Belen Rodriguez përdori rrjetet e saj sociale për të sqaruar gjendjen e saj shëndetësore, pas reagimeve të shumta lidhur me vështirësitë që ajo duket se kishte pasur gjatë një eventi të fundit të organizuar nga Vanity Fair.

Ajo shpjegoi se kishte përjetuar “një atak paniku mjaft kompleks” dhe kishte marrë tre qetësues kundër dhimbjeve para intervistës.

Showgirl-it iu duk e nevojshme të flasë hapur për këtë situatë, duke treguar: “Gjithmonë kam thënë se kam vuajtur nga sulmet e panikut e periudha depresive që kam kaluar. Ju siguroj, nuk është gjendje e lehtë. Natën para intervistës, isha larg fëmijëve dhe përpiqesha të flija, pata sulm paniku serioz. Mora një qetësues për t’u ndjerë më mirë, pastaj një të dytë dhe një të tretë.”

Gjatë intervistës, Belen trajtoi disa tema personale, përfshirë marrëdhënien e vështirë me Stefano De Martinon e frazën e saj “I rraha të gjithë ish-të dashurit e mi”, e cila kishte shkaktuar polemika mes ndjekësve.

Sipas Dr. Paola Mosini, psikologe dhe psikoterapiste në Humanitas PsicoCare, një atak paniku përbëhet nga: “Fillimi i papritur i një periudhe të dallueshme dhe të shkurtër shqetësimi, ankthi ose frikë intensive, të shoqëruara me simptoma fizike dhe/ose njohëse.”

Sulmet e panikut zgjasin 5 deri 20 minuta, megjithatë në disa raste simptomat vazhdojnë për më shumë se një orë. /A.Z/UBT News/

Këngëtarja shqiptare me famë botërore, Rita Ora, sot feston ditëlindjen e saj të 35-të.

Artistja e ka pritur këtë ditë të veçantë e rrethuar nga njerëzit e saj më të dashur, ndërsa grupet e fansave kanë mbushur rrjetet sociale me urime për idhullin e tyre.

Rita ka ndarë me ndjekësit një video të përgatitur nga grupi zyrtar i fansave, ku shfaqen momente nga fëmijëria e saj – një vajzë e vogël me ëndrra të mëdha.

Në 35-vjetorin e saj, Ora numëron dhjetëra hite globale, miliona kopje albumesh të shitura dhe një jetë të mbushur emocionalisht, duke kaluar ditë të lumtura përkrah bashkëshortit të saj, Taika Waititi. /A.Z/UBT News/

Ylli i popit, 32-vjeçarja Ariana Grande, e cila mori rolin në adaptimin me dy pjesë të muziklit të Broadway-it Wicked dhe vazhdimin e Wicked: For Good, po përgatitet të rikthehet në skenë vitin e ardhshëm me Eternal Sunshine, në mbështetje të albumit të saj të pestë.

Këngëtarja ka treguar se një pauzë e qëllimshme e ndihmoi të rindërtojë lidhjen e saj me muzikën.

Në një intervistë për revistën Interview rrëfeu: “Jam mirënjohëse dhe e emocionuar. Kam kaluar dy vitet e fundit duke shëruar marrëdhënien time me muzikën dhe turnetë. Kam kaluar shumë kohë duke rindërtuar mënyrën e krijimit të muzikës. Eternal Sunshine ishte një përvojë e re për mua.”

Krijuesja e hitit “Thank U, Next” shpjegoi se largimi nga industria e ndihmoi të dallonte presionet e famës nga gëzimi i krijimit, duke shtuar se aktrimi dhe roli i saj si Glinda në Wicked i dhanë forcën për t’i qasur muzikës me një perspektivë të freskët.

“Koha larg më mësoi të rimarr disa pjesë të vetes, të vendos ndjesitë që lidhen me famën dhe jetën si artiste në një vend tjetër, larg, dhe t’i them vetes: ‘Nuk kam pse të heq dorë nga diçka që e dua. Mund t’i lë gjërat mënjanë pa humbur dhuntitë e mia’,” tha ajo.

“Kam hedhur hapa të vegjël drejt shërimit të marrëdhënies sime me muzikën dhe turnetë. Koha me Glindan dhe aktrimi më ndihmoi të ndërtoj forcën për këtë. Nuk mund ta shpreh sa mirënjohëse jam. Më parë muzika mbante brenda disa trauma, tani po i shoh duke u zhdukur dhe kjo është diçka jashtëzakonisht e bukur.”

Ariana pranoi se kalimi i menjëhershëm drejt famës globale nuk ka qenë pa sfida. Duke reflektuar mbi ngritjen e saj të shpejtë, ajo tha:

“Ka pasur një periudhë të vështirë përshtatjeje në fillim, kur karriera ime pop shpërtheu në atë mënyrë. Shpresoj që kjo të mos tingëllojë si mosmirënjohje, por thjesht është një ndryshim i madh kur jeta jote transformohet kaq drastikisht.” /A.Z/UBT News/

Këngëtari i njohur i muzikës pop, Shpat Kasapi, ndërroi jetë sot në mëngjes pas një ataku të papritur kardiak.

Sipas raportimeve të gazetës KOHA, ai nuk ishte përballur më parë me ndonjë sëmundje kronike.

I lindur më 1 maj 1985, Shpati u rrit në një familje me traditë muzikore,  sfond që i dha motivimin e parë për t’u përkushtuar ndaj artit.

Karriera e tij nisi në fillim të viteve 2000 dhe u bë një nga emrat më të dashur për të rinjtë, falë melodive të lehta, stilit modern dhe performancave energjike.

Në skenën muzikore shqiptare dhe kosovare, ai lindi një seri hitesh që ende mbahen mend — përfshirë “A më do?”, “Valle Kosovare”, “Dashni pa limit”, “Aroma e saj” e shumë të tjera.

Përmes festivalëve të rëndësishme dhe bashkëpunimeve me artistë të spikatur, Shpati arriti të konsolidojë vendin e tij si emër kryesor i pop-muzikës.

Si figurë e pandashme e skenës, ai mbetet i njohur e i dashur jo vetëm për hitet e tij, por edhe për stilin karakteristik që e dallonte.

I ndjeri la pas gruan dhe një fëmijë, duke lënë një boshllëk të thellë në skenën muzikore dhe tek njerëzit që e donin. /A.Z/UBT News/