Botë

Macron: Franca dhe aleatët janë të bashkuar për Ukrainën

Published

9 months ago

on

Presidenti francez, Emmanuel Macron, tha se Franca dhe aleatët e saj janë pajtuar se të drejtat e Ukrainës dhe shqetësimet për sigurinë evropiane duhet të merren parasysh në çdo marrëveshje të mundshme për përfundimin e luftës në Ukrainë.

“Qëndrimi i Francës dhe i aleatëve të saj është i qartë dhe i bashkuar. Ne dëshirojmë paqe në Ukrainë që do të ishte e qëndrueshme”, tha Macron përmes një postimi në X, pasi u takua me udhëheqësit e 19 shteteve, përfshirë të Kanadasë. Në takim, shumica nga ta morën pjesë përmes video-lidhjes.

Presidenti amerikan, Donald Trump, ka befasuar Bashkimin Evropian, duke thënë se është gati të rinisë diplomacinë me presidentin rus, Vladimir Putin, tre vjet pasi Rusia nisi luftën kundër Ukrainës.

SHBA-ja dhe Rusia veçse kanë mbajtur një takim në Riad më 18 shkurt, në të cilin nuk u ftua Kievi, e as Evropa.

Macron mbajti një takim të ri për Ukrainën të mërkurën pasdite, në përpjekje për të koordinuar përgjigjen evropiane për atë që ai e ka cilësuar si “kërcënim ekzistencial” nga Rusia, pas ndryshimit të papritur të politikës amerikane.

“Ne qëndrojmë me Ukrainën dhe do të vazhdojmë të kryejmë të gjitha përgjegjësitë tona për të ofruar paqe dhe siguri në Evropë”, tha Macron pas video-konferencës.

Por, ai tha se pjesëmarrësit – ku bënin pjesë krerët e shteteve apo qeverive të BE-së, por edhe të Islandës dhe Norvegjisë – theksuan se Ukraina duhet të përfshihet dhe “të drejtat e saj duhet të respektohen” në këtë proces.

Ata thanë se kërkohen “garanci të forta dhe të besueshme” në mënyrë që të sigurohet një marrëveshje e qëndrueshme” dhe se “shqetësimet për sigurinë evropiane”, duhet të merren parasysh.

“Ne jemi të bindur për nevojën që të rriten shpenzimet tona të mbrojtjes e sigurisë dhe të rriten kapacitetet për Evropën dhe për çdo shtet tonin”, shtoi Macron.

Ndërkaq, përmes një postimi në X, presidenti ukrainas, Volodymyr Zelensky, njoftoi se Macron e kishte informuar atë për takimin me udhëheqësit evropianë dhe të Kanadasë.

“Evropa ka nevojë për paqe të qëndrueshme dhe themeli i saj mund të jenë vetëm garancitë e sigurisë”, tha ai.

Mediat kanë raportuar se Macron pritet që javën e ardhshme të takohet me Trumpin në Shtëpinë e Bardhë.

Zelensky, ndërkaq tha se do të takohet me të dërguarin amerikan për Ukrainë dhe Rusi, Keith Kellogg të enjten, duke shtuar se shpreson për bashkëpunim “konstruktiv” me SHBA-në.

Këto deklarata ai i bëri pasi Trump bëri reagimin më të ashpër ndaj Zelenskyt deri më tani, duke e quajtur “diktator pa zgjedhje”.

Po ashtu, Trump ka lënë të kuptohet se e fajëson Ukrainën për nisjen e luftës më 2022.

Franca është një nga mbështetëset më të mëdha të Ukrainës që kur ka nisur lufta.

Macron veçse kishte mbajtur një samit për Ukrainën. Në Paris, të hënën ai mblodhi udhëheqësit evropianë, përfshirë ata nga Gjermania, Britania, Italia, Polonia, Holanda, por edhe shefat e NATO-s dhe BE-së për bisedime urgjente, por disa shtete më të vogla, sikurse Rumania dhe Republika Çeke raportohet se janë shqetësuar se nuk ishin ftuar në takim.

Në takimin e 19 shkurtit, presidenti në detyrë i Rumanisë, Ilie Bolojan, dhe kryeministri i Luksemburgut, Luc Frieden, ishin prezentë në takimin në Paris, tha Presidenca franceze.

Udhëheqësit nga Lituania, Qiproja, Finlanda, Belgjika, Bullgaria, Kanadaja, Kroacia, Estonia, Greqia, Irlanda, Islanda, Letonia, Norvegjia, Portugalia, Suedia, Sllovenia dhe Republika Çeke iu bashkuan takimit përmes video-lidhjes.

Hungaria dhe Sllovakia, kryeministrat e të cilave shihen si të afërt me Putinin, por edhe anëtarja e NATO-s, Turqia, nuk ishin në listën e të ftuarve për takimin e 19 shkurtit./REL/

Related Topics:
Continue Reading

Botë

Zelensky në Francë për të nënshkruar marrëveshje për mbrojtjen ajrore dhe avionët luftarakë

Published

4 minutes ago

on

November 17, 2025

By

Presidenti ukrainas Volodymyr Zelensky pritet të nënshkruajë të hënën marrëveshje me Francën për furnizimin me aftësi të mbrojtjes ajrore, avionë luftarakë dhe raketa, duke synuar të forcojë kapacitetin afatgjatë të ushtrisë së tij për të luftuar pushtimin e vazhdueshëm të Rusisë.

Zelensky është në Paris për bisedime me Presidentin francez Emmanuel Macron, ndërsa sulmet e rënda me dronë dhe raketa ruse ndaj Ukrainës janë shtuar në javët e fundit dhe Moska ka raportuar përparime të ndjeshme tokësore në rajonin juglindor të Zaporizhzhisë, shkruan Reuters.

“Një marrëveshje historike është përgatitur gjithashtu me Francën – do të ketë një forcim të ndjeshëm të aviacionit tonë luftarak, mbrojtjes ajrore dhe aftësive të tjera mbrojtëse. Sipas orarit të vizitës, kjo do të zhvillohet të hënën”, tha Zelensky në një postim në X të dielën./EO

Continue Reading

Lajmet

​Aksident tragjik në SHBA, humbin jetën dy të rinj shqiptarë

Published

3 days ago

on

November 14, 2025

By

Dy të rinj shqiptarë, S.Xh dhe A.Ç kanë humbur jetën tragjikisht në një aksident automobilistik në Cleveland, Ohio, më 11 nëntor, lajm ky që ka tronditur komunitetin shqiptar në SHBA dhe në Shqipëri.

Sipas iniciuesve të fondit, S.XH, 27 vjeçe, ishte studente e doktoraturës në Cleveland State University, e njohur për përkushtimin, inteligjencën dhe pasionin e saj për kërkimin shkencor.

Ndërsa A.Ç 30 vjeç, ishte në përfundim të studimeve në Cleveland State University Law dhe po përgatitej për provimin e jurisprudencës.

Të fejuarit ndanin dashurinë për librat, për dijen dhe për botën e “Harry Potter”, e cila i lidhte edhe më shumë në jetën e tyre të përditshme. Miqtë dhe të afërmit i përshkruajnë si dy të rinj të qetë, të mirë dhe të dashur, që sillnin ngrohtësi kudo ku shkonin, dhe kanë hapur një GoFound Me.

“Humbja e tyre ka lënë një boshllëk të pamatë në familjet tona dhe në komunitetin që ata prekën me dritën dhe dhembshurinë e tyre,” shkruhet në thirrjen e hapur.

Fushata ka për qëllim të mbledhë fondet e nevojshme për transportimin e trupave në Shqipëri si dhe për shpenzimet e varrimit dhe ceremonive përkujtimore. /S.K/KP/

Continue Reading

Lajmet

​Bitcoin bie në nivelin më të ulët për shkak të pasigurisë ekonomike në SHBA

Published

3 days ago

on

November 14, 2025

By

Bitcoin ka rënë më shumë se 6% në nivelin e tij më të dobët në gjashtë muaj, ndërsa pasiguria në rritje rreth ekonomisë amerikane nënvlerësoi pritjet për një ulje të normës së interesit nga Rezerva Federale në dhjetor.

Kriptovaluta më e madhe u tregtua me 97,190 dollarë në orën 07:05 GMT, rreth nivelit të saj më të dobët që nga maji. Të dhënat nga CoinMarketCap treguan se vlera e tregut global të kriptomonedhave, përfshirë Bitcoin, ra me rreth 6.9% në 24 orët e fundit në 3.26 trilion dollarë.

Kapitalizimi i tregut të Bitcoin ra me 5.8% në 24 orët e fundit në 1.94 trilion dollarë, ndërsa vëllimi i tregtimit ditor u rrit me rreth 50% në 111.1 miliardë dollarë. Megjithatë, Bitcoin është rritur me afërsisht 4.1% që nga fillimi i vitit 2025.

Ethereum, kriptomonedha e dytë më e madhe sipas vlerës së tregut, ra me rreth 9% në 3,220 dollarë.

Shitja u nxit kryesisht nga pasiguria mbi perspektivën ekonomike të SHBA-së. Tregjet ulën bastet për një ulje të normës së interesit të Rezervës Federale pas një mbylljeje gati 43-ditore të qeverisë, e cila përfundoi të mërkurën, ngriti shqetësime se të dhënat kryesore të punësimit dhe inflacionit në tetor mund të mos publikohen. Kjo e ka lënë Rezervën Federale me më pak informacion përpara takimit të saj të 10-11 dhjetorit.

Sipas CME FedWatch, tregtarët po parashikonin një shans prej 45.4% për një ulje prej 25 pikësh bazë në dhjetor të premten, nga një probabilitet prej 63.8% një javë më parë.

Mungesa e të dhënave zyrtare ekonomike uli oreksin për rrezik dhe rëndoi mbi asetet spekulative, duke i mbajtur tregtarët të kujdesshëm në tregjet e kriptomonedhave./S.K/KP/AA/

Continue Reading

Lajmet

​BBC i kërkon falje Trumpit për redaktimin në Panorama, por refuzon të paguajë kompensim

Published

3 days ago

on

November 14, 2025

By

BBC i ka kërkuar falje Presidentit të SHBA-së Donald Trump për një episod të Panorama që kishte ndarë pjesë të fjalimit të tij të 6 janarit 2021 së bashku, por i ka hedhur poshtë kërkesat e tij për kompensim.

Korporata tha se redaktimi kishte dhënë përshtypjen e gabuar se Presidenti Trump kishte bërë një thirrje të drejtpërdrejtë për veprime të dhunshme dhe tha se nuk do ta transmetonte më programin e vitit 2024.

Avokatët e Trump kanë kërcënuar të padisin BBC-në për 1 miliard dollarë (759 milionë paund) dëmshpërblim, përveç nëse korporata lëshon një tërheqje, kërkon falje dhe e kompenson atë.

Sekretarja e kulturës i tha BBC Breakfast se ishte e bindur se korporata po e merrte këtë me seriozitetin që kërkon, duke shtuar se roli i saj ishte të siguronte që “të respektoheshin standardet më të larta”.

Lisa Nandy, duke theksuar pavarësinë e BBC-së nga qeveria, tha se po fliste çdo ditë me kryetarin e korporatës, drejtorin e përgjithshëm dhe udhëheqjen e lartë.

Ndërsa BBC-ja po zhvillonte “iskutime të drejtpërdrejta me administratën amerikane dhe me avokatët e saj, ajo shtoi se qeveria nuk kishte folur me administratën Trump për këtë çështje.

“Mendoj se kjo është një pyetje për kryetarin e BBC-së, jo për qeverinë”, tha ajo.

BBC mori letrën nga avokatët e Trump ku  kërkon një tërheqje të plotë dhe të drejtë të dokumentarit, një kërkim falje dhe që BBC ta kompensojë në mënyrë të përshtatshme Presidentin Trump për dëmin e shkaktuar./S.K/KP/BBC/

Continue Reading

Të kërkuara