Kryeministri i Shqipërisë, Edi Rama, gjatë vizitës në Greqi u prit sot në takim nga kryetari i Parlamentit grek, Konstantinos Tasoulas, me ç’rast, u vlerësuan marrëdhëniet e mira që ekzistojnë mes vendeve.

Rama dhe Tasoulas shprehën dëshirën dhe vullnetin e përbashkët për forcimin e tyre të mëtejshëm, si dhe për thellimin e bashkëpunimit në fusha të ndryshme

Kryeministri Rama dhe kryetari i Parlamentit Konstantinos, Tasoulas, siç u bë e ditur në komunikatë, bashkëvlerësuan rolin e minoritetit grek në Shqipëri dhe komunitetit shqiptar në Greqi, si ura solide miqësie mes vendeve.

“Është kënaqësi e veçantë që jemi sot në Athinë, marrëdhëniet tona janë shumë të mira dhe në përmirësim të vazhdueshëm. Dëshira e dyanshme për t’i forcuar këto marrëdhënie çdo ditë, është shumë e madhe dhe baza e këtyre marrëdhënieve janë pa dyshim të dy popujt tanë dhe urat e forta mes nesh, janë qoftë qytetarët grekë që jetojnë në Shqipëri dhe qytetarët shqiptarë që jetojnë në Greqi”, u shpreh Rama.

Ndërsa, Tasoulas shprehu mbështetjen e Greqisë në rrugëtimin europian të Shqipërisë, duke vlerësuar progresin e bërë nga Shqipëria në këtë aspekt.

“Me të drejtë vendi juaj synon ecjen drejt integrimit evropian, me të drejtë vendi ynë mbështet rrugëtimin evropian të Shqipërisë. Me të drejtë të dyja vendet tona, duke pasur ura lidhëse minoritetin grek në Shqipëri dhe komunitetin shqiptar ne Greqi, po ecin përpara”, tha ai gjatë takimit.

“Bullgaria është në favor të integrimit të shpejtë të Ballkanit Perëndimor në BE, por me kusht që të respektohen të drejtat e bullgarëve atje”, kështu tha të hënën ministri i jashtëm në detyrë, Nikolay Milkov.

Ai foli për mediat gjatë rrugës për në Shkollën e 16-të Ndërkombëtare Dimërore për Diplomacinë, të mbajtur nga Instituti Diplomatik dhe Ministria e Jashtme për diplomatët e huaj nga BE, Evropa Juglindore dhe rajoni i Detit të Zi.

Ai gjithashtu tha se integrimi i Ballkanit Perëndimor në BE është një çështje me rëndësi të menjëhershme për Bullgarinë “sepse është mjedisi në të cilin Bullgaria ekziston dhe ndjek politikën e saj të jashtme”, u tha ministri gazetarëve.

“Ne kemi një qëndrim parimor në mbështetje të integrimit të Ballkanit Perëndimor dhe do të ishte më mirë që kjo të ndodhë sa më shpejt që të jetë e mundur, por në të njëjtën kohë duhet të ndodhë në përputhje me parimet dhe mekanizmat, të vendosura dhe të caktuara nga BE”, tha Milkov.

Ai nënvizoi se Bullgaria është në mbrojtje të të drejtave të “bullgarëve në këto vende, të njerëzve që kanë vetëdije bullgare dhe ndihen bullgarë në zemër”.

“Këto gjëra nuk shkojnë kundër qëllimit të integrimit të shpejtë të Ballkanit Perëndimor. Krejt e kundërta: respektimi i të drejtave të njeriut, të drejtat për shoqërim, luftimi i gjuhës së urrejtjes dhe krimeve të urrejtjes, janë të gjitha kriteret për anëtarësimin e këtyre vendeve drejt BE-së”, tha Milkov.

Në lidhje me Republikën e Maqedonisë së Veriut, Milkov u shpreh se Bullgaria ka një qëndrim të qartë, i cili bazohet në atë që ka vendosur BE-ja për Shkupin dhe mbështetet në “propozimin francez ose evropian”, për ta parafrazuar atë.

Ai shtoi se propozimi në fjalë është pranuar nga të gjitha vendet anëtare, përfshirë Bullgarinë dhe nga Kuvendi i Shkupit. “Kur të plotësojnë kushtet, rruga për anëtarësim do të hapet”, shtoi ai./BTA

Presidenti kolumbian, Gustavo Petro ka pezulluar një armëpushim me kartelin kryesor të trafikut të drogës në vend, Klanin e Gjirit.

Ai e akuzoi atë për “mbjellje ankthi dhe terrori” dhe urdhëroi forcat e sigurisë të riaktivizojnë operacionet e tyre ushtarake kundër bandës kriminale.

Armëpushimi ishte rënë dakord në dhjetor si pjesë e planit të presidentit për “paqe totale” në Kolumbi.

Pezullimi i tij është një goditje e madhe për përpjekjen e z. Petro për t’i dhënë fund konfliktit të armatosur.

Politika e tij është rrënjësisht e ndryshme nga ajo e paraardhësit të tij në detyrë, Iván Duque, i cili u përpoq të siguronte paqen duke rritur operacionet ushtarake kundër grupeve të armatosura të paligjshme të Kolumbisë.

Në vend të kësaj, Petro po përpiqet të negociojë përfundimin e armiqësive me dhjetëra organizata kriminale./UBTNews/

Për muaj, ngritja e çmimeve të ushqimit dhe energjisë në Moldovë ka bërë që qytetarët të protestojnë herë pas here në rrugët e vendit.

Liderët pro-perëndimorë e kanë akuzuar Rusinë për nxitje të qëllimshme të zemërimit në vend duke reduktuar furnizimet me gaz, gjë që shkaktoi rritjen e çmimeve.

Por Moska dhe politikanët pro-rus po mohojnë këto pretendime.

Opinioni publik është i ndarë, me shumë prej tyre që ndihen më të afërt me Moskën sesa Perëndimin./UBTNews/