Kulturë

Librat: Festimi i Fuqisë së Librit në Ditën Botërore

Në çdo anë të globit, sot, më 23 prill, festimet shtrihen për të nderuar fuqinë dhe ndikimin e librave dhe lidhjen e pashmangshme midis të kaluarës dhe të ardhmes, një urë që bashkon brezat dhe kulturat.

Published

on

Dita Botërore e Librit dhe të Drejtave të Autorit është një festë e rëndësishme për të ndarë gëzimin dhe vlerën e leximit dhe librave. Në çdo anë të globit, sot, më 23 prill, festimet shtrihen për të nderuar fuqinë dhe ndikimin e librave dhe lidhjen e pashmangshme midis të kaluarës dhe të ardhmes, një urë që bashkon brezat dhe kulturat.

Në kështjellën e fjalëve, Sibel Halimi, Drejtoreshë e Kulturës në Komunën e Prishtinës, përmes rrjetit të saj social në Facebook, ka njoftuar se në Ditën e Librit,  Ambasada e Malit të Zi, Drejtoria e Kulturës së Komunës së Prishtinës dhe Shoqata e Artistëve dhe Intelektualëve “Art Club” organizon shfaqjen e filmit dokumentar “Në teh të erës” në nderim të poetit, studiuesit dhe profesorit Basri Çapriqi. Filmi do të shfaqet në Kino Armata në Prishtinë, të martën, më 23 prill të vitit 2024 në orën shtatë të mbrëmjes.

Në Ditën Botërore të Librit, presidenti i Republikës së Shqipërisë, Bajam Begaj, ndan një moment të veçantë me librashitësin, Ndriçim Ziu, i cili me vite ka shërbyer si “biblotekari i rrugës”. Në një postim të ndarë në rrjetin social në Facebook, presidenti Begaj shkruan për këtë takim: “Me bukinistin e qytetit të Elbasanit, që ka lexuar çdo libër që gjendet në librarinë e tij shëtitëse. Vendosa të ndaj këtë postim sot për të nderuar fisnikërinë e të lexuarit”.

Ndërsa bëhet e ditur nëpërmjet mediave shqiptare, Ndriçim Ziu, me një stivë libra përpara tij, jo vetëm që i shet ato, por gjithashtu i lexon ato me përkushtim, duke u bërë një katalizator i një ndërthurrjeje të bukur midis botës reale dhe asaj të librave.

https://www.facebook.com/reel/954793762613738

Në këtë ditë të veçantë, UNESCO dhe organizatat ndërkombëtare përfaqësuese të tre sektorëve kryesorë të industrisë së librit – botuesit, shitësit e librave dhe bibliotekat, vendosin një Kryeqytet Botëror të Librit për të mbajtur flakën e promovimit të kulturës së librave. Me aktivitete të ndryshme dhe inovative, këto organizata japin një impakt të veçantë festimeve të kësaj dite, nxitur leximin dhe kulturën letrare në mbarë botën, shkruhet në faqen kryesore të UNESCO.

23 Prilli është një datë e ngjarjeve të rëndësishme për letërsinë botërore. Është dita kur ndërruan jetë një sërë autorësh të dalluar, si William Shakespeare, Miguel de Cervantes dhe Inca Garcilaso de la Vega. Zgjedhja e kësaj date për të qenë Dita Botërore e Librit ishte një nderim i qëlluar për të gjithë autorët dhe librat në nivel global. Në Konferencën e Përgjithshme të UNESCO-s, e mbajtur në Paris në 1995, vendosur që të bëhet një ditë për të nderuar librat dhe autorët, dhe për të inkurajuar qasjen në dije për të gjithë.

Mesazhi i Audrey Azoulay, Drejtoreshë e Përgjithshme e UNESCO-s, për Ditën Botërore të Librit dhe të Drejtës së Autorit, 23 Prill 2024, është një shprehje e thellësisë dhe rëndësisë së librit në shoqëri. Ajo thekson rolin kryesor që librat kanë në edukim, informim, argëtim, dhe për të kuptuar botën dhe diversitetin gjuhësor.

Në mesazhin e saj, në formë të shkruar për faqen zyrtare të UNESCO, Azoulay gjithashtu bën të ditur angazhimin e UNESCO-s në mbështetjen e botimeve në gjuhë indigjene dhe rajonale, duke përfshirë projekte si “What Makes as Human” dhe serinë “Bintou & Issa”. Ajo gjithashtu thekson rëndësinë e përfshirjes së të rinjve në lexim dhe edukimin mbi trashëgiminë kulturore të tyre. Azoulay fton të gjithë të angazhohen në mbështetjen e leximit dhe kulturës në Ditën Botërore të Librit dhe të Drejtës së Autorit, duke e bërë të qartë se pas çdo libri ka një botë të pasur të dijeve dhe aftësive, dhe se mbështetja e autorëve dhe të gjithë atyre që janë të përfshirë në industrinë e librit është e rëndësishme.

UNESCO mbështet sektorin e botimeve dhe fuqinë e leximit përmes rrjetit të saj të Kryeqyteteve Botërore të Librit, i krijuar për të përforcuar edukimin e shkrim-leximit dhe për të promovuar mbrojtjen e të drejtës së autorit dhe lirinë e shprehjes.

”Strasburgu, Francë, është caktuar Kryeqyteti Botëror i Librit i vitit 2024. Objektivi është që librat të bëhen mjeti i preferuar si për komunikimin e shqetësimeve mjedisore të kohës sonë, ashtu edhe për ndarjen e njohurive shkencore shoqëruese. Së fundi, ne jemi të përkushtuar të mbështesim shpërblimin e drejtë të të gjithë atyre që janë të përfshirë në industrinë e librit, duke filluar nga autorët. Në fund të fundit, pas çdo libri ka një zinxhir të tërë njohurish dhe aftësish që kanë çuar në krijimin e tij”, shkruan  drejtoresha e UNESCO duke ftuar të festoni leximin dhe kulturën, por edhe të angazhoheni për mbështetjen e tyre/UBTNews/

Përmbledhi: © Dionesa Ebibi

Magazinë

Ja kushtet që Chris Brown duhet të respektojë pas akuzës për sulm në Londër

Published

on

Chris Brown, 36 vjeç, është paraqitur sot në Gjykatën e Lartë të Southwark në Londër, për të dhënë deklaratën e tij lidhur me një sulm të dyshuar ndaj producentit muzikor Abraham Diaw, në një klub nate në shkurt 2023.

Sipas akuzës, Brown e ka goditur Diaw disa herë me shishe, dhe më pas e ka ndjekur në një zonë tjetër të lokalit ku e ka rrahur me grushta dhe shqelma, ndërsa viktima ndodhej i shtrirë në tokë. Ngjarja është filmuar nga kamerat e sigurisë dhe përshkruhet si “shumë serioze”.

Reperi amerikan është arrestuar në Manchester më 15 maj, disa orë pasi kishte mbërritur në Mbretërinë e Bashkuar me avion privat.

Ai është liruar nga burgu me një kaucion prej 5 milionë paundësh, por me disa kushte të rrepta, përfshirë:

•Të qëndrojë në një adresë të përcaktuar në Mbretërinë e Bashkuar

•Të mos i afrohet klubit “Tape” në Londër

•Të mos kontaktojë viktimën, bashkëpandehurin apo dëshmitarët

•Pasaportën ta përdorë vetëm për lëvizje të lidhura me turneun

Nëse shkel ndonjë nga këto kushte, rrezikon të humbasë shumën e garancisë dhe të kthehet pas hekurave.

Seanca u zhvillua edhe në prani të bashkëpandehurit, reperit amerikan Omololu Akinlolu, 38 vjeç, me të cilin do të përgatitet procesi gjyqësor.

Continue Reading

Kulturë

21 qershori – Dita Ndërkombëtare e Muzikës

Published

on

Festa e Muzikës, e njohur gjithashtu si Dita Ndërkombëtare e Muzikës, është një festë globale që kremton muzikën dhe krijuesit e saj, duke promovuar kulturën muzikore si një gjuhë universale që bashkon njerëzit pa dallim moshe, kulture apo origjine.

Ajo zhvillohet çdo vit më 21 qershor, në ditën më të gjatë të vitit në hemisferën veriore, duke shënuar edhe fillimin e verës.

Festa e Muzikës është krijuar nga Jack Lang , ish- Ministër i Kulturës i Francës në 21 qershor 1981 dhe festohet në të gjithë botën në formën e një festivali muzikor.

Festa e parë e Muzikës u zhvillua në Francë dhe që prej herës së parë, festa e Muzikës është kthyer në një fenomen ndërkombëtar dhe festohet në të gjithë botën, në të njëjtën ditë, në më shumë se 460 qytete në 110 vende, përfshirë Francë, Gjermani, Itali, Egjipt, Siri, Marok, Afrikë e Jugut, Australi, Vietnam, Kongo, Kamerun, Mauritius, Fizhi, Kolumbi, Kili, Nepal, Japonia.

 

 

 

Continue Reading

Magazinë

Postoi një foto të thjeshtë, por Jennifer Lopez kritikohet ashpër

Published

on

Jennifer Lopez ka ndarë me ndjekësit disa foto të reja, ku shfaqet me një bluzë me mëngë të gjata në ngjyrë ulliri pastel dhe xhinse me bel të lartë. Siç duket, fotot janë shkrepur në shtëpi, ku ajo ka pozuar thjesht por me stil.

Flokët i kishte ndarë në mes dhe kishte zgjedhur t’i mbante të drejta, një stil i thjeshtë dhe elegant. Grimi ishte natyral, me nuanca të ngrohta, sy “smokey” dhe buzë në nuancë kafe.

Deri këtu, gjërat duken në rregull. Faqja e njohur “Hollywood Unlocked” publikoi fotot duke komentuar pamjen e këngëtares, me përshkrimin:

“Për JLo vitet ecin mbrapsht,” shkruhet në foto, duke vlerësuar bukurinë e saj.

Por komentet nuk ishin të gjitha entuziaste. Disa ndjekës shprehën dyshimet e tyre për vërtetësinë e fotove.

“Nuk duket kështu në realitet,” komentoi dikush.

“E gjitha është filter. Po ta shohësh nga afër në tapetin e kuq, nuk duket aspak kështu,” tha një tjetër.

Të tjerë shtuan:

“Përdor shumë filtra.”

“Duket shumë mirë për moshën, por e kemi parë edhe pa filtra.”

Shumë personazhe kanë mundësinë të ndryshojnë ose “përmirësojnë” pamjen, disa përmes ndërhyrjeve kozmetike, të tjera me filtra dhe aplikacione.

Lopez nuk ka pranuar asnjë ndërhyrje apo përdorim të tepruar të efekteve, ndaj shumica e fansave pajtohen që ajo duket shumë e bukur pavarësisht moshës.

 

Continue Reading

Magazinë

Nëse jeni në koncertin e Sabrina Carpenter duhet t’i fikni telefonat

Published

on

Sabrina Carpenter ka deklaruar se “absolutisht” do të merrte në konsideratë ndalimin e telefonave në koncertet e saj të ardhshme, pasi u detyrua të fikte vetë pajisjen e saj gjatë një koncerti ku ishte e pranishme si spektatore.

“Kjo me siguri do t’i mërzisë fansat, por absolutisht”, tha këngëtarja e hitit Espresso për revistën Rolling Stone. Carpenter filloi të mendojë për mundësinë që edhe fansat të largonin telefonat, pasi pa duon Bruno Mars dhe Anderson .Paak – Silk Sonic – ta bënin këtë gjatë një performance në Las Vegas.

“Ata më fikën telefonin”, tha ajo. “Nuk kam përjetuar kurrë ndonjëherë një koncert më të mirë. U ndjeva sikur isha kthyer në vitet ’70 – edhe pse s’isha as e lindur. Por me të vërtetë u ndjeva sikur isha aty”.

“Të gjithë këndonin, kërcenin, shikonin njëri-tjetrin dhe qeshnin”, shtoi ajo. “Ishte diçka vërtet, vërtet e bukur”.

“Unë jam rritur në epokën kur njerëzit i përdorin iPhone-et në koncert. Kjo tani më duket normale. Nuk mund t’i fajësoj njerëzit që duan të ruajnë kujtime”.

Fansat e Carpenter nuk duhet të shqetësohen për momentin. Këngëtarja e Manchild sugjeroi se nuk do të vendosë ndalimin e telefonave edhe për ca kohë.

“Varet se sa gjatë dua të jem në turne dhe në çfarë moshe do jem”, tha ajo me humor. “Zemër, hiquni ato telefona. Nuk keni pse zmadhoni fytyrën time”.

“Tani për tani, lëkura ime është e butë dhe e freskët. S’ka problem, por mos më zmadhoni kur të jem 80 vjeç në skenë”.

Deklaratat e Carpenter rreth telefonave shkaktuan reagime të ndryshme nga publiku.

Continue Reading

Të kërkuara