Sport

Man Utd i interesuar për yllin e Dortmundit, përfshihet edhe Sancho në “operacion”

Sancho u largua nga United, pas një përplasjeje me trajnerin Erik Ten Hag.

Published

2 years ago

March 22, 2024

Betim Gashi

Manchester United është duke e shqyrtuar mundësinë e një marrëveshje të mundshme shkëmbimi me Borussia Dortmund që do t’i mundësonte Jadon Sanchos një lëvizje të përhershme në Bundesliga.

Sancho u largua nga United, pas një përplasjeje me trajnerin Erik Ten Hag për shkak se ai e la jashtë listës së të ftuarve për ndeshjen kundër Arsenalit.

Ten Hag e kritikoi publikisht Sanchon pas ndeshjes, me anglezin që pastaj bëri një postim në rrjetet sociale për t’u mbrojtur. Pasi asnjëra palë nuk dëshironte të tërhiqej, Sancho u huazua te Dortmundi ku ai ka filluar të kthehet në formën e mirë të tij.

Karriera e 23-vjeçarit te United duket se ka mbaruar, për sa kohë që Ten Hag është në krye dhe me siguri do të duhet të ketë një lloj marrëveshjeje që ai të ndërpresë plotësisht lidhjet me klubin anglez. Në anën tjetër, “Djajtë e kuq” kërkojnë rreth 40-50 milionë funte në mënyrë që ta lëjnë të lirë futbollistin. Por edhe nuk përjashtohet mundësia e shkëmbimit, për ta zgjidhur këtë situatë.

Kuptohet se Sancho do të jetë i hapur për të zgjatur qëndrimin e tij të dytë te Dortmundi, dhe kjo mund të hapë derën për një marrëveshje pasi United thuhet se është i interesuar për Donyell Malen.

Malen është shfaqur si një lojtar kyç për Dortmundin gjatë gjithë sezonit 2023/24, duke u paraqitur në 33 ndeshje në të gjitha garat. Gjatë kësaj periudhe ai gjeti rrjetën 13 herë dhe kontribuoi me pesë asistime.

Sulmuesi holandez ka përvojë në Angli. Gjatë karrierës së tij të hershme ishte në akademinë e Arsenalit nga 2015-17 para se të kthehej në Holandë./UBTNews/

Related Topics:Borussia Dortmund Manchester United Bundesliga

Up Next

Real Madrid në sulm për yllin e Liverpoolit

Don't Miss

Kombëtarja e Shqipërisë përballet me Kilin në miqësore

Sport

Champions League, City dhe Chelsea luftojnë për rikthim

Published

11 hours ago

March 17, 2026

UBTNews

Manchester City dhe Chelsea, përballen me një mision shumë të vështirë për të siguruar kualifikimin në çerekfinale të UEFA Champions League.

Të dy skuadrat pësuan humbje të thella në ndeshjet e para, City u mposht 3:0 nga Real Madrid në “Santiago Bernabeu”, ndërsa Chelsea humbi 5:2 ndaj Paris Saint-Germain në Paris. Ndeshjet e kthimit zhvillohen sot nga ora 21:00.

Përmbysja e disavantazheve të tilla ndaj skuadrave si Real Madridi dhe PSG konsiderohet shumë e vështirë, duke pasur parasysh cilësinë dhe përvojën e tyre në garat evropiane. Megjithatë, te City mbizotëron besimi. Kapiteni Bernardo Silva theksoi se skuadra do të luftojë deri në fund, pavarësisht rezultatit të parë negativ.

Nga ana tjetër, Chelsea synon reagim në shtëpi, edhe pse përballet me mungesën e kapitenit Reece James për shkak të lëndimit. Trajneri Liam Rosenior ka kërkuar përqendrim maksimal dhe shmangie të gabimeve ndaj kampionit në fuqi.

Në kampin e PSG-së, Ousmane Dembele theksoi se skuadra e tij do të hyjë në fushë për fitore, duke paralajmëruar një tjetër ndeshje të fortë ndaj londinezëve.

Në takimet e tjera, Sporting CP përballet me Bodo/Glimt, ku norvegjezët kanë epërsi 3:0 nga ndeshja e parë. Ndërkohë, Arsenal FC dhe Bayer Leverkusen nisin nga barazimi 1:1, duke lënë gjithçka të hapur për kualifikim.

Sport

Sfida e fortë në Romë për karatistët kosovarë

Published

14 hours ago

March 17, 2026

UBTNews

Ka përfunduar gara prestigjioze Karate 1 Premier League Rome 2026, e mbajtur në Romë, Itali, ku morën pjesë edhe përfaqësuesit e Federatës të Karatesë së Kosovës.

Në këtë turne të nivelit më të lartë botëror, ku garojnë vetëm 32 sportistët më të mirë në secilën kategori, Kosovën e përfaqësuan Islam Selmani në kategorinë -60 kg dhe Betim Maliqi në kategorinë -75 kg.

Selmani nuk arriti të vazhdojë garën për shkak të një lëndimi që pësoi gjatë fazës së grupeve, ndërsa Maliqi pati paraqitje solide, por nuk arriti të kalojë këtë fazë të garës.

Për të dy garuesit, kjo ishte hera e parë që merrnin pjesë në një kompeticion të këtij niveli. Në këtë aktivitet, ata u shoqëruan nga trajneri i përfaqësueses, Agron Tosuni.

Federata e Karatesë e Kosovës u ka uruar sportistëve suksese në garat e ardhshme dhe rezultate edhe më të mira në skenën ndërkombëtare.

Sport

Humbje për Agnesa Veselin në “Montenegro Cup”

Published

15 hours ago

March 17, 2026

UBTNews

Në kuadër të turneut ndërkombëtar Montenegro Cup, që po zhvillohet në Budva, Mali i Zi, boksierja Agnesa Veseli u paraqit në kategorinë 51 kg.

Ajo u përball me ukrainasen Sofia Turbnina, por nuk arriti të sigurojë fitore në këtë duel.

Turneu po mbledh boksierë të rinj nga vende të ndryshme të Evropës dhe shërben si një mundësi e rëndësishme për fitimin e përvojës ndërkombëtare dhe zhvillimin e tyre në arenën sportive.

Sport

Goditje për Neymarin, mbetet jashtë Brazilit

Published

15 hours ago

March 17, 2026

UBTNews

Neymar Jr ka reaguar me zhgënjim pasi nuk është përfshirë në listën e fundit të Kombëtarja e Brazilit.

Sulmuesi i Santos FC pranoi se ndihet i mërzitur dhe i trishtuar për këtë vendim, por theksoi se do të vazhdojë të punojë për t’u rikthyer në formën më të mirë.

Ish-lojtari i FC Barcelona dhe Paris Saint-Germain ndau një mesazh emocional, ku nënvizoi se përjashtimi nuk e ndryshon fokusin e tij. Ai u shpreh se do të vazhdojë të përqendrohet në përmirësimin e përditshëm përmes stërvitjes dhe ndeshjeve.

“Jam i mërzitur dhe i trishtuar që nuk jam thirrur, por fokusi mbetet i njëjtë: ditë pas dite, stërvitje pas stërvitjeje, ndeshje pas ndeshjeje,” është shprehur Neymar.

Mungesa e tij në listë lidhet kryesisht me problemet e fundit fizike dhe periudhën e gjatë të rikuperimit, të cilat kanë ndikuar në ritmin dhe formën e tij në fushë. Për këtë arsye, stafi teknik i Brazilit ka vendosur të mbështetet te lojtarët që aktualisht janë në formë optimale.

Ndërkohë, në përfaqësuesen braziliane po zhvillohet edhe një proces rinovimi, ku gjithnjë e më shumë hapësirë po u jepet futbollistëve të rinj, në funksion të ndërtimit të skuadrës për sfidat e ardhshme madhore.