Kulturë

Si ndodhi që një shuplakë e bëri aktoren Margot Robbie yll të Hollywoodit?!

Regjisori Martin Scorsese tregon se si Margot Robbie e fitoi rolin e saj në Wolf of Wall Street.

Published

5 years ago

on

Margot Robbie arriti shumë sukses pasi luajti në filmin e shumënjohur, “The Wolf of Wall Street” përkrah aktorit Leonardo DiCaprio në vitin 2013.

Regjisori Martin Scorsese i filmit “The Wolf of Wall Street”, ka zbuluar se si 30-vjeçarja mori rolin e saj në film.

Margot në Wolf of the Wall Street, 2013

Scorsese zbuloi në numrin e revistës Time Magazine “100 njerëzit më me ndikim”, Margot doli jashtë skenarit të ofruar dhe e goditi shuplakë aktorin Leonardo në fytyrë gjatë audicionit të saj.

“Ajo e mori pjesën e saj në Wolf of the Wall Street gjatë takimit tonë të parë – duke tërhequr dhe duke i dhënë Leonardo DiCaprios një shuplake në fytyrë, [ishte] një improvizim që na shtangi të gjithëve” tha ai.

Margot është bërë një nga yjet më të famshme në Hollywood sot.

Margot Robbie, Wolf of the Wall Street, 2013

Vitin e kaluar, një menaxher zbuloi shumën marramendëse që aktorja po fiton potencialisht për miratimet e saj komerciale.

Duke folur për News Corp Australia, agjenti australian me bazë në SHBA tha se Margot po merr të paktën 1.5 milion dollarë për përdorimin e statusit të saj të famshëm për promovimin e produkteve.

“Të gjithë duan të punojnë me të,” tha ai. “Ajo përshtatet në tregun e tyre kryesor të synuar që është mosha 20 deri 40”, tha ai,

Margot Robbie dhe Leonardo DiCaprio premierën e “Once Upon A Time In Holllywood’.

Ajo është australiane e suksesshme edhe në SHBA, kështu që flet në të dy tregjet dhe është në fazën ku konsiderohet si njëra nga aktorët më të talentuara dhe të kërkuara të Hollywood-it” shtoi agjenti.

Margot u bë me famë pasi luajti në Channel Ten’s Neighbours, si Donna Freedman deri në 2011.

Me kalimin e viteve, popullariteti i saj solli marrëveshjet e saj me marka të mëdha ndërkombëtare./UBTNews

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

1 hour ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

4 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

6 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

24 hours ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara