Botë

Një gazetar i BBC-së i bëri Putinit një pyetje. Mikrofoni iu hoq menjëherë.

Published

4 weeks ago

on

Gazetarët u bëjnë vazhdimisht pyetje udhëheqësve botërorë.

Asgjë e veçantë. Apo jo?

Por si është t’ia bësh këtë pyetje Vladimir Putinit – presidentit që urdhëroi pushtimin e plotë të Ukrainës, udhëheqësit vendin e të cilit këtë javë kreu i MI6 e akuzoi për “eksportim kaosi”?, pyet Steve Rosenberg, korrespondent i BBC-së prej shumë kohësh në Moskë.

Kështu ai vazhdon: “Dhe imagjinoni ta bëni këtë pyetje drejtpërdrejt në televizion, ndërsa një audiencë prej milionash në Rusi po ju shikon”.

Është një përgjegjësi e madhe. Nuk doni të bëni një gabim.

“Pyetja ime ka të bëjë me të ardhmen e Rusisë. Çfarë lloj të ardhmeje planifikoni për vendin dhe popullin tuaj”? e pyeti ai Presidentin Putin.

“A do të ngjajë ajo e ardhme me të tashmen, në të cilën çdo devijim publik nga linja zyrtare ndëshkohet me ligj? A do të përshpejtohet gjuetia e armiqve brenda dhe jashtë vendit? A do të bëhen edhe më të shpeshta ndërprerjet e internetit në celular? A do të ketë ‘operacione të reja speciale ushtarake’?”

Ndërsa unë flas, përshkruan ai, Vladimir Putin mban shënime. Dhe pastaj përgjigjet.

Mbron ligjin represiv të Rusisë mbi agjentët e huaj. Qindra rusë që kritikojnë qeverinë janë shpallur “agjentë të huaj”.

“Ne nuk e shpikëm atë ligj”, thotë Putin. “Ai ligj për agjentët e huaj u miratua në një numër vendesh perëndimore, përfshirë Amerikën, në vitet tridhjetë të shekullit të kaluar. Dhe të gjitha ato ligje, përfshirë atë amerikan, janë shumë më të rrepta…”

Mëri ndaj Perëndimit!

Në realitet, ligji rus është drakonian, shpjegon Rosenberg. Ai përjashton “agjentët e huaj” nga fusha të shumta të jetës publike – duke përfshirë arsimin, shërbimin civil, zgjedhjet dhe ngjarjet publike. Ai vendos kufizime financiare dhe pronësore. Ndjekja penale mund të pasojë tashmë një dënim administrativ. Por, siç pohon ai, ai nuk mund t’ia tregonte këtë Presidentit Putin. Mikrofoni iu hoq sapo mbaroi pyetjen e tij. Moderatori ndërhyn papritur dhe ndryshon temën.

“Kemi edhe një pyetje: ‘Çfarë do të ndodhë me BBC-në? Po përballet me një padi multimiliardëdollarëshe nga presidenti amerikan”? thotë prezantuesi Pavel Zarubin.

“Mendoj se Presidenti Trump ka të drejtë”, konfirmon Presidenti Putin.

Kremlini dhe Shtëpia e Bardhë – në të njëjtën linjë… kur bëhet fjalë për BBC-në.

Putini më pas kthehet te pyetja e Rosenbergut.

“A do të ketë operacione të reja ushtarake speciale? Jo nëse na trajtoni me respekt dhe respektoni interesat tona, ashtu siç jemi përpjekur gjithmonë të bëjmë me ju. Përveç nëse na mashtroni, siç bëtë me zgjerimin lindor të NATO-s”.

Është e qartë për të gjithë se çfarë e motivon Vladimir Putinin – një pakënaqësi e thellë ndaj Perëndimit, shkruan Rosenberg.

Ai pretendon se për vite me radhë udhëheqësit perëndimorë kanë treguar mungesë respekti ndaj Rusisë, e kanë mashtruar dhe gënjyer atë – dhe se ata ende gënjejnë sot kur pretendojnë se Moska synon të sulmojë Evropën. “Çfarë lloj budallallëku është ky?” thotë udhëheqësi i Kremlinit.

Mosbesim ndaj Moskës

Por shumë udhëheqës evropianë thjesht nuk i besojnë Moskës.

Ju kujtojmë se në prag të pushtimit të plotë rus të Ukrainës, zyrtarët rusë mohuan se kishin plane për një sulm masiv.

Kohët e fundit, Rusia është akuzuar për shkelje të hapësirës ajrore evropiane me avionë luftarakë dhe dronë, si dhe për sulme kibernetike dhe sabotim.

Por, ndërsa përfundoi përgjigjen e tij ndaj pyetjes së Rosenberg, Putin tha gjithashtu sa vijon:

“Ne jemi të gatshëm të pezullojmë menjëherë armiqësitë me kusht që siguria afatmesme dhe afatgjatë e Rusisë të sigurohet dhe ne jemi të gatshëm të bashkëpunojmë me ju”.

“A ishte kjo një degë ulliri për Evropën nga goja e presidentit rus”? pyet Rosenberg.

Megjithatë, nëse Moska vazhdon ta lidhë sigurinë e saj afatgjatë me kërkesat maksimaliste ndaj Ukrainës, udhëheqësit evropianë do të mbeten skeptikë, përfundon ai.

Burimi: BBC.com

Related Topics:
Continue Reading

Botë

​Trump: Mund të përdorim trupat ushtarake për të ndaluar protestat në Mineapolis

Published

2 hours ago

on

January 16, 2026

By

Presidenti amerikan, Donald Trump po kërcënon të përdorë ushtrinë kundër protestuesve në qytetin amerikan të Mineapolis pas përleshjeve atje, ndërsa raportohet për përleshje mes protestuesve dhe oficerëve të zbatimit të ligjit.

