Bota

Kremlini: Negociatorët amerikanë janë rrugës për në Rusi

Published

on

Kremlini tha se negociatorët nga Shtetet e Bashkuara janë nisur drejt Rusisë, ku pritet të kenë kontakte me palën ruse.

Në të vërtetë, negociatorët janë duke udhëtuar me avionë, është planifikuar që të ketë kontakte. Do t’iu tregojmë më vonë se çfarë do të ndodhë”, tha zëdhënësi i Kremlinit, Dmitry Peskov, kur u pyet nga gazetarët që të komentonte deklaratat e bëra nga presidenti amerikan, Donald Trump, se negociatorët amerikanë ishin rrugës për në Rusi.

Peskov tha po ashtu se presidenti rus, Vladimir Putin, planifikohet të zhvillojë një “bisedë telefonike ndërkombëtare” mbrëmjen e së enjtes.

Një ditë më parë, Trump tha se përfaqësuesit amerikanë ishin nisur drejt Moskës për të negociuar për një armëpushim të mundshëm me Ukrainën, pasi Kievi u pajtua për një armëpushim 30-ditor. Trump nuk specifikoi se kush ishte pjesë e ekipit negociues, por tha se shpreson që ata do të jenë në gjendje të arrijnë që Rusia të pranojë një armëpushim.

Ndërkaq, nënpresidenti amerikan, JD Vance, tha se “do të ketë një telefonatë me disa nga përfaqësuesit tanë në ditët në vijim”.

Trump nuk tregoi se kur do të zhvillojë bisedën e radhës me Putinin, por tha se shpreson që ai të vendosë për një armëpushim.

Delegacionet e Ukrainës dhe SHBA-së u takuan në Arabinë Saudite më 11 mars. Gjatë bisedimeve, Ukraina u pajtua me propozimin amerikan për një armëpushim 30-ditor me Rusinë. Delegacionet po ashtu diskutuan për rëndësinë e përpjekjeve humanitare si pjesë e procesit të paqes, veçmas gjatë armëpushimit, përfshirë këmbimin e të burgosurve të luftës, lirimin e civilëve të arrestuar dhe kthimin e fëmijëve ukrainas të zhvendosur me forcë.

Bota

Shkarkohet shefi i Njësisë Speciale të MPB-së serbe

Published

on

Ish-komandanti i Njësisë Speciale Antiterroriste (SAJ) të MUP-it serb, Spasoje Vuleviq, është shkarkuar nga posti i tij.

Vuleviq tha se një sistematizim i ri i vendeve të punës u miratua të enjten dhe se ai u informua të premten se nuk llogaritej më tek ai pasi nuk është nën kontrollin e Aleksandar Vuçiq, raporton N1.

Ai shtoi se ishte informuar për shkarkimin nga ministri i Brendshëm Ivica Daçiq dhe drejtori i policisë Dragan Vasileviq.

“Më thanë se presidenti nuk dëshiron të ketë një formacion të armatosur që nuk është nën kontrollin e tij absolut dhe se për shkak të kësaj unë nuk mund të jem më komandant”, tha Vuleviq.

Ai deklaroi se Daçiq i ofroi atij pozicionin e këshilltarit, por ai e refuzoi pasi dëshiron pensionohet para kohe.

Spasoje Vuleviq, i lindur më 1971 në Pejë, ka punuar në SAJ qe nga 1993./S.K/KP/

Continue Reading

Aktualitet

Kroaci: Rritën ndjeshëm çmimet e disa artikujve pas kalimit në euro

Published

on

Që nga vendosja e euros në Kroaci, çmimi i ushqimit është rritur ndjeshëm më shumë se mesatarja evropiane. Në vjeshtë 2022, kur kroatët paguanim me valutën e tyre nacionale, me 100 kuna mund të blinin shtatë produkte shtëpiake, por tani ata përballen me çmime dukshëm më të larta në euro.

Sot, e njëjta shportë nuk kushton më 100 kuna, por pothuajse 20 euro ose gati 50 për qind më e shtrenjtë.

Në listë janë përfshirë qepa e kuqe, mish gjeldeti i grirë, pure domatesh, oriz, kos, letra higjienike dhe shamponi.

