Lajmet

Ministrat e BE-së bien dakord për sanksione të reja kundër Iranit

Kjo për shkak të shtypjes ndaj protestave që kanë filluar para disa muajsh.

Published

2 years ago

on

Bashkimi Evropian do të vendosë të hënën sanksione ndaj disa zyrtarëve të tjerë iranianë të dyshuar se kanë luajtur një rol në shtypjen e protestuesve, por nuk do të shtojë Trupat e Gardës Revolucionare të Republikës Islamike në listën e zezë të grupeve terroriste të BE-së.

Blloku 27-vendesh ka vendosur tashmë tre raunde sanksionesh ndaj zyrtarëve dhe organizatave iraniane – përfshirë ministrat e qeverisë, oficerët ushtarakë dhe policinë morale të Iranit – për abuzime të të drejtave të njeriut mbi protestat që shpërthyen në Iran në mes të shtatorit për vdekjen e Mahsa Aminit.

Të paktën katër persona janë ekzekutuar që nga fillimi i demonstratave, pas gjykimeve të shpejta me dyer të mbyllura. Të paktën 519 njerëz janë vrarë dhe më shumë se 19,200 të tjerë janë arrestuar, sipas Aktivistëve të të Drejtave të Njeriut në Iran.

Lëvizja është bërë një nga sfidat më të mëdha për teokracinë shiite të Iranit që nga Revolucioni Islamik i vitit 1979, përcjell UBT News.

Ndërsa ministrat e jashtëm të BE-së, të mbledhur në Bruksel, do të synojnë më shumë zyrtarë me ndalime udhëtimi dhe ngrirje të aseteve, ata nuk do të ecin përpara me futjen e Korpusit të Gardës Revolucionare në listën e zezë, pavarësisht apelit të javës së kaluar nga PE për ta bërë këtë.

Shefi i politikës së jashtme të BE-së, Josep Borrell, i cili kryesoi takimin, tha se kjo mund të ndodhë vetëm pasi një gjykatë në një vend anëtar të marrë një vendim që dënon trupën e gardës iraniane për akte terroriste./UBTNews/

Related Topics:
Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

2 days ago

on

April 4, 2025

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

2 days ago

on

April 4, 2025

By

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

2 days ago

on

April 4, 2025

By

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

2 days ago

on

April 4, 2025

By

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara