Aktualitet

Liderët botërorë urojnë Erdoganin për fitoren në zgjedhje

Sipas Putinit, firotja ishte “rezultat logjik i punës së përkushtuar” të Erdoganit.

Published

on

Presidenti amerikan Biden tha se shpresonte të punonte me Erdoganin për “sfidat e përbashkëta globale”.

“Mezi pres të vazhdoj të punoj së bashku si aleatë të NATO-s për çështjet dypalëshe dhe sfidat e përbashkëta globale”, shkroi Biden, duke mos përmendur tensionet e fundit mes dy palëve.

Presidenti rus Putin, i cili ka bashkëpunuar ngushtë me Erdoganin për çështje kyçe ndërkombëtare pavarësisht disa mosmarrëveshjeve, i tha udhëheqësit të Turqisë se fitorja e tij ishte “rezultat logjik i punës suaj të përkushtuar”.

“Fitorja juaj në këto zgjedhje është rezultati logjik i punës suaj të përkushtuar si kreu i Republikës Turke, një dëshmi e qartë e mbështetjes së popullit turk për përpjekjet tuaja për të forcuar sovranitetin e shtetit dhe për të ndjekur një politikë të jashtme të pavarur”, tha Putin.

Ursula von der Leyen, presidente e Komisionit të Bashkimit Evropian tha se blloku dëshiron të forcojë lidhjet me vendin.

“Unë e përgëzoj (Erdoganin) për fitoren e zgjedhjeve. Mezi pres të vazhdoj të ndërtoj marrëdhëniet BE-Turqi”, shkroi ajo.

“Është e një rëndësie strategjike për BE-në dhe Turqinë që të punojnë për avancimin e kësaj marrëdhënieje, për të mirën e popullit tonë”.

Urime ka dërguar edhe Jens Stoltenberg, sekretari i përgjithshëm i aleancës ushtarake të NATO-s, anëtare e së cilës është edhe Turqia.

“Urime President (Erdogan) për rizgjedhjen tuaj. Mezi pres të vazhdojmë punën tonë së bashku dhe të përgatitemi për Samitin e NATO-s në korrik”, shkroi ai në Twitter.

Ndërsa udhëheqësi francez Emmanuel Macron tha se të dy kombet kishin “sfida të mëdha” për të punuar së bashku. Ai tha se këto sfida përfshinin “kthimin e paqes në Evropë”./UBTNews/

Bota

Refuzoi armëpushimin nga Putin, Zelensky: E dimë se me kë kemi të bëjmë

Published

on

By

Presidenti rus Vladimir Putin ka urdhëruar një armëpushim tre-ditor gjatë përvjetorit të përfundimit të Luftës së Dytë Botërore në Evropë, duke e cilësuar si një provë për gatishmërinë e Ukrainës për një armëpushim të qëndrueshëm.

Por Presidenti ukrainas Volodymyr Zelensky e hodhi poshtë menjëherë këtë ide, duke thënë se “nuk ka besim” tek premtimet e Moskës.

Gjatë një konference të përbashkët me Presidentin çek Petr Pavel në Pragë, Zelensky tha se Rusia po flet për një armëpushim, ndërsa njëkohësisht kryen më shumë se 200 sulme në një ditë të vetme – shifra më e lartë në muajt e fundit, sipas një raporti ushtarak ukrainas.

Ne e dimë me kë kemi të bëjmë. Kjo nuk është hera e parë që Rusia premton ndalimin e zjarrit. Dhe çdo herë është një mashtrim”, tha Zelensky, i cili ndodhet në Çeki për një vizitë dy-ditore së bashku me bashkëshorten e tij.

Ai njoftoi gjithashtu se po zhvillohen diskutime për krijimin e një shkolle trajnimi për pilotë ukrainas në Çeki, për avionët amerikanë F-16, projekt që nuk mund të realizohet në Ukrainë për arsye sigurie.

Presidenti çek, një ish-gjeneral i NATO-s, theksoi se “Putini mund ta përfundojë luftën me një vendim të vetëm, por deri tani nuk ka treguar asnjë vullnet për ta bërë këtë”.

Republika Çeke mbetet një nga mbështetësit më të fuqishëm të Ukrainës, me ndihma ushtarake, humanitare dhe përpjekje të koordinuara evropiane për furnizim me municion. “Iniciativa çeke e artilerisë po funksionon shkëlqyeshëm”, deklaroi Zelensky.

Dita e hënë pritet të sjellë takime të tjera të nivelit të lartë mes Zelenskyt dhe drejtuesve politikë të Çekisë, përfshirë kryeministrin Petr Fiala dhe krerët e parlamentit.

