

Sport
Në shtatëvjetorin e anëtarësimit të KOK-ut në KON, premtohet mbështetje e madhe për sportistët
Ndryshe, pas paraqitjeve të suksesshme në “Tokio 2020”, nga sot nisin përgatitjet për Lojërat Olimpike “Paris 2024”.
Published
4 years agoon
By
Betim GashiMe rastin e 7-vjetorit të anëtarësimit të Komiteti Olimpik të Kosovës në Komitetin Olimpik Ndërkombëtar, KOK ka ndarë premiot për kampionet olimpike Tokio 2020, Nora Gjakova e Distria Krasniqi, trajnerin Driton Kuka, si dhe të gjithë sportistët tjerë pjesëmarrës.
Gjithashtu të enjten është bërë nënshkrimi i kontratave me 22 sportistë të rinj për t’i mbështetur deri në Lojërat Olimpike Paris 2024.
Të pranishëm në këtë ngjarje ishin ministri i Ministrisë së Kulturës, Rinisë dhe Sportit, Hajrullah Çeku, presidenti i KOK-ut, Ismet Krasniqi, trajneri i xhudos Driton Kuka, Nora Gjakova si medaliste e artë në Lojërat Olimpike dhe shumë sportistë të tjerë.
Me këtë rast, mInistri i sportit Hajrullah Çeku deklaroi se pas shtatë viteve anëtarësim në Komitetin Olimpik Ndërkombëtar, Kosova ndihet krenare me sukseset e arritura brenda një kohe kaq të shkurtër dhe tani më vendi ynë nuk shkon vetëm sa për të marr pjesë, por me objektivin e fitoreve të mëdha. Ai siguroi të gjithë sportistët se ministria që ai drejton dhe Qeveria e Kosovës do të jenë gjithmonë në mbështetje të tyre.
“Sot, pas shtatë vitesh, me krenari dhe dinjitet mbajmë tre medalje olimpike me vetëm dy pjesëmarrje në Lojëra Olimpike verore. Muajve në vazhdim, për herë të dytë do të përfaqësohemi edhe në Lojërat Olimpike dimërore…Gjenerata të shumta të sportistëve kosovarë nuk e kishin këtë mundësi, andaj tani në këtë periudhë së bashku duhet të shkojmë në garat ndërkombëtare jo vetëm për pjesëmarrje por për të fituar. Ne shkojmë për të fituar sepse kemi dëshmuar që mundemi”, tha Çeku.
Ndërsa, presidenti i KOK ut Ismet Krasniqi tha se anëtarësimi i KOK ut në Komitetin Olimpik Ndërkombëtar hapi rrugën që Kosova të fitojë medalje në arenën ndërkombëtare dhe njëkohësisht u ndal diskriminimi ndaj sportistëve të Kosovës. Ai shtoi se që nga sot e tutje nis puna për pjesëmarrje sa më dinjitoze në Lojërat Olimpike “Paris 2024”.
“Sot shtatë vite më parë u thye izolimi shumëvjeçarë i sportit kosovarë, u ndal diskriminimi i sportistëve tanë të cilëve iu hapën dyert e garimit dhe përfaqësimit të barabartë me sportistët tjerë. Anëtarësimi në Komitetin Olimpik Ndërkombëtar na mundësoi që sot të kemi medalje olimpike, jo vetëm kaq, por tri medalje dhe që të tria të arta. Majlinda, Nora dhe Distria e kanë vënë Kosovën në hartën e shteteve më të fuqishme botërore…Me mbylljen e Tokio 2020, sot po e hapim rrugën drejtë Parisit 2024, ku do të nënshkruajmë bursat me 22 sportistë të përzgjedhur nga komisioni i sportistëve, listë kjo që mund të ndryshojë varësisht nga performanca e tyre e cila do të monitorohet vazhdimisht nga ky komision”, tha Krasniqi.
Shumë i kënaqur me mbështetjen që shteti dhe Komitetit Olimpik po iu japin sportistëve të rinj u shpreh trajneri i xhudos Driton Kuka. Ai tha se tashmë kushtet janë shumë më të mira se para disa vitesh dhe u zotua se do ta sjellë së paku një medalje nga Lojërat Olimpike Paris 2024.
“Arsyeja më e madhe pse jam unë këtu është numri 22. Është kënaqësi që Komiteti Olimpik sivjet plotë 22 sportista po i drejton drejtë Lojërave Olimpike në Paris dhe kjo është vlera e kësaj dite sepse nuk mund të ankohen që nuk kanë përkrahje. Sportistët e trajnerët t’i përveshin mëngët dhe të punojnë sepse shteti i Kosovës, Komiteti Olimpik dhe federata qëndrojnë shumë më mirë se sa para dhjetë vitesh edhe po besoj që ky numri 22 së paku një 10-she të mirë ta kemi të kualifikuar në Lojëra Olimpike e unë si trajner zotohem se do të punojë së paku për një medalje”, tha Kuka.
Në emër të të gjithë sportistëve foli xhudistja Nora Gjakova e cila tha se kjo është hera e tretë që ajo nëshkruan për pjesëmarrje në Lojëra Olimpike dhe inkurajoi sportistët e rinj që të punojnë shumë dhe të bëhen gati për sfida të mëdha.
“Kjo është hera e tretë që po nënshkruajë për pjesëmarrje në Lojëra Olimpike, ndihem me fat që e kemi pasur gjatë gjithë kësaj kohe mbështetjen e Komitetit Olimpik. Si njëra ndër garueset më me eksperiencë në pjesëmarrje në Lojëra Olimpikë unë iu dëshirojë të gjithë sportistëve që po dëshirojnë ta fillojnë këtë rrugëtim fat dhe shumë shëndet dhe le të jenë të gatshëm të përballen me sfida të shumta sepse nuk do të jetë e lehtë”, tha Gjakova.
Ndryshe, pas paraqitjeve të suksesshme në “Tokio 2020”, nga sot nisin përgatitjet për Lojërat Olimpike “Paris 2024”.
Aktualitet
Formimi i profesionistëve që udhëheqin në sport, rehabilitim dhe shëndet publik – Studio Master në Shëndet dhe Aktivitet Fizik në UBT
Published
9 hours agoon
August 27, 2025By
Driton Iseni
UBT po udhëheqë në fushën e arsimit të lartë me programe të avancuara studimi, duke ofruar mundësi unike për studentët që duan të ndërtojnë një karrierë profesionale në shëndet dhe sport. Një prej këtyre programeve është Master në Shëndet dhe Aktivitet Fizik, i cili synon të formojë profesionistë të kualifikuar për të promovuar mirëqenien, për të parandalur sëmundjet dhe për të ndihmuar në rehabilitimin fizik e psikosocial të individëve.
Ky program u jep studentëve njohuri të thelluara mbi fiziologjinë e ushtrimeve, biomekanikën, ushqyerjen sportive dhe rehabilitimin pas lëndimeve, duke i aftësuar ata të dizajnojnë dhe të zbatojnë programe të personalizuara për individë dhe grupe të ndryshme.
Laboratorë modernë dhe pajisje të avancuara
Përmes laboratorëve të specializuar dhe pajisjeve moderne për testime fizike e matje të performancës, studentët e këtij programi zhvillojnë aftësi praktike të nivelit më të lartë. Kjo i përgatit ata për punësim në qendra sportive, klinika shëndetësore e rehabilituese, institucione arsimore, organizata publike e private, si dhe ekipe profesionale brenda dhe jashtë vendit.
Objektivat kryesore të programit përfshijnë:
- Edukim të avancuar mbi përfitimet e sportit dhe aktivitetit fizik për shëndetin.
- Zhvillimin e qasjeve të bazuara në prova për menaxhimin e sëmundjeve kronike dhe promovimin e mirëqenies mendore e fizike.
- Përgatitjen e studentëve për të krijuar programe të personalizuara shëndetësore.
- Nxitjen e kohezionit social përmes sportit dhe aktivitetit fizik.
- Promovimin e kërkimeve shkencore dhe inovacionit në fushën e sportit dhe shëndetit publik.
Struktura e studimeve
