Sport

Reali refuzon ofertën e skuadrës angleze për Eden Hazard

Klubet shprehin interes për të.

Published

5 years ago

December 9, 2021

Betim Gashi

E ardhmja e Eden Hazadit në Real Madrid nuk është shumë e sigurt duke parë që lojtari nuk po ia del që të stabilizohet me formën e tij në “Santiago Bernabeu”, i ndikuar shumë edhe nga lëndimet e shpeshta.

Duke parë këtë situatë, klubet që e admirojnë atë kanë shprehur interesim konkret dhe së fundi një ofertë te klubi spanjoll ka ardhur nga skuadra angleze West Ham United.

Sipas “El Nacional”, West Hamit i është refuzuar oferta prej 25 milionë eurosh për sulmuesin nga Belgjika.

“Blancos” janë të përgatitur të ndahen me sulmuesin e krahut dhe ish-lojtari i Chelseat mund të përfundojë përsëri në Premier Ligë, por drejtuesit e klubit të tij aktual po kërkojnë 50 milionë euro për kartonin e tij.

Vendi

Akil Gjakova mbyll garën pa medalje në Abu Dhabi

Published

13 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

14 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

15 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/