Lajmet

Kur duhet ta përdorni CV-në me më shumë se dy faqe?

Kjo duhet të ndodhëkur keni më shumë se 10 vjet përvojë pune.

Published

3 years ago

October 15, 2022

UBT news

Shumë shpesh punëkërkuesit pyesin sa faqe duhet të jetë CV-ja. Është krijuar një besim që CV-ja duhet të jetë jo më shumë se një faqe, për shkak se është e rëndësishme ta mbani informacionin të shkurtër, të thjeshtë dhe të thukët. Por, shumë aplikantë nuk mund t’i përfshijnë të gjitha përvojat në një faqe, prandaj janë “të detyruar”, të zgjerohen në një faqe të dytë.

Ndërsa, disa të tjerëve ju mjafton vetëm një. Këta punëkërkues, janë ata të cilët sapo kanë filluar karrierën e tyre, ata të cilët po e ndryshojnë karrierën, ose ata të cilët kanë punuar në një kompani për pothuajse gjithë karrierën e tyre.

Kur të përdoret CV-ja me dy ose më shumë faqe?

Është koha ta merrni përgjigjen për pyetjen që mbasi ia keni bërë vetes vazhdimisht. Janë disa raste kur duhet ta dorëzoni CV-në me dy ose më shumë faqe.

Kur keni më shumë se 10 vjet përvojë pune

Nëse keni më shumë se 10 vjet përvojë pune në industrinë tuaj, por me punëdhënës të ndryshëm. Kur keni një histori të promovimeve, të arritjeve profesionale e të ngjashme, ju duhet patjetër ta përdorni CV me dy faqe ose edhe më shumë. Kjo është një hapësirë e duhur për t’i përshkruar arritjet dhe kontributet, të cilat ju veçojnë nga gara.

Kur aplikoni për një pozitë më të lartë

Shumica e kompanive që janë duke rekrutuar për pozita menaxheriale presin që CV-të e kandidatëve të jenë me dy, madje edhe tri faqe, të cilat e shpjegojnë në mënyrë të detajuar gjithë historikun, aftësitë, detyrat dhe arritjet e kandidatëve.

Kur keni arritje të jashtme në karrierë, certifikimi ose aftësi teknike

Nëse jeni në industri si IT, inxhinieri, akademi ose hulumtime akademike, punëdhënësit duan një listë të certifikatave profesionale, aftësive teknike, projekteve kryesore dhe publikimeve. Këto industri ende u japin rëndësi kredencialeve profesionale, prandaj një faqe e dytë apo e tretë është e nevojshme për të dëshmuar historinë tuaj të punës.

Kur aplikoni për punë shtetërore

Edhe në punë shtetërore ende kërkohen CV, madje kërkohen detaje të gjata të hsitorisë së punës për secilin kandidatë.

Këshilla për të shkruar CV me dy faqe

Vendosni kualifikimet më të rëndësishme në faqen e parë: Si Sistemi për Gjurmimin e Aplikanteve, ashtu edhe rekruterët dëshirojnë t’i shohin aftësitë më të rëndësishme të një kandidati në fillim të CV-së. Mënyra më e mirë është ta ofroni një përmbledhje të shkurtër të përvojës dhe aftësive profesionale, që ju bëjnë më të dëshirueshëm nga të gjithë.

Përfshini fjalë kyçe

Përfshirja dhe përsëritja e fjalëve kyçe në seksionin “përvoja profesionale”, e ndihmon sistemin ATS, ta llogaritë numrin e viteve që keni praktikuar një aftësi të caktuar.

Tregoni arritje të matshme

Një prej avantazheve kryesore i përdorimit të CV-së me dy tri faqe është se ju jep hapësirë përveç që t’i nënvizoni arritjet tuaja në karrierë edhe të ofroni shembuj të kontributeve të rëndësishme në një listë në tri ose katër pika të shkurtra.

Gjatësia e tekstit

Duke qenë se keni hapësirë më shumë, faqja e dytë mund të mos plotësohet e tëra. Nëse teksti juaj është i shkurtër, përpiquni të shtoni më shumë informacione të rëndësishme, fjalë kyçe dhe arritje të shënuara (më e mira, të llogaritura me numra, përqindje ose shifra).

E kur nuk mund ta plotësoni është më mirë që ta kompresoni në një faqe. /Akademi Pune

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

4 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

1 day ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

1 day ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/