Ylli i filmave aksion, Tom Cruise, dhe këngëtarja Dolly Parton do të marrin çmime nderi Oscar për arritjet e tyre gjatë jetës këtë vit, njoftoi të martën Akademia e Filmit në Hollywood.

Fituesit do të marrin statujat e tyre të Oscarit në ceremoninë vjetore të Çmimeve të Guvernatorëve në nëntor. Cruise është nominuar disa herë për çmimin Oscar.

Cruise, i cili aktualisht shfaqet në “Mission: Impossible – Fallout” dhe është i njohur gjithashtu për “Top Gun”, u zgjodh për dekadat e tij të punës së përkushtuar në aktrim.

Ai u nominua dy herë për çmimin Aktori më i Mirë, për filmat “Born on the Fourth of July” dhe “Jerry Maguire”, si dhe për çmimin Aktor më i Mirë për filmin “Magnolia”.

Parton u nominua për këngën më të mirë, një yll i muzikës country dhe aktore në filmat “Steel Magnolias” dhe “The Best Little Whorehouse in Texas”, do të jetë gjithashtu fituesja.

Ajo është nominuar dy herë për Çmimin Oscar për Këngën më të Mirë Origjinale, për filmat “Nine to Five” dhe “Transamerica”. Cruise dhe Parton do t’u bashkohen si fitues Debbie Allen dhe Wynn Thomas.

Pas shpalljes së diagnozës, Jessie J ka qenë aktive në rrjetet sociale.

Gjatë performancës së saj të fundit live, Jessie J u premtoi fansave se do të triumfojë në betejën ndaj kancerit të gjirit.

Këngëtarja njoftoi këtë muaj se ishte diagnostikuar me kancer gjiri në fazë të hershme, pas një periudhe të gjatë analizash dhe kontrolle mjekësore. Në një postim në Instagram, ajo tregoi se ndjehej e ndarë mes dëshirës për ta mbajtur këtë për vete dhe nevojës për ta ndarë me publikun.

Pas shpalljes së diagnozës, Jessie J ka qenë aktive ku ka ndarë përditësime të ndjera me ndjekësit e saj. Javën e kaluar, ajo rrëfeu një nga momentet më të vështira deri tani, të cilin e quajti “dita më e keqe”.

Gjatë koncertit “Capital’s Summertime Ball” që u mbajt në Wembley Arena më 15 qershor, këngëtarja iu drejtua turmës prej 75,000 vetash me fjalët: “Ky është koncerti im i fundit para fillimit të trajtimit për të mposhtur kancerin e gjirit.”

“Ky moment është i rëndësishëm. Nuk mund ta përshkruaj sa shumë do të thotë. Jam krenare që ndjehem mirë që jam e hapur dhe e sinqertë me ju. Jemi me fat. Kemi plot arsye për të jetuar, për të ndjerë lumturi, për të bërë më shumë.”

Gjatë koncertit, performoi disa nga hitet e saj, përfshirë “Do It Like a Dude”, “No Secrets” dhe “Living My Best Life”. Në një postim tjetër, pati nënvizuar rëndësinë e pranimit të ndjenjave të vështira si frika, trishtimi, zemërimi dhe paniku.

Will Smith i janë dashur tre vjet reflektimi pas incidentit në ceremoninë e ndarjes së çmimeve, “Oscar 2022”, kur goditi me shuplakë komedianin Chris Rock në skenë.

Në një intervistë për BBC, Smithi e përshkroi përvojën si “të vështirë për t’u përballur”.

“Pas ‘Oscar’, u tërhoqa për pak kohë. U futa në proces të brendshëm pune me veten e mora vështrim të drejtë dhe të ndershëm mbi veten time”, shpjegoi ai.

Aktori u përjashtua nga ceremonia për 10 vjet, pasi goditi Chris Rockun për një shaka që bëri për flokët e gruas së Smithit, Jada Pinkett Smith, e cila vuan nga alopecia, sëmundje që shkakton rënie të flokëve. “Për herë të parë në karrierën time, duhej të përballesha me kaq kundërshtime. Isha i varur nga miratimi i të tjerëve, dhe kur kjo u thye, ishte shkatërruese”, u shpreh aktori.

Incidenti u shpërnda në rrjet, ku miliona njerëz panë momentin kur Willi goditi Rockun, ndërsa i bërtiste: “Mos e përmend emrin e gruas sime me gojën tënde!”. Smith u largua vetë nga Akademia e “Oscar” pak ditë më pas, duke thënë se veprimi ishte “tronditës, i dhimbshëm dhe i pafalshëm”.

Aktori 56-vjeçar ka thënë se kjo përvojë i hapi rrugë një periudhe të thellë introspektimi.

“Ishte si të ishte një kapak që mbulonte pjesë të pandriçuara të shpirtit tim – dhe papritur ai kapak u hoq. Ishte e frikshme për një moment, por më pas erdhën mendime të reja, energji të reja, krijimtari e re. Gjithçka filloi të shfaqej si muzikë”, ka thënë Smith.

Ai është duke promovuar projekte të reja artistike, ndërsa thotë se është në një fazë më të pjekur të jetës dhe karrierës së tij.