Kulturë

Kourtney Kardashian pranon se do të kishte qëndruar me Scott Disick nëse nuk do të duhej të tregonin jetën e tyre në ekran

Kourtney Kardashian mendon se reality show i familjes së saj mund të ketë luajtur një pjesë në ndarjen e saj nga Scott Disick.

Published

5 years ago

on

Kourtney Kardashian mendon se reality show i familjes së saj ka luajtur një pjesë në ndarjen e saj nga Scott Disick. Çifti u takuan për herë të parë në 2006 dhe kishin një marrëdhënie të komplikuar, për vite përpara se ta përfundonin përfundimisht në 2015 – të gjitha raportet shiheshin qartë në Keeping Up With The Kardashians.

Dhe në një vështrim të fshehtë në ribashkimin e KUWTK, ajo tha se gjërat mund të kishin shkuar ‘ndryshe’ nëse nuk do të duhej të dokumentonin romancën e tyre në ekran.

Kourtney shfaqet në takimin special në dy pjesë së bashku me Scott, nënën e saj Kris dhe motrat Kim, Khloe, Kendall dhe Kylie bashkë me nikoqirin Andy Cohen.

E pyetur nga Andy nëse ajo beson se marrëdhënia e saj mund të ketë “vazhduar ndryshe” po të mos kishin ndarë aq shumë kohë në kamera, Kourtney u përgjigj, “Ndoshta”. Kjo përgjigje e befasoi motrën e saj Kim, e cila reagoi: ‘Vërtetë!?’ por që Kourtney vazhdoi shpejtë, “Unë mendoj se abuzimi i substancave ishte ndërprerësi i vërtetë”.

Scott më pas pranoi të metat e tij, duke thënë ‘Unë isha goxha i papërgjegjshëm’. Ylli ka kohë që ka pasur probleme me alkoolizmin dhe përdorimin e drogës dhe ka përdorur edhe brenda dhe jashtë rehabilitimit.

Scott tani është në një lidhje me 19 vjeçaren Amelia Gray Hamlin, ndërsa Kourtney është bashkë me Travis Barker.

Scott do të thyejë heshtjen e tij në lidhje me romancën e re të ish të dashurës, kur Andy që pyeti: ‘A e kanë bekimin tënd Kourtney dhe Travis?’ dëgjohet në klip.

Një moment nga klipi tregoi se si Kris Jenner ofroi të ndërhynte pasi vajza e saj Kim hasi disa telashe.

Ajo që njerëzit nuk e dinë është se më ke thënë, “Unë do të të fus në një makinë, askush nuk do të të gjejë, vetëm ik”, tha Kim.

Khloe, e cila ka qenë në një marrëdhënie me basketbollistin Tristan Thompson pas polemikave të tij të mashtrimit, gjithashtu u pyet për marrëdhënien e tyre. “Kur Tristan për herë të parë ju tradhtoi, si e dinit se do të ndodhte përsëri?” Andy pyeti atë.

Ndër temat e tjera të diskutimit ishte marrëdhënia e Kris Jenner me ish-burrin e saj, Caitlyn Jenner. ‘Kris, a e ke falur Caitlyn për mënyrën se si ajo të trajtoi?’ Andy e pyeti Kris Jenner.

Të gjitha do të thuhen kur të dal intervista e plotë, nga yjet të cilët janë mësuar të ndajnë çdo aspekt të jetës së tyre në televizion.

Pavarësisht nga familjariteti i tyre me të qenit në kamera, edhe Kris ishte e emocionuar para ribashkimit të madh./UBTNews

Related Topics:
Continue Reading

Lajmet

Korça mirëpret “Air Beat Festival – LuluFest” me mbi 200 artistë

Published

22 hours ago

on

July 20, 2026

By

Korça ka mirëpritur për dy net me radhë “Air Beat Festival – LuluFest”, aktivitet që e shndërroi qytetin në një skenë të hapur me parada artistike dhe koncerte, duke sjellë atmosferë festive për banorët dhe vizitorët.

Në festival morën pjesë mbi 200 artistë nga Shqipëria, Italia, Mali i Zi, Kosova dhe Maqedonia e Veriut, të cilët interpretuan repertore të ndryshme dhe prezantuan traditat muzikore të vendeve të tyre.

Paradat dhe koncertet e organizuara në hapësirat publike të qytetit tërhoqën një numër të madh spektatorësh, duke e kthyer Korçën në një qendër të rëndësishme të aktiviteteve kulturore gjatë sezonit veror.

“Air Beat Festival – LuluFest” i shtohet kalendarit kulturor të Korçës, duke promovuar qytetin si një destinacion tërheqës turistik dhe kulturor për vizitorët vendas dhe të huaj./atsh//A.K/

Continue Reading

Lajmet

Bogujevci përgëzon Baletin Kombëtar për debutimin në Romë

Published

22 hours ago

on

July 20, 2026

By

Ministrja e Kulturës dhe Turizmit, Saranda Bogujevci, ka përgëzuar Baletin Kombëtar të Kosovës për paraqitjen në Itali, duke e cilësuar debutimin në Romë si një tjetër prezantim të suksesshëm të artit kosovar në skenën ndërkombëtare.