Programi Master është i ndërtuar mbi një qasje multidisiplinare, duke kombinuar njohuri nga shkencat sportive, mjekësore dhe sociale. Në vitin e parë, studentët ndjekin lëndë bazë mbi shkencat sportive dhe lidhjen e tyre me shëndetin mendor dhe fizik. Në vitin e dytë, programi ndahet në pesë fusha kryesore:
- Lifestyle training – Aktiviteti fizik si mënyrë jetese
- Ages of life – Jetëgjatësia dhe aktivitetet fizike për grupmosha të ndryshme
- Disease and disability – Aktiviteti fizik për sëmundjet kronike dhe personat me nevoja të veçanta
- Social mediation – Roli i sportit në shoqëri dhe ndërtimin e kohezionit social
- Research – Kërkime shkencore dhe inovacion në fushën e sportit dhe shëndetit
Gjithashtu, gjatë vitit të dytë studentët zhvillojnë praktikë profesionale në institucione të ndryshme, duke u lidhur drejtpërdrejt me tregun e punës. Në fund të programit, ata përzgjedhin një temë të hulumtimit për punimin e diplomës master, e cila lidhet me fushën e specializimit të tyre.
Rezultatet e pritshme të të diplomuarve
Të diplomuarit nga ky program do të jenë të aftë të:
- Analizojnë profilin shëndetësor të popullatave dhe të zbatojnë programe të përshtatura për grupe të ndryshme.
- Hartojnë dhe monitorojnë programe trajnimi dhe rehabilitimi të personalizuara.
- Zbatojnë metoda shkencore dhe analiza statistikore për të mbështetur vendimmarrjen në shëndet publik dhe sport.
- Përdorin teknika të avancuara për të përmirësuar performancën fizike dhe mirëqenien mendore.
Ky program Master është një mundësi unike për të gjithë ata që duan të kombinojnë pasione sportive, shkencë dhe shëndet publik, duke krijuar një ndikim pozitiv si në jetën individuale, ashtu edhe në atë komunitare.
Sport
Manchester United planifikon shitje masive – në listë emra si Garnacho, Sancho e Hojlund
Published
10 hours agoon
August 27, 2025By
UBTNews
Manchester United është duke përgatitur një fund të afatit kalimtar veror me lëvizje të mëdha në tregun e transferimeve. Sipas raportimeve të “Times Sport”, klubi nga Old Trafford synon të largojë disa futbollistë që nuk kanë arritur të përmbushin pritshmëritë e stafit teknik dhe drejtuesve të klubit.
Në listën e lojtarëve që mund të largohen figurojnë emra të njohur si Alejandro Garnacho, Antony, Jadon Sancho, Tyrell Malacia dhe Rasmus Hojlund. Shitja e tyre do t’i hapte rrugë përforcimeve të reja dhe do të ndihmonte në balancimin financiar të klubit, në përputhje me rregullat e Fair Play Financiar.
Sipas burimit të njëjtë, drejtuesit e United janë të vendosur të nisin një rindërtim të skuadrës. Garnacho dhe Sancho, që më parë konsideroheshin pjesë e së ardhmes së klubit, tani shihen si mundësi për të gjeneruar të ardhura nga shitjet.
Në rastin e Antonyt, investimi i madh i klubit nuk ka rezultuar me paraqitje bindëse, ndërsa Tyrell Malacia dhe Rasmus Hojlund nuk kanë arritur të tregojnë vazhdimësi apo nivelin e kërkuar në Premier League.
Ky plan ka nxitur reagime të ndryshme mes tifozëve, sidomos për shkak të moshës së re dhe potencialit të disa prej lojtarëve të përmendur. Megjithatë, bordi drejtues duket i vendosur për të ndërmarrë hapa të mëdhenj në funksion të rikthimit të klubit në majat e futbollit anglez dhe evropian.
