Lajmet nga UBT
Në një ceremoni solemne ndahen bursat studentore nga Fondacioni “UBT Jim Xhema”
Në një organizim të veçantë, Fondacioni “UBT Jim Xhema” ka ndarë bursa për studentët më të dalluar të UBT-së. Ky fondacion, i themeluar për të mbështetur ekselencën akademike dhe për të krijuar mundësi të reja për studentët shqiptarë, shënon një hap të rëndësishëm drejt forcimit të edukimit dhe zhvillimit shoqëror.
Të pranishëm në këtë aktivitet ishin figura të njohura nga fusha e arsimit, politikës dhe biznesit, përfshirë Kryetarin e Komunës së Prishtinës, Përparim Rama, Kryetarin e Rrjetit të Bizneseve Shqiptare në Diasporë, Naim Dedushaj, përfaqësues të familjes Xhema, Dr. Skënder Osmani dhe personalitete të tjera të njohura nga fusha e arsimit dhe biznesit.
Përfituesit e bursave ishin studentët e të gjitha trojeve shqiptare, nga Medvegja, Bujanoci, Presheva, Kosova, Shqipëria, Maqedonia e Veriut dhe Mali i Zi.
Diana Ibishi, Aurela Kamberi, Erlinda Zeneli, Valëza Rukovci, Eljesa Aliu, Sihana Hafuzi, Ediol Dragoti, Bledi Ramadani, Flora Çadraki, Jona Maliqi, Berni Guze, Arif Emini, Dzenis Kanacevic dhe Arbresha Temaj ishin emrat e studentëve që u vlerësuan ekselentë për të marrë këtë bursë.
Rektori i UBT-së, Prof. Dr. Edmond Hajrizi, gjatë fjalës së tij në ceremoninë e ndarjes së bursave nga Fondacioni “UBT Jim Xhema”, theksoi rëndësinë e kësaj iniciative dhe përkushtimin e jashtëzakonshëm të Jim Xhemës për të rinjtë dhe arsimimin. Ai vuri në dukje se kjo nismë është shumë më tepër sesa dhënie e bursave, duke e konsideruar si një mundësi për të ndryshuar të ardhmen e Kosovës dhe për të siguruar mbështetje për studentët që janë të dedikuar për të ndërtuar një shoqëri më të zhvilluar.
“Fondacioni ‘UBT Jim Xhema’ është një model që dëshmon se investimi në arsim nuk është thjesht një ndihmë për individët, por një bazë e fuqishme për të ndryshuar shoqërinë në tërësi”, tha Rektori Hajrizi, duke shtuar se ky akt është një shtysë për të rinjtë dhe një hap përpara në ndihmën që ata mund të ofrojnë për zhvillimin e vendit.
Rektori gjithashtu e përmendi kontributin e jashtëzakonshëm të Jim Xhemës në avancimin e arsimit dhe kulturës, duke theksuar se ky është një investim që ka një ndikim të thellë dhe të gjatë. Ai theksoi: “Ky akt fisnikërie është vetëm një pjesë e përkushtimit të vazhdueshëm të z. Xhema, i cili ka investuar pa u lodhur në fushat e arsimit, kulturës dhe avancimit profesional të të rinjve. Një shembull i gjallë i këtij përkushtimi është emërtimi i një objekti në Parkun Shkencor Inovativ të UBT-së me emrin e tij”. Kjo tregon jo vetëm mirënjohjen e institucioneve për këtë figurë të shquar, por edhe një testament të qëndrueshmërisë së angazhimit të tij për të rinjtë.
Në fund të fjalës së tij, Rektori Hajrizi iu drejtua studentëve duke i inkurajuar ata që të shfrytëzojnë mundësitë që u ofrohen, duke u bërë gjithashtu një forcë për ndryshim në shoqërinë e Kosovës. “Ju jeni dëshmia e gjallë se përkushtimi, ambicia dhe puna e palodhur shpërblehen. Sot nuk është vetëm një mundësi për të përparuar, por edhe një përgjegjësi për të kontribuar në ndërtimin e një shoqërie më të mirë, përmes dijes dhe inovacionit”, tha ai, duke theksuar rolin e rëndësishëm që kanë studentët në ndërtimin e një të ardhmeje më të mirë për të gjithë.
Kryetari i Komunës së Prishtinës, Përparim Rama, gjatë fjalës së tij në këtë ngjarje solemne, theksoi rëndësinë e përkushtimit të Jim Xhemës për arsimin dhe rininë shqiptare. Ai e cilësoi këtë iniciativë si një akt që tejkalon dhënien e bursave, duke përshkruar atë si një ndihmesë të madhe për të ardhmen e Kosovës.
