai kaloi tek tema e vaksinimit në luftën kundër Coronës.”Ne kemi kuptuar, se kësaj çështjeje të madhe duhet t’i përkushtohemi së bashku, sepse në botën e sotme nuk mjaftojnë zgjidhjet e pjesshme.”

“Qëndrim në vend”

Në luftën botërore kundër infektimeve me virus është arritur bashkëpunimi të paktën pjesërisht, por tek tema e migracionit Papa sheh „qëndrim të tmerrshëm në vend”. Në çdo katastrofë të Detit Mesdhe me dhjetëra, madje qindra të vdekur njerëzit preken shumë. Por vetëm kaq.

Griechenland - Papst auf Lesbos

Një herë në disa muaj vijnë lajme për dëbime të mundshme ilegale të refugjatëve për në Turqi. Para disa ditëve, “New York Times” shkruante se mbrojtësit grekë të kufirit kishin kujtuar se një përkthyes i Frontex-it, rojeve europiane të kufirit, ishte azilkërkues dhe e kishin rrahur dhe kthyer ilegalisht me forcë në Turqi.

Ende nuk ekzistojnë rregulla të përbashkëta europiane për azilin dhe pranimin e refugjatëve. Të gjitha vendet anëtare veprojnë sipas motos „mbyll sytë dhe vazhdo”. Në Gjermani kur flitet për këtë temë thuhet menjëherë fjalia „Ne nuk jemi në gjendje t’i pranojmë të gjithë”.

Korridore humane

Por fjala nuk është aty. Puna është që të nxirren njerëzit nga nevoja, sidomos familjet me fëmijë. Askush nuk mund të thotë, se kjo nuk bëhet. Sepse fjalët nxirren pa menduar. Pastaj njerëzit akuzojnë me dëshirë Papën, që nuk bën asgjë dhe që ka pallate aq të mëdha.

Griechenland | Besuch Papst Franziskus

Sa për kujtesë: Në kuadër të të ashtuquajturës „korridore humanitare”, lëvizja laike italiane “Sant’ Egidio” së bashku me Kishën Ungjillore të vendit dhe valdenzianët merr që prej pesë vitesh, refugjatë nga kampet në Liban, Libi dhe Irak dhe i sjell në Itali. Pa para shtetërore, financuar komplet nga dhurimet. Refugjatët zgjidhen me kujdes në vend, feja që kanë nuk luan ndonjë rol. Shpesh ata që zgjidhen janë familje me fëmijë ose njerëz, që kanë nevojë për ndihmë të veçantë mjekësore. Ata priten nga ndihmuesit që në aeroportin përkatës.

Europa, e lodhur dhe pa fuqi?

Nëpër komuna janë përgatitur banesat dhe shoqërimi vullnetar që nga fillimi. Në Romë shpesh banesat janë të Kishës, por edhe të Vatikanit. Dhe me raste, Françesku fton në Vatikan refugjatë të tillë, pa praninë e mediave. Ai do që të dëgjojë çfarë thonë ata, të ndjekë rrugën e tyre.

Ndërkohë „korridoret humanitare” ka edhe në Francë, Belgjikë dhe Andorra. Dhe vendet që pranojnë refugjatë lëshojë gjithnjë viza humanitare. Katolicizmi italian mund të blasfemohet sa të duash, por shembuj të tillë tregojnë që diçka po bëhet.

Griechenland | Besuch Papst Franziskus

Megjithatë në shumë vende veshët bëhen të shurdhët. Për Françeskun, Papën nga Argjentina, kjo Europë është prej kohësh një kontinent i lodhur dhe pa fuqi, që ka humbur mikpritjen tradicionale dhe rrënjët e saj.

Ai nuk di që ta pranojë këtë gjë. Prandaj ky zemërim. Që në Athinë, një ditë më parë ai kritikoi Europën dhe disa politikanë. Kundër lodhjes prej demokracisë, tha Papa, ndihmon vetëm një politikë e mirë, që kujdeset për mirëqënien e të gjithëve dhe ndihet e detyruar ndaj më të dobtëve. A do të preket nga kritika e ashpër e Papës ndokush në Bruksel dhe Europë? Kjo nuk mund të dihet me siguri.

Continue Reading

Aktualitet

‘Radio është magjike, mezi presim të japim kontributin tonë’, e ardhmja e ndritur e studentëve të Media dhe Komunikim në UBT

Published

on

Programi i studimeve në Media dhe Komunikim në UBT ofrohet në dy nivele: Bachelor dhe Master.

Ky program është i strukturuar për të ofruar një kombinim të fortë të teorisë dhe praktikës, duke përgatitur studentët për karriera në sektorin mediatik dhe të komunikimit.​

Ky program është i dizajnuar për të adresuar nevojat e tregut të punës në fushën e medias dhe komunikimit, duke ofruar një përgatitje të plotë teorike dhe praktike për studentët.

Fakulteti i Media dhe Komunikimit në UBT ofron kushte moderne për zhvillimin e aftësive praktike.

Pjesë e UBT-së është portali UBT News si dhe Radio Campus që mund ta dëgjoni në frekuencën 100.7 FM e në platformën online: UBT – Radio Campus.

Skema programore e radios është zgjeruar edhe me një emision të ri, nga ish-studentja, tashmë e punësuar si staf i rregullt në UBT, Albina Zeneli e cila e moderon n’Ritëm që fillon nga ora 13:00 deri në 15:00, nga e hëna në të premte.

Pjesë e emisionit janë edhe studentët aktual të UBT-së të cilët janë të pranishëm shpesh gjatë zhvillimit të emisionit live të cilët kanë mundësi ta shohin nga afër punën praktike. 

 

                                                                                                                                                                            

Continue Reading

Bota

Vuçiq nuk tërhiqet nga pjesëmarrja në paradën e Putinit, pavarësisht presionit të BE-së

Published

on

By

Presidenti i Serbisë, Aleksandar Vuçiq, ka konfirmuar se do të marrë pjesë në paradën e Ditës së Fitores që do të organizohet nga presidenti rus, Vladimir Putin, më 9 maj në Moskë. Vendimi i tij vjen pavarësisht paralajmërimeve të qarta nga Bashkimi Evropian se pjesëmarrja në këtë ngjarje përkujtuese mund të dëmtojë seriozisht procesin e integrimit të Serbisë në BE.

Sipas agjencisë Associated Press, zyrtarët evropianë e kanë cilësuar këtë vizitë si shkelje të kritereve të anëtarësimit për vendet kandidate dhe si një mesazh mbështetës për luftën e Rusisë në Ukrainë.

Vuçiq, i njohur për qëndrimet e tij pro-ruse, ka deklaruar se një njësi ushtarake serbe do të marrë pjesë në paradë dhe se Serbia, për herë të parë, po merr pjesë në organizimin e saj “së bashku” me Rusinë. Ai shtoi se do të udhëtojë drejt Moskës së bashku me kryeministrin e Sllovakisë, Robert Fico – një tjetër lider që ka kritikuar qëndrimin e BE-së ndaj paradës. Udhëheqësi serb i Bosnjës, Milorad Dodik, gjithashtu ka paralajmëruar pjesëmarrjen e tij.

Shefja e diplomacisë së BE-së, Kaja Kallas, theksoi se blloku nuk dëshiron që asnjë vend kandidat të marrë pjesë në ceremoninë e 9 majit në Moskë, duke e parë këtë si një akt të papërshtatshëm në kohën kur Rusia vazhdon agresionin ndaj Ukrainës.

Në Serbi, Vuçiq përballet me tensione të brendshme. Protesta masive të udhëhequra nga studentët janë zhvilluar kundër korrupsionit dhe qeverisjes së tij autokratike 13-vjeçare. Shkak për këto protesta u bë shembja e një ndërtese në Novi Sad më 1 nëntor, ku humbën jetën 15 persona – një ngjarje që lidhet me kontrata të dyshimta me kompani ndërtimi, përfshirë edhe ato kineze.

Në këtë klimë tensioni, parlamenti serb ka miratuar një qeveri të re me ministra të profilit anti-BE. Ndër ta është edhe ministri i Informacionit, Boris Bratina, i cili është parë kohët e fundit duke djegur flamurin e Bashkimit Evropian dhe duke deklaruar: “Nuk duam BE, duam bashkim me Rusinë”.

Gjatë një konference për media, Vuçiq përmendi edhe një raport të shërbimit sekret rus, FSB, sipas të cilit akuzat për përdorimin e armëve zanore ndaj protestuesve në Beograd më 15 mars janë të pavërteta. Këto armë, që përdorin valë zanore për të shpërndarë turma, janë të diskutueshme dhe konsiderohen nga shumë organizata si mjete represive.

Continue Reading

Bota

Amnisti masive në Mianmar: Lirohen edhe të burgosur politikë

Published

on

By

Kreu i Qeverisë Ushtarake të Mianmarit, Gjenerali Min Aung Hlaing, ka shpallur një amnisti të gjerë me rastin e Vitit të Ri Tradicional, duke liruar rreth 4,900 të burgosur, përfshirë së paku 22 të burgosur politikë

Operacioni i lirimit ka përfshirë 19 autobusë që transportuan të burgosurit nga burgu famëkeq Insein në Jangon, ku familjarët e tyre prisnin me padurim jashtë mureve të burgut. Sipas Rrjetit të Mianmarit për të Burgosur Politikë – një organizatë e pavarur që monitoron situatën e të drejtave të njeriut – të paktën 22 të burgosur politikë janë liruar në kuadër të kësaj amnistie.

Gjenerali Min Aung Hlaing, i cili udhëheq Këshillin Ushtarak që mori pushtetin në vitin 2021, ka bërë të ditur se amnistia përfshin gjithsej 4,893 të burgosur, ndër ta edhe 13 shtetas të huaj, të cilët janë liruar dhe dëbuar nga vendi.

Megjithatë, personat e dënuar për vepra të rënda penale – si vrasje, përdhunim apo shkelje të sigurisë kombëtare – nuk janë përfshirë në këtë amnisti. Ndërkohë, për të tjerët që nuk janë liruar, është bërë ulje e dënimeve të tyre.

Autoritetet kanë paralajmëruar se të burgosurit e liruar janë të obliguar të respektojnë ligjin, përndryshe do të përballen me vuajtjen e pjesës së mbetur të dënimit, përveç ndonjë dënimi të ri në rast të shkeljeve të ardhshme.

Continue Reading

Bota

Fillojnë bisedimet SHBA–BE për paqen në Ukrainë

Published

on

By

Në Paris kanë nisur takimet mes përfaqësuesve të lartë amerikanë dhe evropianë, me fokus situatën në Ukrainë dhe sigurinë në rajon. I dërguari presidencial amerikan, Steve Witkoff, është takuar me zyrtarë francezë dhe këshilltarin e sigurisë kombëtare të Mbretërisë së Bashkuar, Jonathan Powell.

Kryeqyteti francez është bërë qendër e një sërë bisedimesh të rëndësishme, ku marrin pjesë sekretari amerikan i Shtetit, Marco Rubio, presidenti francez Emmanuel Macron, zyrtarë të lartë nga Ukraina, si dhe përfaqësues të tjerë nga vendet aleate. Rubio ka mbërritur në Paris në orët e para të mëngjesit të së enjtes.

Sipas zëdhënëses së Departamentit të Shtetit, Tammy Bruce, Rubio dhe Witkoff pritet të zhvillojnë bisedime me homologët e tyre evropianë për të avancuar objektivin e presidentit Donald Trump: ndërmjetësimin e një armëpushimi mes Rusisë dhe Ukrainës dhe dhënien fund të gjakderdhjes.

Këto takime zhvillohen në një kohë kur po rriten shqetësimet lidhur me qëndrimin e Trump-it ndaj Rusisë dhe qasjen e tij ndaj çështjeve globale. Përveç përpjekjeve për paqe në Ukrainë, vëmendje kanë tërhequr edhe politikat e administratës së tij mbi tarifat ndaj aleatëve, si dhe deklaratat për NATO-n dhe çështje të tjera si ajo e Grenlandës.

Continue Reading

Të kërkuara