“The Telegraph” bën të ditur se tifozët e Bayern Munichut i kanë kërkuar klubit që të mbajë Thomas Tuchel si trajner të tyre për sezonin e ardhshëm, duke thënë se kandidatët e tjerë nuk i afrohen 50-vjeçarit.

Një peticion i titulluar “Ne duam Juppel (Tuchel) dhe jo (Ralf) Rangnick!” ka më shumë se 10 mijë nënshkrime, peticion ky që filloi të martën.

Trajneri i Austrisë, Ralf Rangnick e konfirmoi në fillim të kësaj jave se ishte në bisedime me Bayernin për zëvendësimin e Tuchel. Trajneri fitues i titullit të Bayer Leverkusen, Xabi Alonso, kishte qenë më parë favorit për të marrë drejtimin përpara se të njoftonte muajin e kaluar se do të mbetet me klubin e tij aktual sezonin e ardhshëm dhe trajneri i Gjermanisë, Julian Nagelsmann refuzoi mundësinë për t’u kthyer në Bayern dhe zgjodhi të vazhdojë me kombëtaren javën e kaluar.

Bayerni njoftoi se Tuchel do të largohej nga klubi në fund të sezonit në shkurt, pas diskutimit konstruktiv midis shefit ekzekutiv të klubit Jan-Christian Dreesen dhe Tuchel.

“Pavarësisht mbulimit negativ të medias që e rrethon atë dhe situatës së personelit me ekipin e Munihut të dëmtuar nga lëndimet, fituesi i Ligës së Kampionëve e çoi ekipin e tij në gjysmëfinale të Ligës së Kampionëve”, thuhet në peticion.

“Me gjithë respektin e duhur për kandidatët si (trajneri i Aston Villas, Unai Emery apo Rangnick), këta trajnerë nuk mund t’i afrohen ‘Juppel’ (Tuchel). Duke marrë parasysh që ‘Finale Dahoam’ (finalja e Ligës së Kampionëve në Allianz Arena) do të zhvillohet sezonin e ardhshëm, Bayern Munich në fakt duhet të jetë i lumtur që ka një trajner kaq të jashtëzakonshëm të Ligës së Kampionëve si TT (Tuchel)”, shkruhej më tej në peticion.

Xhudisti Akil Gjakova e ka nisur me fitore Kampionatin Evropian të xhudos për Senior, që po mbahet në Zagreb të Kroacisë.

Në kuadër të kategorisë deri në 73 kilogramë, Gjakova në raundin e parë e mposhti xhudistin slloven, Martin Hojak.

Tani në raundin e dytë Akili do të përballet me xhudistin nga Bullgaria, Mark Hristov.

Kontrata e qendërmbrojtësit të Liverpoolit, Joel Matip skadon në fund të këtij sezoni dhe siç bëhet e ditur “The Reds” nuk e kanë ndërmend të rinovojnë me kamerunasin, kështu një lëvizje e tij nga Premier League me shumë gjasë mund të ndodhë.

Së fundmi 32-vjeçari ka tërhequr vëmendjen e dy klubeve të mëdha të Serie A. Bëhet fjalë për skuadrën e Lazios dhe Romës, të cilat mund të hapin negociatat me futbollistin gjatë javëve të ardhshme.

Për të dy klubet romake, arritja e një marrëveshje varet nga sigurimi i kualifikimit në gara evropiane, madje edhe vetë lojtari është i hapur për një lëvizje në kryeqytetin italian./UBTNews/

Real Madrid e nisi sezonin 2023/2024 me shumë vështirësi. “Los Blancos” qysh në fillim u përballën me lëndimin e portierit kryesor, Thibaut Courtois. 31-vjeçari belg pësoi një dëmtim në gju në mesin e muajit gusht, teksa tani thuhet se është gati të rikthehet në fushat e gjelbra.

Madje një gjë të tillë e ka pohuar edhe vetë trajneri i madrilenëve, Carlo Ancelotti në një konferencë për shtyp para ndeshjes kundër Real Sociedad.

“Courtois është mirë dhe besoj se do të jetë pjesë e skuadrës nga java e ardhshme në kampionat, në ndeshjen kundër Cadiz. Madje mendoj se edhe mund të luaj në atë sfidë”, u shpreh italiani.

Kështu Real Madrid gjen përforcime në një pjesë të rëndësishme të sezonit, por pa harruar se edhe Lunin ka treguar paraqitje të nivelit të lartë deri më tani./UBTNews/