Lajmet nga UBT

Leonora Mehmeti ndau përvojën dhe njohuritë e saj me studentët e Dizajnit të Integruar dhe Aktrimit në UBT

Published

2 years ago

on

Në UBT ishte prezent kostumografia, make-up artistja dhe skenografja e njohur Leonora Mehmeti, e cila zhvilloi një ligjëratë tematike me studentët e Fakultetit Dizajn i Integruar dhe Fakultetit Aktrim.

Gjatë kësaj ligjërate, Leonora Mehmeti ndau përvojën dhe njohuritë e saj në fushën e kostumografisë, make-up-it dhe skenografisë, duke ndihmuar studentët të kuptonin më mirë thellësinë dhe rëndësinë e këtyre aspekteve në krijimtarinë artistike.

Ky ngjarje ishte një mundësi e shkëlqyeshme për studentët për të marrë inspirim nga një profesioniste e njohur në fushën e dizajnit dhe artit teatral.

Vlen të theksohet se UBT dhe studentet nga Dizajni i Integruar: Anila Gashi dhe Alma Salihu kanë bashkëpunuar me Leonora Mehmetin në pjesën e kostumografisë.

Leonora Mehmeti, profesionin si kostumografe, make-up artiste dhe skenografe e filloi qysh në kohën e studimeve në vitin 2006 në Akademinë e Arteve, ku përfundoi programet BA dhe MA në degën e Skulpturës. Nga ajo kohë, ka qenë e angazhuar në projekte të ndryshme të kinematografisë, duke përfshirë filma vendorë dhe ndërkombëtarë, shfaqje teatrale, seriale vendore dhe reklama televizive.

Leonora ka marrë pjesë në më shumë se 23 filma të metrazhit të shkurtër, duke përfshirë filmin “Shok” të regjisorit Jamie Donoughue, i cili u nominua për Oscar në vitin 2015, ku ajo ka mbajtur pozicionin e Production Designer. Ndër projektet tjera janë filmi “Tisa” i regjisorit Valter Lucaj, “Kanarinët e Dinë” të regjisores Kaltrina Krasniqi, “Kati 3t” i regjisores Blerta Basholli, “Nanë” i regjisores Val Jashari, “Cheers” i Norika Sefes, “Home” i regjisorit Daniel Mulloy, “Sign” i Erblin Nushit, “Kofja e Zbrazt” e Antoneta Kastratit, “Odysse of You”, etj.

Po ashtu, ka kontribuar në 17 filma të metrazhit të gjatë, projekte kombëtare në bashkëpunim me coproduksione ndërkombëtare. Filmi i fundit, “The Odyssey of Joy” (2024), i regjisorit Zgjim Terziqi, ka Profucente Valmira Hysenin dhe është një coproduksion me MonBallon France, ku Leonora ka pasuar rolin e Art Director (Kostumografi dhe Skenografi). Gjithashtu, ka kontribuar në më shumë se 10 seriale televizive dhe reklama televizive, duke përfshirë “Kosovo the young Europeans” në bashkëpunim me Kadishzon Production Telavin nën idenë e Saatchi & Saatchi, si dhe reklama në bashkëpunim me produksione të tjera dhe spotet muzikore në bashkëpunim me Supercut Studio, etj.

Related Topics:
Continue Reading

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

6 hours ago

on

June 27, 2025

By

Në një nga ditët më të rëndësishme për semimaturantët në mbarë vendin, ditën e  Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.
UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.
Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:
Bashkëpunëtor Profesional i Infermierisë
Teknik i Laboratorit Mjekësor
Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional  të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.
Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Continue Reading

Lajmet nga UBT

UBT International Smart Schools tani edhe në Gjilan me dy programe në mjekësi

Published

1 day ago

on

June 26, 2025

By

UBT International Smart Schools sjellë në Gjilan dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor. Kjo është mundësia ideale për nxënësit që duan të ndjekin një profesion të sigurt në fushën e shëndetësisë.

Me pajisje moderne dhe mësim me metoda bashkëkohore, shkolla ofron përgatitje të plotë praktike dhe teorike për profesionistët e ardhshëm të mjekësisë.

Programe të ofruara:
Bashkëpunëtor Profesional i Infermierisë
Teknik i Laboratorit Mjekësor

Nxënësit do të kenë mundësi të praktikojnë në institucione shëndetësore dhe të mësojnë nga profesionistë me përvojë, duke u përgatitur për sfidat e tregut të punës në sektorin e shëndetësisë.

Mos e humb shansin të bëhesh pjesë e kësaj rrugë të sigurt profesionale. Regjistrohu tani — vendet janë të kufizuara!

REGJISTROHU ONLINE

Continue Reading

Lajmet nga UBT

Tani edhe në Prizren: UBT International Smart Schools me dy drejtime të mjekësisë

Published

1 day ago

on

June 26, 2025

By

UBT International Smart Schools zgjeron ofertën arsimore dhe edukative me dy drejtime në Shkollën e Mesme të Mjekësisë: Bashkëpunëtor Profesional i Infermierisë dhe Teknik i Laboratorit Mjekësor, duke i ofruar nxënësve të Prizrenit mundësinë për të ndjekur një karrierë të sigurtë në fushën e mjekësisë.

Me një infrastrukturë moderne dhe metodologji të avancuar të mësimdhënies, shkolla sjell mundësi të shumta për të rinjtë që duan të specializohen në profesionet mjekësore.

Nxënësit tani mund të zgjedhin mes dy programeve kryesore:Bashkëpunëtor Profesional i Infermierisë
Teknik i Laboratorit Mjekësor

Këto drejtime janë të fokusuar në inovacion, praktikë të drejtpërdrejtë në institucione shëndetësore dhe zhvillimin profesional të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.

Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

REGJISTROHU ONLINE

Continue Reading

Lajmet nga UBT

UBT forcon bashkëpunimin ndërkombëtar me një nga universitetet më prestigjioze në Greqi – University of Thessaly

Published

2 days ago

on

June 25, 2025

By

Në kuadër të angazhimeve të vazhdueshme për të ndërtuar ura bashkëpunimi me institucione të rëndësishme akademike në Evropë, UBT ka nënshkruar një marrëveshje me University of Thessaly në Greqi, një universitet me reputacion të lartë ndërkombëtar në fushën e kërkimit dhe inovacionit.

Kjo marrëveshje vendos bazat për një partneritet të thellë akademik dhe shkencor, duke përfshirë: shkëmbimin e studentëve, mobilitetin e stafit akademik, zhvillimin e përbashkët të projekteve kërkimore, mentorimin e përbashkët të disertacioneve doktorale, si dhe organizimin e praktikave profesionale dhe trajnimeve për studentët afër përfundimit të studimeve.

Një nga pikat më të rëndësishme të këtij bashkëpunimi është mundësia për zhvillimin e programeve të përbashkëta ndërkombëtare të studimit, duke i ofruar studentëve një avantazh të qartë në skenën globale të arsimit dhe punësimit.

Me këtë marrëveshje, UBT thellon angazhimin e tij për ndërkombëtarizimin e arsimit të lartë dhe afirmon pozicionin e tij si një aktor aktiv në rrjetet evropiane të bashkëpunimit akademik dhe shkencor.

Continue Reading

Të kërkuara