Magazinë

Mbretëresha Camilla zbulon sekretet e martesës së lumtur me Mbretin Charles

Published

on

Mbretëresha e Mbretërisë së Bashkuar Camilla ka ndarë sekretet e një martese të qëndrueshme me Mbretin Charles, teksa çifti mbretëror festoi 20-vjetorin e martesës ditë më parë, gjatë një vizite shtetërore në Itali.

“20 vjet… kush do ta besonte?!” ka thënë ajo për mediat britanike, ka raportuar FemaleFirst.

E pyetur për sekretin e një martese të suksesshme, ajo u përgjigj me thjeshtësi dhe humor duke thënë se mendon që ka të bëjë me miqësinë.

“Të qeshësh për të njëjtat gjëra. Të vazhdosh përpara me jetën. Shpesh jemi si dy anije që kalojnë pranë njëra-tjetrës gjatë natës. Kalojmë me shpejtësi përkrah njëri-tjetrit”, ka thënë ajo.

Më herët gjatë ditës, Camilla kishte veshur një version të modifikuar të veshjes që kishte mbajtur në ceremoninë e martesës së tyre në vitin 2005, e rifreskuar me detaje të reja qëndisjeje.

77-vjeçarja ka treguar se ajo dhe mbreti kishin rezervuar “pak kohë për të biseduar pas pesë angazhimeve publike dhe para darkës shtetërore”. E pyetur nëse Charles do ta konsideronte një ditë pushimi si dhuratë për përvjetor, ajo tha me humor “Ëndërroj!”

E pyetur nëse arrijnë të relaksohen bashkë gjatë turneve zyrtare, Camilla ka thënë se flasin gjatë darkës.

“Po, kemi pak kohë për të biseduar gjatë darkës. Do të ishte bukur të kishim një ditë pushimi për të vizituar ndonjë vend, por nuk do të ndodhë!”, ka thënë ajo.

Çifti nuk kishte shkëmbyer dhurata për përvjetorin, por Camilla planifikonte t’i dhuronte Charlesit diçka tradicionale, një komplet porcelani, si dhuratë klasike për 20-vjetorin e martesës.

“Do ta bëjmë kur të kthehemi. Nëse e bën tani, gjithçka bëhet me ngut dhe nuk ke kohë të thuash asgjë me kuptim. Mendoj se në fund të ditës, do të nxjerrim diçka nga xhepi. Kam diçka gati.”

Camilla e ndiente veten veçanërisht të lumtur që përvjetori u festua në Itali, një vend me të cilin ajo ka lidhje personale që nga fëmijëria, pasi familja e saj kishte një shtëpi pushimi në Firence.

“E kam dashur gjithmonë Italinë. Këtu ndihesh më mirë. Janë kaq miqësorë, të dashur. Ushqimi, moti… është diçka në ajër. Gjithçka ka më shumë shije. Pse domatet e makaronat kanë më shumë shije? I merr me vete në Angli, por nuk kanë të njëjtin shije”, ka thënë ajo.

Gjatë darkës shtetërore me 150 të ftuar, mbreti Charles, në një fjalim plot humor dhe mirënjohje, ai ka thënë se kjo vizitë është e veçantë për çiftin pasi festojnë 20 vjetorin e martesës.

“Kjo vizitë është dhe më e veçantë për ne, pasi festojmë 20-vjetorin e martesës. Duhet të them se është w mirë nga ana juaj, zoti president, që na keni organizuar këtë darkë me qirinj për dy vetë”, tha Charles.

Pak orë para darkës, çifti ka bërë një vizitë të papritur te Papa Françesku, i cili u uroi përvjetorin gjatë një takimi 20-minutësh.

Pallati Buckingham më pas ndau një fotografi në rrjetet sociale, me mbishkrimin: “Mbretit dhe Mbretëresha u prekën shumë nga fjalët e Papës për përvjetorin e tyre dhe u ndien të nderuar që ndanë urimet personalisht me të”.

Magazinë

Lopez dhe Affleck e rikthejnë në shitje rezidencën luksoze në Beverly Hills

Published

on

Jennifer Lopez dhe Ben Affleck duket se janë të vendosur ta shesin rezidencën e tyre madhështore në Beverly Hills, pasi e kanë rikthyer sërish në treg, vetëm dy muaj pasi e kishin hequr nga lista publike, ka raportuar TMZ.

Detajet e pronës: Vila që shtrihet në sipërfaqe prej 3,530 metrash katrorë, tani ofrohet për 52 milionë dollarë, zbritje e konsiderueshme nga çmimi fillestar 68 milionë dollarë, sa ishte kërkuar në korrik 2024.

Në të njëjtin muaj, çifti e kishte ulur çmimin në 59,95 milionë dollarë përpara se ta hiqnin nga shitja.

Lopez dhe Affleck e kishin blerë këtë pronë në maj 2023 për 60,85 milionë dollarë.

Çfarë përfshin prona?

Sallon sportiv dhe palestër të kompletuar

Ring boksi dhe fusha për basketboll dhe pickleball

Garazh për 12 automjete

Një penthouse për mysafirë prej 465 metrash katrorë

Shtëpi për kujdestarët dhe godinë roje me dy dhoma gjumi

Pasuria mes ndarjes dhe divorcit

Në maj 2024, revista PEOPLE raportoi se çifti kishte filluar të jetonte veçmas. Affleck kishte larguar sendet e tij nga rezidenca në qershor, ndërsa Lopez ndodhej në një udhëtim në Evropë.

Fillimisht, kishin tentuar shitjen e shtëpisë “off-market”, një praktikë që përdoret nga personazhet publikë për të ruajtur privatësinë. Në gusht 2024, Lopez paraqiti kërkesën për divorc, më shumë se dy vjet pas martesës së tyre në Las Vegas në korrik 2022.

Ceremonia zyrtare ishte mbajtur në Gjeorgji, në prani të familjes dhe miqve të ngushtë.

Pavarësisht ndarjes, burimet kanë treguar se Lopez dhe Affleck kanë bashkëpunuar në mënyrë të koordinuar për menaxhimin e pasurive të përbashkëta, përfshirë edhe vendimin për shitjen e rezidencës. /A.Z/UBT News/

Continue Reading

Magazinë

90 vite elegancë, Sophia Loren ndan sekretin e saj

Published

on

Prej dekadash, emri i Sophia Loren është bërë sinonim i bukurisë së përjetshme dhe elegancës që sfidon kohën.

Ikona italiane, fituese e çmimit “Oscar” dhe një figurë e paharrueshme e stilit, ka ndriçuar tapetet e kuq dhe ka zbukuruar kopertinat e revistave më prestigjioze në botë.

Prandaj, nuk është për t’u habitur që në ditëlindjen e 90-të, pyetja që të gjithë duan t’i bënin ishte: cili është sekreti i pamjes së saj rinore?

Përgjigjja e Loren ishte një përzierje e thjeshtësisë dhe mençurisë, e shoqëruar me dashuri për jetën:

“Asgjë nuk e bën një grua më të bukur sesa besimi se ajo është e bukur”, tha ajo.

Kur u pyet sërish për sekretin e saj, Sophia theksoi rëndësinë e një qëndrimi pozitiv:“E qeshura, gëzimi dhe një sens i mirë humori janë trajtimet më të mira kundër plakjes.” /A.Z/UBT News/

Continue Reading

Magazinë

E shkarkoi menaxherin për shkak të Izraelit? Reagon Dua Lipa

Published

on

Dua Lipa ka hedhur poshtë pretendimet se ka pushuar nga puna agjentin e saj, David Lavy, për shkak të qëndrimeve të tij pro-Izrael.

Këngëtarja sqaroi se nuk mbështet veprimet e Levyt, por theksoi se deklarata e saj ishte manipuluar nga Mail Online.

“Unë nuk mbështes veprimet e David Levy apo të ndonjë drejtuesi tjetër muzikor kundër një artisti që po shpreh të vërtetën e tij. Megjithatë, nuk mund të injoroj mënyrën se si kjo çështje u trajtua në media. Artikulli ishte plotësisht i pavërtetë, ndërsa gjuha e përdorur nga Daily Mail ishte qartësisht nxitëse, e shkruar vetëm për klikime dhe për të krijuar përçarje online. Për mua, gjithmonë është ‘Free Palestine’, por shfrytëzimi i një tragjedie globale vetëm për shitje gazetash është diçka jashtëzakonisht shqetësuese”, ka shkruar Dua Lipa në reagimin e saj. /A.Z/UBT News/

Continue Reading

Magazinë

Incident pranë rezidencës së Taylor Swift

Published

on

Një incident i pazakontë u regjistrua së fundmi pranë rezidencës së Travis Kelce dhe Taylor Swift në Kansas, ku një burrë 48-vjeçar, Justin Lee Fisher, u arrestua pasi dyshohet se tentoi të dorëzonte dokumente ligjore në emër të aktorit Justin Baldoni, në një çështje që përfshin Blake Lively.

Fisher dyshohet se hodhi gardhin e pronës private për t’i dorëzuar dokumentet Swift, e cila u përmend si dëshmitare në betejën ligjore mes Lively dhe Baldonit. Policia e ka cilësuar ngjarjen si shkelje të pronës private në një zonë të siguruar.

Ky incident ndodh mes një procesi të tensionuar ligjor. Blake ka ngritur një padi ndaj Baldonit dhe ekipit të tij, duke pretenduar ngacmim seksual dhe shpifje, ndërsa Baldoni ka kundërpërgjigjur me një padi prej 400 milionë dollarësh ndaj Lively dhe bashkëshortit të saj, Ryan Reynolds, për shpifje dhe zhvatje, një padi që tashmë është rrëzuar nga gjykata.

Taylor Swift është përmendur si dëshmitare, por avokatët e saj kanë refuzuar të paraqitet në gjyq, duke përmendur angazhimet profesionale.

Përfaqësuesit e saj theksuan se ajo nuk ka pasur rol në prodhimin e filmit “It Ends With Us”, përveç përdorimit të një kënge të saj në soundtrack. /A.Z/UBT News/

Continue Reading

Të kërkuara