Analisti Fatos Lubonja, i ftuar në studion e lajmeve në “News 24”, në këtë transmetim marton, u ndal tek sjelljet e ambasadorëve në Shqipëri gjatë këtyre zgjedhjeve.
Ai tha se ambasadorët në asnjë vend të botës nuk bëjnë sjellje të tilla siç ndodh në vendin tonë gjatë procesit të votimit dhe tanimë numërimit. Lubonja theksoi, se ka ardhur koha që shqiptarët të emancipohen dhe të marrin fatin në dorë.
“Padyshim që s’i vë faj vetëm atyre, i vë politikanëve tanë, mediave, edhe vetes time. Po ky është realiteti. Nuk ndodh që të shkojë ambasadorja në qendrat e votimit dhe të urdhërojë. Është qesharake, na bën popull qesharak. Këtu ke idenë që këtu është situata e pashpresë, por jo serioze. Le të jemi pak më emocional. Kam thënë që ky rezultat tregon që jemi drejt një regjimi po forcohet ku një parti e vetme prek shtetin, nëse rezultati përmbyset do i kërkoj ndjesë Ramës. Llambushka e PSD tregon që rezultati do të jetë ky.
Midis të tjerave shtova që regjimet nuk rrëzohen me votë të lirë, por rrëzohen kur konsumohen, ose me revolucion, edhe me Amerikës. Ky regjim nuk është konsumuar akoma, do presim të konsumohet dhe atëherë do të ketë një tjetër qëndrim tjetër të SHBA. Nuk lë shije të mirë prezenca e anijeve në këto kohë. Vijmë nga një kulturë e brishtë. Roli i ambasadores dhe ajo që më shqetëson mua është që këto dalin, kontrollojnë dhe duket sikur gjërat janë mirë. Nuk pritet që regjimi të bëjë në ditën e votimit ndonjë gjë. Me patronazhistët e famshëm u shkelën të dhënat e Tiranës.
Si mund të justifikosh në një ditë të fundit zgjedhje, që ju e keni pasur që me 5 qershor. Nuk u lejuan koalicionet, nuk pati qëndrim amerikan. E patë si u rrëzua në Kosovë një qeveri për interesat amerikane është e kuptueshme, ka qenë kështu. Padyshim nuk është përgjegjësi e tyre, kur vjen puna, interesi gjeopolitik është më i madh dhe na trajtojnë si fëmijë.
Kërkoj të jetoj në një vend me dinjitet, ne duam të jemi në Evropë, por nuk na fut, kjo na bën të jemi pa dinjitet. Kjo është përgjegjësia jonë kryesore. E shpreh këtë me thirrjen që duhet të emancipohemi dhe të marrim fatin në dorë, shpëtimi vjen nga vetja”, u shpreh Lubonja.
Vazhdon edhe sot procesi gjyqësor ndaj ish-krerëve të Ushtrisë Çlirimtare të Kosovës. Në këtë seancë do të vazhdojë paraqitja e provave, nga dëshmitarët që janë ftuar nga ana e mbrojtjes.
Seanca parashihet të nisë nga ora 09:00.
Gjatë dy javëve të kaluar kanë dëshmuar tre dëshmitarë të thirrur nga Mbrojtja. John Duncan ishte dëshmitari i tretë i cili ishte një ish-punonjës i shërbimit diplomatik të Britanisë së Madhe, ku ai dha dëshmi kryesisht në seancë publike.
Në çështjen gjyqësore Thaçi dhe të tjerët për krime lufte, Trupi Gjykues më 18 shtator urdhëroi vazhdimin e paraburgimit për Rexhep Selimin, Kadri Veselin dhe Jakup Krasniqin, duke konstatuar se vazhdojnë të ekzistojnë rreziqet që të akuzuarit mund të pengojnë ecurinë e procesit ose të kryejnë vepra penale të tjera.
Trupi Gjykues gjykoi se lirimi i të akuzuarve në posedim të informacionit të ndjeshëm nuk do të ndihmonte mbrojtjen efikase të dëshmitarëve që kanë dhënë dëshmi tashmë ose të atyre që mund të dëshmojnë në procese paralele. Në rastin e z. Selimi, Trupi Gjykues rikujtoi se duket se z. Selimi nxori informacion konfidencial për palë të treta të paautorizuara, çka përforcoi konstatimin e Trupit Gjykues se ekziston rreziku që z. Selimi të pengojë ecurinë e procesit.
Sipas mendimit të Trupit Gjykues, rreziqet e identifikuara mund të zvogëlohen vetëm përmes kornizës për monitorimin e komunikimeve që zbatohet në objektin e paraburgimit të Dhomave të Specializuara./S.K/EO/
Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.
Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.
Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.
“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.
Ai ka shtuar se me këtë problematikë përballen sa herë që në Kosovë ka zgjedhje.
“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.
Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/
Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.
Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.
Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.
Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.
Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.
Ndeshja zhvillohet të mërkurën në Poloni nga ora 18:30./S.K/KP/