Në ditët në vijim priten zhvillime konkrete sa i përket ofertave dhe negociatave për këta lojtarë, me Unitedin që synon ta përmbyllë merkaton me një skuadër të rifreskuar dhe më konkurruese.
Sport
Suedia publikon listën për ndeshjet me Slloveninë dhe Kosovën – mungon Besfort Zeneli
Published
10 hours agoon
August 27, 2025By
UBTNews
Kombëtarja e Suedisë ka publikuar listën e futbollistëve të ftuar për dy ndeshjet e shtatorit kundër Sllovenisë dhe Kosovës, të vlefshme për kualifikimet e Kupës së Botës 2026.
Skandinavët do ta nisin kampanjën kualifikuese me përballjen ndaj Sllovenisë në shtëpi, përpara se të udhëtojnë drejt Prishtinës për ndeshjen e dytë ndaj Kosovës.
Përzgjedhësi i Suedisë, Jon Dahl Tomasson, ka ftuar 24 futbollistë për këto dy sfida. Në listë përfshihen emra të njohur si Alexander Isak, Viktor Gyökeres, Anthony Elanga, Lucas Bergvall dhe Isak Hien.
Në këtë grumbullim mungon mesfushori me prejardhje shqiptare, Besfort Zeneli, i cili më parë kishte zgjedhur të përfaqësojë Suedinë në vend të Kosovës.
Sport
Chelsea ofron trefishin e pagës për Fermin Lopez
Published
13 hours agoon
August 27, 2025By
UBTNews
Chelsea po përgatit një ofertë të rëndësishme për mesfushorin e talentuar të Barcelonës, Fermin Lopez, në përpjekje për ta sjellë atë në “Stamford Bridge” gjatë afatit kalimtar të verës.
Sipas gazetarit Miguel Rico, klubi londinez është gati t’i ofrojë 22-vjeçarit një pagë neto prej 15 milionë eurosh në vit, më shumë se trefishi i asaj që përfiton aktualisht te Barcelona. Përveç aspektit financiar, thuhet se trajneri i ri i Chelseat, Enzo Maresca, ka kontaktuar personalisht lojtarin dy herë për ta bindur mbi projektin dhe rolin e rëndësishëm që e pret në Premier League.
Vlera e mundshme e transferimit përflitet të jetë rreth 50 milionë euro, por Barcelona thuhet se nuk do të shqyrtojë asnjë ofertë nën 70 milionë euro. Pavarësisht kësaj, heshtja e Lopezit dhe mungesa e tij në ndeshjen e fundit kundër Levantes ka ngritur dyshime për qëndrueshmërinë e tij në “Camp Nou”.
Në të kaluarën, Fermin ka shprehur publikisht besnikëri ndaj Barcelonës, por mungesa e minutave në fillim të sezonit dhe oferta financiare e Chelseat mund të ndikojnë në vendimin e tij.
Barcelona, ndërkohë, është në dijeni të interesimit dhe po e monitoron nga afër situatën. Klubi dëshiron ta mbajë mesfushorin si pjesë të planeve afatgjata, por pranon se fati i tij do të varet edhe nga vullneti i vetë lojtarit.

Nga nutricioni te bioteknologjia: UBT përgatit profesionistët e së ardhmes në industrinë ushqimore

Formimi i profesionistëve që udhëheqin në sport, rehabilitim dhe shëndet publik – Studio Master në Shëndet dhe Aktivitet Fizik në UBT

Ambasada e Italisë: Mirëpresim zgjedhjen e Dimal Bashës si kryeparlamentar

Drejtori i ATK-së në takim me përfaqësues të Ambasadës së Mbretërisë së Bashkuar në Kosovë

Blerim Sallahu caktohet ushtrues i detyrës së Ministrit të Drejtësisë

Manchester United planifikon shitje masive – në listë emra si Garnacho, Sancho e Hojlund

Suedia publikon listën për ndeshjet me Slloveninë dhe Kosovën – mungon Besfort Zeneli

Shirat e rrëmbyeshëm përfshijnë Tajlandën, një i vdekur dhe një i zhdukur

KQZ miraton vendime për decertifikim dhe certifikim të kandidatëve për zgjedhjet lokale 2025
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA