Sport

Kryeziu, e lumtur për medaljen e argjendtë, synon normë për Lojërat Olimpike

Published

5 years ago

March 22, 2021

Betim Gashi

Suksesi i arritur të dielën në garë ndërkombëtare është vetëm fillimi i një rrugëtimi që e synon skitarja Kiana Kryeziu.

Kryeziu është bërë skitarja e parë kosovare që ka fituar medalje në një garë të Federatës Ndërkombëtare të Skitarisë (FIS). Medalja e argjendtë në disiplinën e sllallomit është cilësuar historike për Federatën Skitare të Kosovës dhe Komitetin Olimpik të Kosovës. Ajo përfundoi me kohë prej 2 minuta, 12 sekonda e 46 të qindtat dy lëshimet në shtegun në Kolashin të Malit të Zi.

Pjesëmarrës në garë ishin 18 garuese, ndërsa 12 prej tyre nuk e përfunduan njërin nga dy lëshimet. Bashkë me të ishte edhe Arba Pupovci, që nuk e përfundoi lëshimin e dytë.

Skitarja e klubit Prishtina thotë se është e lumtur për medaljen e fituar, por synimet e saj janë edhe më të mëdha. Ajo pretendon ta sigurojë normën olimpike për Lojërat Olimpik Dimërore që mbahen vitin e ardhshëm në Pekin. Për normë ajo ka kohë deri në shkurt të vitit të ardhshëm.

“Është vetëm fillimi pasi pas kësaj medalje po synoj të arrij normë për Lojërat Olimpik Dimërore të Pekinit, ku më duhen që në pesë gara zyrtare të FIS-it të arrijë më pak se 160 pikë. Për momentin e kam vetëm një, ndërsa kohë kam vetëm deri në shkurt të vitit tjetër. Gjithë fokusin tim do ta kem në disiplinën e sllallomit”, ka thënë Kryeziu.

Kryeziu vlerësohet shpresë olimpike, ndërsa është e përfshirë edhe nga KOK-u në listën prej 24 bursistëve për këtë vit.

Në fakt niveli i garueseve kosovare në skijim nuk është shumë i lartë. Sukseset u mungojnë, por mirë nuk është situata as te meshkujt. Albin Tahiri e Arbi Pupovci vlerësohen prej më të mirëve. Të dy kanë norma për Lojërat Olimpike. Por norma në skijim fitohet shumë më lehtë se në Lojërat Olimpike Verore.

Kryeziu 16-vjeçare thotë se është në formë të mirë, ndërsa pret që të arrijë suksese edhe më të mëdha në garat e ardhshme të skitarisë.

“Stërvitje kam bërë gjatë këtij viti. Kemi shkuar në Itali për stërvitje, ku kemi tentuar të hyjmë edhe në gara, por pa sukses. Dhe pastaj kemi ushtruar dhe kemi pasur gara në Turqi. Gjithmonë ka vend për përmirësime, por si për herë të parë kjo garë më ka dhënë motiv dhe dëshmon se forma është e mirë. Më duhet të vazhdoj me punë të madhe edhe në të ardhmen. Shpresoj në mbështetje sa më të madhe për t’i realizuar synimet. E synimi më i madh për mua mbetet kualifikimi në Lojërat Olimpike Dimërore”, është shprehur Kryeziu.

Kosova ishte pjesëmarrëse me Albin Tahirin në Lojërat Olimpike Dimërore “Pyeongchang 2018”. Por nuk arriti ndonjë sukses.

Sigurimi i normës për Lojërat Olimpike Dimërore nuk është njëjtë sfidues si për Lojërat Olimpike Verore. Duhet të arrihen standarde, por që janë larg me ato të kërkuara për Lojërat Olimpike Verore.

Related Topics:UBTSPORT Kiana Kryeziu Lojerat Olimpike

Up Next

Napoli do të bëjë revolucion në verë

Don't Miss

Arsenali i shpëton humbjes kundër West Hamit me një rikthim madhështor

Sport

Atmosferë e zjarrtë në Prizren, Kosova sfidon Sllovakinë

Published

2 days ago

February 27, 2026

UBTNews

Sot, Kombëtarja e Kosovës në basketboll luan ndeshjen e dytë parakualifikuese për FIBA EuroBasket 2029.

Kosova do të përballet me Sllovakinë dhe pritet një atmosferë e zjarrtë.

Ndeshja zhvillohet në Palestrën sportive “Sezai Surroi” në Prizren, me fillim nga ora 19:00.

Tifozët do të kenë mundësinë të mbështesin nga afër lojtarët që mbajnë mbi supe më shumë se një fanellë, duke përfaqësuar ëndrrën e një kombi, sakrificën dhe besimin e çdo tifozi. Forca Dardanë!

Sport

Real Madrid përballet me Manchester City, shorti i Champions premton spektakël

Published

2 days ago

February 27, 2026

UBTNews

Real Madrid përballet me Manchester City, shorti i Champions premton spektakël

Në Nyon është tërhequr shorti për raundin e 16-të të Champions League, ku sfida më e pritur është ajo mes Real Madrid dhe Manchester City.

Tetë skuadrat që u kualifikuan direkt do të përballen me fituesit e play-offit, duke ofruar përballje interesante dhe të forta. Ndeshjet kryesore të raundit janë:

Real Madrid – Manchester City
Bodo/Glimt – Sporting Lisbon
Chelsea – PSG
Barcelona – Newcastle
Liverpool – Galatasaray
Tottenham – Atletico Madrid
Bayern Munich – Atalanta
Arsenal – Bayer Leverkusen

Shorti premton duela spektakolare, ndërsa përballja Real – City pritet të jetë një nga më të ndjekurat të këtij raundi.

Sport

Drita mbyll aventurën evropiane

Published

2 days ago

February 27, 2026

UBTNews

Rrugëtimi evropian i FC Drita ka marrë fund, por krenaria për paraqitjen historike mbetet e madhe. Pas një gare dinjitoze dhe me karakter deri në minutat e fundit, skuadra gjilanase u eliminua në plejofin e fazës nokaut të UEFA Europa Conference League, duke mbyllur një kapitull të rëndësishëm në skenën ndërkombëtare.

Drita shënoi dy gola edhe në ndeshjen kthyese ndaj NK Celje, por humbja 3:2 në Slloveni, e njëjta si në Prishtinë një javë më parë, nuk i mjaftoi për të siguruar kualifikimin në një të tetën e finales.

Skuadra vendase kaloi në epërsi në minutën e 18-të me golin e Svit Seshlar, ndërsa vetëm pesë minuta më vonë Darko Hrka realizoi për 2:0. Drita reagoi shpejt: Blerim Krasniqi ngushtoi shifrat në 2:1 në minutën e 26-të, duke rikthyer shpresat për mysafirët. Megjithatë, në momentet më të mira të tyre, gjilanasit pësuan sërish, me Seshlar që realizoi nga penalltia për 3:1.

Në pjesën e dytë, Drita u hodh në sulm dhe Albert Dabiqaj shënoi për 3:2 në minutën e 52-të. Pavarësisht përpjekjeve dhe rasteve të krijuara, rezultati mbeti i pandryshuar deri në fund.

Ky eliminim i jep fund një rruge të gjatë evropiane për Dritën, e cila u bë skuadra e parë nga Kosova që arriti në fazën e plejofit të kësaj gare. Në fazën e ligës, Drita përfundoi e 20-ta me tetë pikë, duke siguruar fitore të rëndësishme dhe barazime që i mundësuan avancimin historik.

Ramadani: “Jam krenar për këta futbollistë”

Trajneri i Dritës, Zekirija Ramadani, pas ndeshjes e cilësoi takimin si “të çmendur” dhe shprehu krenarinë për skuadrën e tij.

“Jam krenar që jam trajner i Dritës dhe i këtyre futbollistëve me karakter kampioni. Me punë, angazhim dhe besim kemi arritur deri këtu. Futbollistët janë më meritorët për historinë që kemi shkruar në futbollin kosovar”, deklaroi Ramadani.

Ai theksoi se rrugëtimi që nisi në korrik ka qenë maratonik, me pak pushim dhe shumë emocione, ndërsa përvojën e kundërshtarit e cilësoi si faktor vendimtar në eliminim. Sipas tij, elementet e forta të Celjes, veçanërisht goditjet standarde, u shfrytëzuan maksimalisht në të dyja ndeshjet.

Ramadani e bëri të qartë se ambicia e klubit mbetet e madhe: synimi është rikthimi në këtë fazë, por në UEFA Europa League.

“Ky sukses nuk duhet të mbahet mend gjatë, por të na shërbejë si motiv për të arritur edhe më shumë. Nëse vijmë sërish deri këtu, synimi është të jemi në Ligën e Evropës”, theksoi ai.

Tashmë, fokusi i Dritës rikthehet në garat vendore, me synimin për titullin kampion. Evropa mbyllet për këtë edicion, por emri i Dritës tashmë është shkruar me respekt në arenën ndërkombëtare.

Sport

Nga fusha në zyra, Cristiano Ronaldo bëhet aksionar i Almerías

Published

3 days ago

February 26, 2026

UBTNews

Cristiano Ronaldo ka blerë zyrtarisht 25% të aksioneve të UD Almería, duke hedhur një hap të rëndësishëm drejt pronësisë në futboll.

Klubi spanjoll aktualisht renditet i treti në LaLiga 2 dhe synon rikthimin në elitën e futbollit spanjoll. Me përfshirjen e Ronaldos në projekt, ambiciet për ngjitje në La Liga pritet të forcohen edhe më shumë.

“Ishte një ambicie për kohë të gjatë për të kontribuar në futboll përtej fushës. Jam i lumtur që bëhem pronar në UD Almería, duke blerë 25 për qind të aksioneve”, ka deklaruar portugezi.

“Almería është një klub me bazë të fortë dhe me potencial të madh për t’u rritur. Mezi pres të punoj me ekipin drejtues për ta përkrahur klubin në fazën tjetër të zhvillimit”, ka shtuar Ronaldo.