Një ngjarje tragjike ka tronditur komunitetin latin dhe botën e rrjeteve sociale, pasi këngëtarja dhe influencuesja 22-vjeçare Maria De La Rosa, e njohur me emrin artistik DELAROSA, u qëllua për vdekje në Los Angeles.

Dy persona të tjerë që ndodheshin me të mbetën rëndë të plagosur.

Sipas policisë së Los Angeles (LAPD), sulmi ndodhi në Northridge, në Luginën e San Fernando, rreth orës 01:30 të mëngjesit të së shtunës.

Të shtënat u dëgjuan në Rrugën Bryant, një zonë e qetë ku tre persona po qëndronin brenda një automjeti të parkuar.

Dëshmitarët raportuan se dy meshkuj të dyshuar iu afruan automjetit dhe hapën zjarr nga afër ndaj pasagjerëve. Policia dyshon se ngjarja mund të ketë lidhje me aktivitetet e bandave kriminale, megjithëse hetimet janë ende në fazat fillestare.

DELAROSA u transportua me urgjencë në spital nga një person privat, por pavarësisht përpjekjeve të mjekëve, nuk mundi t’i mbijetonte plagëve. Dy personat e tjerë mbeten në spital në gjendje të rëndë, por stabile.

LAPD vazhdon hetimet për identifikimin e autorëve dhe motivin e sulmit, ndërsa familjarët, fansat dhe komuniteti artistik kanë shpërthyer në reagime të dhimbshme në rrjetet sociale, duke kërkuar drejtësi për 22-vjeçaren. /A.Z/UBT News/

Para se të bëhej një nga yjet më të njohur të Hollywood-it, George Clooney mori një këshillë që do t’i mbetej mend për dekada.  Fjalët e mençura erdhën nga legjenda Paul Newman.

Takimi i tyre i parë ndodhi gjatë xhirimeve të filmit Mesazh në një shishe (1999). Clooney, i njohur atëkohë si Dr. Doug Ross në Urgjencë, ndaloi me një karrocë golfi për t’u përshëndetur me Newman. Megjithatë, Newman nuk kishte idenë se kush ishte ai.

“Ai nuk dinte se kush isha unë, por të gjithë ata që vinin me karroca golfi thoshin, ‘Hej, George’. Pak nga pak, ai kuptoi se kisha një farë suksesi në industri,” rrëfeu Clooney për The New York Times.

Në një bisedë të hapur me Jay Kelly, bashkë-yllin Adam Sandler dhe regjisorin Noah Baumbach, Clooney tregoi se Newman i tha një gjë që ia ndryshoi perspektivën: “George, mos i lejo të të mbajnë brenda,” – duke i sugjeruar që të mos izolohej për të ruajtur privatësinë.

64-vjeçari pranoi se ishte i tunduar të qëndronte brenda dhe të shmangte vëmendjen, por fjalët e Newmanit i dhanë një këndvështrim të ri:

“Tendenca ime ishte të qëndroja brenda, por kur e dëgjova Newmanin, gjithçka mori kuptim menjëherë.” /A.Z/UBT News/

Eva Longoria ka folur për lindjen e djalit të saj në moshën 43-vjeçare, duke theksuar se për të ishte momenti i duhur për t’u bërë nënë.

Aktorja, sot 50 vjeç, e cila solli në jetë Santiagon në vitin 2018, u shpreh se ndjehej shumë më e mençur dhe më e duruar sesa në vitet e mëparshme.

Në një intervistë për revistën Sunday Times Style, ylli tha: “Ishte koha e duhur. Kur bëhesh nënë në të 40-at, ke më tepër mençuri dhe durim. Për një kohë shumë të gjatë, gjithçka ishte e fokusuar tek unë.”

Ajo shtoi se vitet e mëparshme ia kishte kushtuar vetes e karrierës: “Dyzet vjet me fokus tek vetja ishin të mjaftueshme. Jam me të vërtetë e bekuar që linda më vonë, pata mundësi të udhëtoj, të përmbush të gjitha objektivat e karrierës. Tani gjithçka që bëj është qershia mbi tortë, mund ta ndaj me djalin tim.”

Më tej, Longoria theksoi se pranon një rol vetëm nëse ai përfshin njerëz me të cilët dëshiron vërtet të punojë, pasi kjo ndikon drejtpërdrejt në kohën që mund të kalojë me Santiagon.

“Familja ime është prioritet. Nëse i them ‘po’ diçkaje që më largon prej tyre, duhet të jetë diçka që e shijoj vërtet dhe me njerëz që dua të kem pranë,” tha ajo. /A.Z/UBT News/