”Agjitatorë profesionistë dhe kryengritës ndodhen pas trazirave në qytet, në shtetin qendror të Minesotës. Unë do të miratoj aktin e kryengritjes, të cilin shumë presidentë e kanë bërë para meje, dhe do t’i jap shpejt fund absurditetit që po ndodh në atë shtet dikur të madh”, shkroi Trump në platformën “Truth Social”.

Trump doli sërish krah zyrtarëve të imigracionit, të cilët janë përballur me rezistencë në shumë qytete të kontrolluara nga demokratët për shkak të kontrolleve të tyre kundër migrantëve.

Ligji i kryengritjes autorizon presidentin të vendosë ushtrinë brenda vendit në rrethana të jashtëzakonshme për të shtypur trazirat dhe për të marrë pjesë në masat e zbatimit të ligjit, shkruajnë mediat amerikane, transmeton KosovaPress.

Tensionet janë ende të larta në Minesota.

Një javë pas të shtënave fatale ndaj një gruaje nga një oficer i zbatimit të ligjit për imigracionin dhe doganat (ICE), një tjetër oficer federal kohët e fundit qëlloi me armë dhe plagosi një burrë në qytet.

Departamenti i Sigurisë Kombëtare raportoi në X se incidenti ndodhi gjatë një “kontrolli të synuar të trafikut”, të mërkurën në mbrëmje.

Continue Reading

Botë

Fituesja e Çmimit Nobel për Paqen nga Venezuela ia dorëzon medaljen e saj Trumpit

Published

2 hours ago

on

January 16, 2026

By

Udhëheqësja e opozitës venezueliane, Maria Corina Machado, thotë se ia ka dhënë medaljen e saj të Çmimit Nobel për Paqen presidentit Donald Trump gjatë një takimi në Shtëpinë e Bardhë, duke thënë se kjo ishte një njohje e angazhimit të tij për lirinë e vendit të saj.

“Mendoj se sot është një ditë historike për ne venezuelasit”, tha ajo pasi u takua personalisht me Trumpin për herë të parë, disa javë pasi forcat amerikane kapën presidentin venezuelian Nicolas Maduro në Karakas dhe e akuzuan atë për trafiku droge, shkruan BBC.

Trump shprehu mirënjohjen e tij në një postim në mediat sociale, duke thënë se ky veprim ishte “një gjest i mrekullueshëm respekti të ndërsjellë”.

Megjithatë, presidenti amerikan ka refuzuar të mbështesë Machadon si udhëheqësen e re të Venezuelës, pavarësisht se lëvizja e saj pretendoi fitoren në zgjedhjet e kontestuara gjerësisht të vitit 2024.

Continue Reading

Botë

Çfarë moshe kanë udhëheqësit e sotëm botërorë?

Published

19 hours ago

on

January 15, 2026

By

I shohim tek marrin vendime. Vendime që mund ta ndryshojnë historinë për një kohë të gjatë. Vendime që vendosin për jetë njerëzish të zakonshëm, ushtarësh në front. Këta janë udhëheqësit e shteteve të fuqishme në botë.

Por, në fakt, çfarë moshe kanë ata vetë, që marrin vendime të mëdha, shpesh me pasoja të mëdha:

Ali Khamenei : 86

Donald Tramp: 79

Benjamin Netanjahu: 76

Narendra Modi: 75

Vladimir Putin: 73

Bola Tinubu: 73

Cyril Ramaphosa: 73

Prabowo Subianto: 73

Xi Jinping: 72

Rexhep Tayip Erdogan: 71

Abdel Fattah el-Sisi: 71

Friedrich Merz: 70

Ferdinand Marcos Jr.: 68

Sanae Takaichi: 64

Keir Starmer: 63

Antoni Albanese: 63

Claudia Sheinbaum: 62

Lee Jae-myung: 62

Javier Milei: 55

Pedro Sançez: 53

Gjorgjia Meloni: 49

Emanuel Makron: 48

Continue Reading

Botë

Dhjetë vendet që prodhojnë më shumë uranium

Published

19 hours ago

on

January 15, 2026

By

Uraniumi në kohën e sotme është një nga metalet më të kërkuara dhe më të çmuara. Kush ka uranium, llogaritet edhe një lloj fuqie.

Uraniumi ka një përdorim të gjerë. Ai përdoret për prodhimin e energjisë bërthamore. Përdoret si karburant në centralet bërthamore. Me anë të ndarjes bërthamore prodhohet energji elektrike, ndërsa uraniumi i pasuruar (zakonisht U-235) përdoret në reaktorë.

Uraniumi shumë i pasuruar (U-235) përdoret për prodhimin e bombave atomike. Për këtë, ky përdorim është i ndaluar dhe i kontrolluar rreptësisht ndërkombëtarisht.

Në mjekësi, izotopet e uraniumit dhe produktet e tij përdoren në diagnostikim mjekësor.

Në industri dhe teknologji, uraniumi i varfëruar përdoret: në mbrojtje balistike (armaturë); në kundërpeshë për avionë dhe satellite; në municione depërtuese (kontroversial për shkak të rrezikut shëndetësor).

Uraniumi gjen përdorime dhe në fusha të tjera.

Dhjetë shtetet që prodhojnë më së shumti uranium janë:

1. Kazakistani – 21,227 tonë

2. Kanadaja – 7,351

3. Namibia – 5,613

4. Australia – 4,553

5. Uzbekistani – 3,300

6. Rusia – 2,508

7. Nigeria – 2,020

8. Kina – 1,700

9. India – 600

10. Afrika e Jugut – 200

Continue Reading

Të kërkuara