Continue Reading

Bota

Trump pritet të takohet me Putinin në Arabinë Saudite në maj

Published

on

By

Presidenti i SHBA-së, Donald Trump, tha se do të shqyrtonte një takim të mundshëm me homologun e tij rus, Vladimir Putin, në Arabinë Saudite gjatë vizitës së tij në mbretëri në mesin e majit.

Gazetarët e pyetën udhëheqësin amerikan nëse kishte ndërmend të takohej me homologun e tij rus gjatë udhëtimit të tij të planifikuar. “Nuk e di, duhet të mendojmë për këtë. Nuk kam menduar për këtë,” u përgjigj Trump.

“Do të nisemi për në Arabinë Saudite shumë shpejt”, shtoi udhëheqësi i SHBA-së.

Më parë, zëdhënësja e Departamentit të Shtetit të SHBA-së, Tammy Bruce, tha se komunikimi midis udhëheqësve të Rusisë dhe Shteteve të Bashkuara është i nevojshëm në çështjen e zgjidhjes së krizës ukrainase. Putin dhe Trump zhvilluan një bisedë telefonike më 18 mars, gjatë së cilës diskutuan një armëpushim 30-ditor në konfliktin ukrainas, kushtet për parandalimin e përshkallëzimit dhe një numër çështjesh ndërkombëtare.

Udhëheqësi rus u pajtua me propozimin e Trump që palët në konflikt në Ukrainë të përmbahen reciprokisht nga sulmet ndaj objekteve të infrastrukturës energjetike.

Trump ka pranuar më parë se mund të zhvillojë një takim me udhëheqësin rus pas udhëtimit të tij në Lindjen e Mesme, gjatë të cilit do të vizitojë Arabinë Saudite, Katarin dhe Emiratet e Bashkuara Arabe midis 13 dhe 16 majit.

Continue Reading

Bota

Shefi i NATO-s, Rutte paraqet planin e rritjes së shpenzimeve për mbrojtjen

Published

on

By

Shefi i NATO-s, Mark Rutte, u ka propozuar anëtarëve të aleancës të rrisin shpenzimet e mbrojtjes në 3.5% të PBB-së dhe të shpenzojnë 1.5% të tjera për artikuj të tjerë që lidhen me mbrojtjen, për të përmbushur kërkesën e Donald Trump për një objektiv prej 5%, thanë për Reuters njerëz të njohur me idenë.

Propozimi i Rutte mund t’i lejojë presidentit amerikan të shpallë një fitore në një samit të NATO-s në Hagë në qershor, ndërkohë që nuk i angazhon vendet evropiane dhe Kanadanë për një premtim prej 5% për shpenzimet thelbësore të mbrojtjes, të cilin shumë e shohin si të paqëndrueshëm politikisht dhe ekonomikisht.

Continue Reading

Bota

Kina shqyrton ofertat e SHBA, Ministria e Tregtisë: Pekini i hapur për bisedime

Published

on

By

Pekini po shqyrton qasjet e ndryshme të administratës Trump për tejkalimin e kontesteve tregtare, ka bërë të ditur të enjten Ministria kineze e Tregtisë.

Megjithatë, në një deklaratë për shtyp, ministria ka theksuar se tarifat e njëanshme prej 145 për qind mbeten një pengesë që minon mirëbesimin.

Deklarata përsërit qëndrimin e Kinës se është e hapur për bisedime, por edhe vendosmërinë e saj për të luftuar nëse është e nevojshme.

Tarifat ishin një lëvizje e njëanshme e Shteteve të Bashkuara dhe nëse Shtetet e Bashkuara duan të flasin, atëherë duhet ta bëjnë këtë me sinqeritet dhe të jenë të gatshme të korrigjojnë praktikat e tyre të gabuara”, thuhet në deklaratë.

Sipas dokumentit, qeveria në Pekin ka marrë në konsideratë deklarata të bëra nga zyrtarë të ndryshëm amerikanë që tregonin vullnetin për të negociuar mbi tarifat.

Por Kina nuk do t’i shqyrtojë ato më tej nëse vetë presidenti Trump nuk del me një qasje të sinqertë.

Të thuash diçka por të bësh diçka tjetër, ose të kryesh shantazhe nën petkun e bisedimeve nuk do të funksionojë me Kinën”, thotë më tej deklarata.

Pekini i është përgjigjur tarifave të Trump me masa reciproke deri në 125 për qind. Gjithashtu, vendi aziatik ka ashpërsuar kufizimet e eksporteve në Shtetet e Bashkuara të mineraleve me rëndësi strategjike dhe ka ndalur importin e një seri produktesh amerikane.

Continue Reading

Të kërkuara