Baleti Kombëtar i Kosovës debutoi në Teatro Grande të Accademia Nazionale di Danza di Roma me shfaqjen “Carmina Burana”, nën koreografinë e maestros italian Toni Candeloro.

Sipas Bogujevcit, interpretimi i trupës kosovare u mirëprit me entuziazëm dhe duartrokitje nga publiku, i përbërë nga përfaqësues të institucioneve kulturore, artistë dhe personalitete të jetës kulturore në Itali.

“Një tjetër prezantim i shkëlqyer i Baletit Kombëtar të Kosovës në Itali. Përgëzime Baletit Kombëtar të Kosovës për këtë paraqitje dinjitoze”, ka shkruar ministrja.

Turneu i Baletit Kombëtar të Kosovës në Itali do të vazhdojë më 20 korrik, me shfaqjen e radhës që do të mbahet në Lecce./A.K/

Continue Reading

Lajmet

Përmbyllet edicioni i 17-të i Anibarit, shpallen fituesit

Published

22 hours ago

on

July 20, 2026

By

Festivali Ndërkombëtar i Animacionit Anibar ka përmbyllur me sukses edicionin e 17-të, pas një jave të mbushur me filma, diskutime, punëtori, ekspozita, muzikë dhe aktivitete kulturore.

Edicioni i sivjetmë prezantoi 217 filma nga 46 vende të botës, të ndarë në 11 kategori programore, përfshirë gjashtë gara konkurruese.

Fituesit kryesorë:

  • Gara Ndërkombëtare: “To the Woods” – Agnes Patron.
  • Gara e Studentëve: “My Good Boy” – Sara Priorelli.
  • Gara Ballkanike: “Paradaïz” – Matea Radi.
  • Gara e Video-Animacioneve Muzikore: “Jay & Bee” – David Kellner.
  • Best Human Rights Animation: “At Night” – Pooya Afzali.
  • Gara e të Rinjve: “The Great Dreamscape” – Rémi Durin.
  • Çmimi i Publikut: “Wish You Were Ear” – Mirjana Balogh.

Në kuadër të platformës Pitch It!, çmimet u ndanë për projektet:

  • Vendi i parë: “Crow Funeral” – Durim Klaiqi.
  • Vendi i dytë: “Through the Cracks” – Jeta Sokoli.
  • Vendi i tretë: “Gjith Ktu” – Hana Kasemi.

Me përfundimin e edicionit të 17-të, Anibar rikonfirmoi rolin e tij si një nga festivalet më të rëndësishme të animacionit në rajon, duke bashkuar artistë dhe profesionistë nga e gjithë bota./A.K/

Continue Reading

Lajmet

Muret e Oslos shndërrohen në galeri gjigante për artin e grafitit

Published

4 days ago

on

July 17, 2026

By

Muret e një ish-zone industriale në Oslo janë kthyer në kanavaca gjigante për artistë të grafitit nga e gjithë bota, në kuadër të festivalit ndërkombëtar “Meeting of Styles”.

Festivali, i themeluar në Gjermani në vitin 2002, është shndërruar në një nga rrjetet më të mëdha globale të artit rrugor, duke mbledhur artistë me stile dhe prejardhje të ndryshme.

Edicioni i këtij viti në Oslo solli 40 artistë nga 21 vende të botës, të cilët krijuan murale, grafite dhe portrete, duke shkëmbyer teknika dhe ide gjatë procesit artistik.

Një nga veprat më të veçanta i është kushtuar shpikësit norvegjez Erik Rotheim, i cili patentoi sprejin modern rreth një shekull më parë. Portreti i tij u realizua në një mural gjigant nga artisti suedez Joel Hjort.

Drejtori ekzekutiv i “Meeting of Styles” në Oslo, Simon Diaz, tha se festivali nuk synon më vetëm konkurrencën mes artistëve, por mbi të gjitha shkëmbimin e përvojave dhe krijimin e lidhjeve të reja përmes artit.

Edhe artistja norvegjeze Tanya Styrvold, e cila është orientuar së fundmi drejt artit rrugor, tregoi se puna me artistë me përvojë të grafitit po e ndihmon të zgjerojë aftësitë e saj krijuese.

Festivali “Meeting of Styles” zhvillohet edhe në Prishtinë, ku këtë vit do të shënojë edicionin e dhjetë nga 28 deri më 30 gusht, duke sjellë sërish artistë dhe krijues të artit urban.

Përveç muraleve, festivali ofron edhe punëtori të hapura për publikun, me synim që arti i rrugës të bëhet më i qasshëm për të gjithë./A.K/ Associated Press

Continue Reading

Të kërkuara