“Sot nuk jemi thjesht këtu për ta shënuar një akt bamirësie. Sot, jemi dëshmitarë të një gjesti që ndërthur historinë me të ardhmen”, tha ai, duke theksuar se ky është një hap përpara në ndihmën për zhvillimin e Kosovës. Kryetari Rama e përshkroi Jim Xhemën si një hero të padiskutueshëm, një figurë kyçe që ka ndihmuar në avancimin e çështjes shqiptare, veçanërisht gjatë periudhës më të vështirë të vitet ’90, duke i dhënë zë dhe mbështetje Kosovës në arenën ndërkombëtare.
Ai gjithashtu e theksoi se ky investim është një nxitje për të rinjtë që të punojnë për një të ardhme më të mirë dhe të ndihmojnë në ndërtimin e një shoqërie më të zhvilluar. “Zoti Xhema po investon në ju, sepse ai beson në ju. Ai beson se dija juaj, puna juaj, dhe pasioni juaj mund ta formësojnë një të ardhme më të mirë për Kosovën dhe përtej saj”, theksoi Kryetari Rama. Ai e përfundoi fjalimin duke iu drejtuar studentëve për të kujtuar rëndësinë e këtij momenti, duke i inkurajuar që të shfrytëzojnë mundësinë që iu ofrohet për të kontribuar në zhvillimin e vendit.
Flora Çadraku, një nga studentët që fitoi bursën, u shpreh me mirënjohje dhe pasion: “Për mua, kjo bursë është një motivim i madh, një arsye për të punuar edhe më shumë. Është dëshmi që kur dikush beson tek ti, ti mund të arrish më shumë seç ke menduar”.
Ajo theksoi rëndësinë e mundësive që iu ofruan dhe angazhimin e saj për të përfaqësuar me sukses vlerat e Fondacionit “UBT Jim Xhema” dhe UBT-së, duke premtuar se puna dhe përkushtimi i saj do të jenë një pasqyrë e denjë e besimit që u dha.
Në fund të ceremonisë, studentët përfitues u shprehën të emocionuar dhe falënderues për mbështetjen që kanë marrë. Fondacioni “UBT Jim Xhema” synon të vazhdojë rrugën e tij për të fuqizuar gjeneratat e reja dhe për të ndërtuar ura bashkëpunimi mes komuniteteve dhe brezave.
Kjo iniciativë e UBT-së përforcon edhe një herë rolin e institucionit si një platformë që promovon ekselencën dhe fuqizon brezat e ardhshëm për të kapërcyer çdo kufi drejt suksesit./UBTNews/ D.E. 
Stafi i UBT-së, i udhëhequr nga Rektori, Prof. Dr. Edmond Hajrizi, së bashku me prorektorët dhe dekanët e fakulteteve, ka vizituar familjen Thaçi për të shprehur ngushëllimet e tyre të sinqerta pas ndarjes nga jeta të Haxhi Thaçit, babait të ish-presidentit të Kosovës, Hashim Thaçi.
Haxhi Thaçi ishte një njeri i thjeshtë, por me forcë dhe dinjitet të jashtëzakonshëm, i cili e mbajti historinë mbi supe. Ai ishte një figurë e rëndësishme jo vetëm për familjen e tij, por edhe për shoqërinë, duke lënë pas një trashëgimi të vlerave dhe përkushtimit.
Në këto momente të vështira, UBT shpreh solidaritetin dhe mbështetjen për familjen Thaçi, duke e kujtuar me respekt dhe nderim të thellë Haxhi Thaçin.
Lajmet nga UBT
Kosova e qëndrueshme ndërtohet me inxhinierët e Fakultetit të Inxhinierisë së Ndërtimit dhe Infrastrukturës në UBT
Në mesin e institucioneve më të shquara të arsimit të lartë në Kosovë, Fakulteti i Inxhinierisë të Ndërtimit dhe Infrastrukturës në UBT dallohet si lider i padiskutueshëm në fushën e ndërtimtarisë dhe infrastrukturës. Ky fakultet, i cili është shkolla më e madhe dhe më prestigjioze për ndërtimtari në Kosovë, ka një mision të qartë: të forcojë zhvillimin e qëndrueshëm të Kosovës përmes edukimit të brezave të ardhshëm të inxhinierëve, të cilët do të ndërtojnë, transformojnë dhe përmirësojnë infrastrukturën e vendit.
Njohuri dhe kompetenca për një treg ndërkombëtar të punës
Qëllimi i këtij programi është të ofrojë një edukim të avancuar dhe të plotë për studentët, duke i pajisur ata me të gjitha njohuritë dhe aftësitë e nevojshme për të qenë profesionistë të suksesshëm në sektorin e ndërtimit dhe infrastrukturës. UBT i mundëson studentëve të zhvillojnë kompetenca që janë të kërkuara jo vetëm në Kosovë, por edhe në tregun evropian dhe atë botëror.
Kjo arritje e jashtëzakonshme është e mundur përmes një qasjeje të integruar të mësimdhënies që bashkon teori dhe praktikë, duke zhvilluar aftësi për zgjidhjen e problemeve reale të infrastrukturës, projektimin e sistemeve të ujësjellësit dhe kanalizimeve, si dhe dizajnimin e rrugëve dhe ndërtimin e ndërtesave.
Infrastruktura moderne dhe mundësi praktike
Studentët e këtij fakulteti kanë mundësinë e shkëlqyer për të punuar në kushte të avancuara dhe teknologjikisht të përparuara. Fakulteti është i pajisur me laboratore dhe ambiente mësimore moderne, ku studentët mund të zhvillojnë projekte reale dhe të bëjnë përdorimin e metodologjive të fundit në fushat e ndërtimit dhe infrastrukturës. Përmes bashkëpunimeve me industrinë dhe partneriteteve ndërkombëtare, ata janë të ekspozuar ndaj praktikave globale, duke kontribuar në zhvillimin e qyteteve të mençura dhe infrastrukturës së qëndrueshme, një domosdoshmëri në epokën e urbanizimit të shpejtë dhe të gjerë.
Aftësi dhe kompetenca për studentët e UBT-së
Pas përfundimit të studimeve, studentët do të kenë një portofol të pasur me njohuri dhe aftësi që i ndihmojnë ata të bëhen liderë të ardhshëm në fushën e ndërtimit dhe infrastrukturës. Ata do të jenë të aftë të zhvillojnë projekte komplekse ndërtimore dhe të marrin pjesë në zbatimin e politikave që i japin një hov zhvillimit të qëndrueshëm të Kosovës.
Po ashtu, ky program u siguron studentëve aftësinë për të përdorur dhe respektuar ligjin, standardet dhe normat që mbështesin industrinë, duke i përgatitur ata për një angazhim të suksesshëm në tregun e punës.
Rezultatet e mësimit dhe perspektivat e karrierës
Fakulteti ofron një përgatitje të shkëlqyer në të gjitha aspektet e inxhinierisë ndërtimore dhe infrastrukturore, ku studentët mund të zhvillojnë aftësi në projektimin e objekteve ndërtimore, menaxhimin e projekteve të ndërtimit, dhe zbatimin e teknologjive të avancuara. Ata do të jenë të aftë të identifikojnë dhe të zgjidhin sfidat më të mëdha të fushës, të ndërtojnë ura, rrugë dhe sisteme infrastrukturore që do të mbijetojnë për dekada të tëra.
E sipas statistikave, rreth 95% e studentëve të këtij fakulteti janë të angazhuar në tregun e punës në Kosovë, ndërsa shumë të tjerë janë pjesë e tregut ndërkombëtar, duke sjellë një mundësi të jashtëzakonshme për zhvillim profesional dhe rritje të mundësive për karrierë.
Përkushtimi i fakultetit dhe vizioni i UBT-së
Përmes një angazhimi të vazhdueshëm dhe një qasjeje të fokusuar, Fakulteti i Inxhinierisë te Ndërtimit dhe Infrastrukturës ofron mundësi të pakrahasueshme për zhvillim të studentëve, duke i formuar ata për të qenë udhëheqës të suksesshëm në një industri të përparuar dhe të sfiduar vazhdimisht. Kjo është një mundësi e artë për të kontribuar në ndërtimin e një Kosove më të zhvilluar, më të qëndrueshme dhe më të teknologjizuar.
“Në Fakultetin Inxhinieri e Ndërtimit dhe Infrastrukturë ne i përgatisim studentët për të ndërtuar të ardhmen e Kosovës. Kjo është një eksperiencë e formësimit të udhëheqësve që do të krijojnë ura, ndihmojnë në zhvillimin e qyteteve të mençura dhe kontribuojnë në një infrastrukturë të qëndrueshme. Me laboratorët dhe praktikat e avancuara, ne ofrojmë mundësinë për të transformuar vizionin e studentëve në projekte reale që do të ndryshojnë botën rreth nesh“. – Prof. Ass. Dr. Visar Krelani, Dekan i Fakultetit të Inxhinierisë Ndërtimore dhe Infrastrukturës në UBT
Në një kohë kur të ardhmen e Kosovës po e ndërtojnë profesionistët e rinj të kësaj fushe, UBT është aty për t’i udhëhequr ata drejt suksesit, si lider i padiskutueshëm në arsimin dhe zhvillimin e infrastrukturës së Kosovës./UBTNews/
Lajmet nga UBT
Një hap drejt ekselencës – UBT INTERNATIONAL SMART SCHOOLS përmbyll “OPEN DAYS” me interesim të jashtëzakonshëm
Me një pjesëmarrje të jashtëzakonshme dhe një interes të lartë nga nxënësit, UBT INTERNATIONAL SMART SCHOOLS ka përmbyllur me sukses aktivitetin informues “OPEN DAYS”, një ngjarje e konceptuar për të ofruar një përvojë të drejtpërdrejtë me standardet dhe filozofinë edukative të këtij institucioni vizionar.
Gjatë dy ditëve të këtij eventi dinamik, maturantët e vitit shkollor 2025/2026 patën mundësinë të njihen nga afër me programet akademike të dizajnuara sipas standardeve më të avancuara ndërkombëtare, duke u njohur me metodologjinë inovative të mësimdhënies dhe ambientet moderne të dedikuara për një mësimnxënie interaktive dhe multidimensionale.
Një ekosistem SMART për gjeneratat e së nesërmes
Në përputhje me vizionin e UBT-së për të sjellë një qasje SMART në edukim, shkollat e saj kanë krijuar një ekosistem inovativ ku teknologjia, pedagogjia moderne dhe ambientet e avancuara kombinohen për të nxitur ekselencën akademike dhe zhvillimin e kompetencave kyçe të nxënësve.
Pjesëmarrësit e “OPEN DAYS” patën mundësinë të përjetojnë nga afër infrastrukturën unike të UBT INTERNATIONAL SMART SCHOOLS, duke përfshirë: Laboratorët e teknologjisë së avancuar, të pajisur me mjetet më të fundit shkencore dhe teknologjike;
Klasat interaktive, të konceptuara për të promovuar bashkëpunimin dhe mësimnxënien e personalizuar;
Hapësirat e dedikuara për zhvillimin e aftësive praktike, ku nxënësit mund të eksperimentojnë dhe të zhvillojnë projekte inovative.
Mundësi bursash për talentët e së ardhmes
Një ndër elementët kyç të aktivitetit ishte informimi mbi programet e bursave, të cilat ofrojnë një mbështetje të rëndësishme për nxënësit ekselentë që synojnë të ndjekin studimet në një mjedis arsimor të nivelit më të lartë. Këto bursa shpërblejnë arritjet akademike, por gjithashtu krijojnë edhe një mundësi unike për nxënësit që të formohen në një ambient që promovon ekselencën, inovacionin dhe përgatitjen për sfidat e së ardhmes.
Një zgjedhje e padiskutueshme për arsimimin parauniversitar
Interesimi i madh i nxënësve që morën pjesë në “OPEN DAYS” janë një tjetër dëshmi e ndikimit të jashtëzakonshëm që UBT INTERNATIONAL SMART SCHOOLS ka në ekosistemin arsimor në Kosovë.
UBT INTERNATIONAL SMART SCHOOLS mbetet e hapur për të gjithë ata që dëshirojnë të informohen më tej mbi procesin e regjistrimit, programin dhe mundësitë për bursa që ofrohen për maturantët e rinj, duke i ftuar të vizitojnë faqen zyrtare për më shumë detaje.
Audi braktis planet për elektrifikim të plotë
“Dardanët” nisen drejt Spanjës, të gatshëm për ndeshjen e kthimit
Ish-punonjësi i Eminem, i akuzuar për shitjen e këngëve të papublikuara të reperit, dënohet me burg
Thaçi në EULEX, pritet të takojë anëtarët e tjerë të familjes
Vazhdojnë raportimet për kthimin e Messit te Barça
Bisedë me Jehona Shaqiri: Radio ka magji! Këngëtarja bën thirrje të dëgjohet zëri i gazetarëve të zellshëm
Zgjedhjet e 9 shkurtit, VV ankohet në Gjykatën Supreme
Policia i shqipton për katër ditë mbi 1 mijë e 200 gjoba në Prishtinë
Stafi i UBT-së ngushëllon familjen Thaçi për ndarjen nga jeta të Haxhi Thaçit
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota2 months agoTrump zbulon listën e zezë të Shtëpisë së Bardhë