Sport

Milan ka gati emrat për transferimet e merkatos verore

“Tuttosport” raporton se klubi kuqezi synon të bëjë katër goditje për sezonin 2024-2025.

Published

11 months ago

April 4, 2024

Betim Gashi

Skuadra e Milanit duket se tani më është përcaktuar për përforcimet që do t’i bëjë në merkaton e verës së ardhshme. “Tuttosport” raporton se klubi kuqezi synon të bëjë katër goditje për sezonin 2024-2025.

Pas vendimit të Olivier Girouid, për tu larguar nga “San Siro”, drejt Los Angeles FC, në MLS. Prioriteti kuqezinjve do të jetë afrimi i një numri 9. Favorit në këtë repart është Joshua Zirkzee i Bologna-s, për të cilin kërkohet një shumë e lartë për ta lënë të lirë. Teksa në anën tjetër edhe Benjamin Sesko i Leipzig, Santiago Gimenez i Feynord dhe Viktor Giokeres i Sportingut të Lisbonës mbeten në garë. Si dhe i zakonshmi Jonathan David nga Lille, i cili ka avantazhin në këtë garë për arsye se mund të blihet me një kosto më të ulët se të gjithë të tjerët, duke qenë se kontrata e tij skadon në vitin 2025.

Më pas, Milani ka vendosur të përforcojë mesfushën. Skuadra ka nevojë për një mesfushorë me tipare defanzive, ku në këtë listë të ngushtë bëjnë pjesë dy emra nga kampionati francez, siç janë Kephren Thuram i Nice dhe Yusuf Fofana nga Monaco.

Pastaj, me largimin e mundshëm të Simon Kjaer, kontrata e të cilit skadon në qershor të këtij viti dhe me problemet fizike të Pierre Kalulu, Milani do të ketë nevojë për një qendërmbrojtës. Fillimisht bëhet fjalë për Benoit Badiashille të Chelsea-s, për shkak të marrëdhënieve të shkëlqyera me ‘Blutë’ dhe mund të jetë një transferim ideal.

Ndërkohë që rosoneret duhet të mendojnë edhe për zëvëndësuesin e Theo Hernandez. Edhe këtë vit, kur francezi ose ishte i padisponueshëm ose duhej të kalonte në qendër të mbrojtjes, Stefano Pioli u detyrua të luante me një element të përshtatur, si Alesandro Florenzi ose Aleks Himenez./UBTNews/

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.