Sport

Real Madrid në sulm për yllin e Liverpoolit

Kontrata e mbrojtësit të Liverpoolit skadon në vitin 2025.

Published

3 years ago

March 22, 2024

Betim Gashi

Real Madrid po e monitoron me kujdes situatën e Trent Alexander-Arnold. Kontrata e mbrojtësit të Liverpoolit skadon në vitin 2025 dhe për momentin nuk ka ndonjë negocim mes palëve për rinovimin e saj.

“Los Blancos” e sheh si zëvendësuesin përfekt të Dani Carvajalit, teksa një tjetër faktor plus është edhe fakti që lojtari i kombëtares angleze mbulon disa role në fushë me Jurgen Kloppin që e ka provuar 25-vjeçarin edhe në mesfushë.

Lamtumira e Jurgen Kloppit nga “The Reds” shtyn edhe më tepër Realin që të këmbëngulë në transferimin e Arnold. Spanjollët besojnë se pa teknikun gjerman në Anfield, do të jetë më e lehtë për t’i rrëmbyer Liverpoolit një nga lojtarët më të rëndësishëm.

Për momentin ende nuk ka një informacion mbi preferencat e Arnoldit që me fanellën e Liverpoolit numëron më shumë se 300 ndeshje.

Mirëpo Reali sapo e ka nisur ofensivën në drejtim të anësorit dhe e ndjek nga afër situatën në klubin anglez duke e bërë Trent Alexander-Arnoldin një objektiv për merkaton e verës së vitit 2024./UBTNews/

Related Topics:kontrata Trent Alexander-Arnold Liverpool

Up Next

Icardi pranë rikthimit në Serie A, por jo te Interi

Don't Miss

Man Utd i interesuar për yllin e Dortmundit, përfshihet edhe Sancho në “operacion”

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/