Çmimet e produkteve të njëjta në të njëjtin market në vitin 2022 ishin më të lira krahasuar me ato në valutën euro tri vjet më vonë.

Edhe pse qeveria kroate që atëherë ka kufizuar çmimet e disa produkteve, siç është pureja e domates dhe orizi, nuk në listë nuk ekziston në asnjë artikull i mbetur në të njëjtin nivel.

Në total, kroatët paguan 19.90 euro për këto shtatë produkte, ndërsa tri vjet më parë të njëjtit artikuj kushtonin 100 kuna e 43 lipa ose 13.33 euro, që paraqet rritje 49.4 për qind.

Fuqia blerëse ka rënë ndjeshëm, që do të thotë se kroatët mund të blejnë dukshëm më pak për të njëjtat gjëra para sesa tri vjet më parë.

Kjo rënie, e kombinuar me rritjen e çmimeve, ndihet nga pothuajse çdo buxhet familjar paratë vlejnë më pak, dhe kostoja e jetesës është vazhdimisht në rritje, raportojnë mediat kroate./S.K/KP/

Continue Reading

Bota

Një i vdekur dhe gjashtë të lënduar nga një sulm masiv me thikë në Kanada

Published

on

Të paktën një person ka vdekur dhe të paktën gjashtë të tjerë janë lënduar në një sulm masiv me thikë në Kanada.

I dyshuari vdiq gjithashtu në sulmin e sotëm në një komunitet në provincën Manitoba, sipas Policisë Mbretërore Kanadeze.

Incidenti ndodhi në Hollow Water First Nation, rreth 200 kilometra në verilindje të qytetit Winnipeg.

Tetë persona u transportuan në spitalet lokale, raporton BBC.

Pak detaje mbi incidentin janë aktualisht të disponueshme. Në një letër drejtuar banorëve të postuar në internet, kreu dhe këshilli i Hollow River shprehën ngushëllimet e tyre për ata që prekur nga kjo tragjedi.

Komuniteti Anishinaabe ka një popullsi të vogël prej disa qindra njerëzish. Sulmi ndodhi në përvjetorin e tretë të një sulmi masiv me thikë në James Smith Cree Nation dhe fshatin e afërt Weldon, në provincën Saskatchewan, në të cilin u vranë 11 persona dhe u plagosën shumë të tjerë. I dyshuari për sulmin vdiq pak pasi policia e arrestoi pas një kërkimi treditor./S.K/KP/

Continue Reading

Bota

​Tërmet i fortë godet Afganistanin

Published

on

Një tërmet 6.3 ballë sipas shkallës së Rihterit ka goditur sot Afganistanin juglindor, por deri më tani nuk ka raportime për dëme ose viktima në njerëz, sipas Qendrës Gjermane të Kërkimeve për Gjeoshkencat.

Afganistani ishte goditur të dielën nga një tërmet i fuqishëm duke shkaktuar vdekjen e më shumë se 2200 personave.

Tërmeti i fundit ndodhi 14 kilometra në lindje të Jalalabadit, në orën 16:56 GMT, në një thellësi prej 10 kilometrash ku shërbimi Gjeologjik i SHBA-së mati magnitudën në 5.6.

Tërmeti u ndje edhe në zonat fqinje qendrore dhe veriperëndimore të Pakistanit. Departamenti Meteorologjik i Pakistanit mati dridhjet në një magnitudë prej 5.9.

Një zyrtar i administratës së përkohshme afgane në provincën Kunar i tha Anadolu se dridhja u ndje në Kunar dhe në pjesë të tjera të vendit.

“Deri më tani, nuk ka raportime për dëme të mëtejshme, por kjo ka përhapur frikë te banorët”, tha Abdul Ghani, zëdhënës i administratës lokale.

Kjo ndodhi pas tërmetit me magnitudë 5.2 të së martës që goditi Afganistanin verilindor, sipas Shërbimit Gjeologjik të SHBA-së.

Kjo ishte lëkundja e tretë më e fortë pasuese që goditi Afganistanin që nga e diela./S.K/KP/

Continue Reading

Të kërkuara