Aktualitet

Kosovës i kërkohet të bëjë më shumë për mjedisin

Që nga viti 2015, BE-ja ka investuar më shumë se 100 milionë euro në mbrojtjen e mjedisit, në Kosovë, tha Szunyog.

Publikuar

2 vjet më parë

më

Në një aktivitet të organizuar nga Zyra e Bashkimit Evropian dhe Komuna e Prishtinës për nder të Ditës Botërore të Mjedisit, ambasadori i BE-së, Tomas Szunyog, së bashku me të parin e Prishtinës Përparim Rama, mbollën 100 pemë të blirit përreth shkallëve të Arbërisë në kryeqytet.

Gjatë këtij aktiviteti ambasadori, Szunyog, ka thënë se Kosova ka stagnuar në mbrojtjen e mjedisit përfshirë, ndotjen e ujit, ndotjen e ajrit dhe tokës, ndërsa bëri thirrje që të përmirësohet efikasiteti i Termokosit.

Sipas tij, në shtatë vitet e fundit Bashkimi Evropian ka investuar 100 milionë euro në Kosovë në aspektin mjedisor.

“Aktiviteti i sotëm është pjesë e Javës së Zhvillimit të Qëndrueshëm në Kosovë i cili është kontribut për zbatimin e Agjendës së Gjelbër për Ballkanin Perëndimor në Kosovë. Dëshiroj të theksoj se Kosova ka bërë disa përparime, por ajo ende përballet me sfida dhe probleme të mëdha mjedisore, duke përfshirë ndotjen e ajrit, ujit dhe tokës. Nga ana e saj, që nga viti 2015, BE-ja ka investuar më shumë se 100 milionë euro në mbrojtjen e mjedisit. Mbrojtja e mjedisit përfshinë përmirësimin e efikasitetit të Termokos-it dhe reduktimi i emetimeve të CO2, si dhe përmirësimi i ngrohjes për 60.000 persona, bashkë investim në impiantin e trajtimit të ujit në Shkabaj, përmirësimi i cilësisë së ujit të pijshëm dhe sigurimi i disa prej monitorëve fillestarë të cilësisë së ajrit”, tha Szunyog.

I pari i kryeqytetit Përparim Rama ka thënë se komuna është duke e realizuar një marrëveshje me Bankën Botërore për përmirësimin e ndotjes së ajrit duke sjellë në kryeqytet panele solare të prodhimit të energjisë për rreth 35MË të cilat do të shfrytëzohen për ngrohjen e qytetarëve gjatë muajve të dimrit.

“Kur flasim për përmirësimin e ndotjes së ajrit, pra kur flasim në këtë aspekt kemi pasur bashkëpunim me projekte të ndryshme mirëpo edhe ajo tjetra si ‘Solar for Kosovo’ ku një numër i madh i paneleve solare tash është në proces të projektimit dhe instalimit me 35MË të energjisë do të krijohet edhe shfrytëzohet për për ngrohje të kryeqytetit, është projekti më i madh në Evropë i këtij lloji, ka kapacitetin edhe shtesë edhe për 40MË të tjera, pra në fazën e dytë, po ashtu me Bankën Botërore jemi duke punuar edhe për të transformuar edhe mënyrën se si shtëpitë private ngrohen, prej këtyre mënyrave të ngrohjes që e ndotin ajrin duke djegur thëngjill apo drunjë, t’i përdorin këto. Kosto, apo ngrohëset që janë më ambientale, mundësojnë që deri në 95% të mbrojnë ajrin. Ai që lëshohet tash e ndotë shumë ambientin ndërsa ta zvogëlojmë këtë ndotje deri në 95% nëpërmjet këtij aktiviteti apo këtij investimi të Komunës së Prishtinës”, tha Rama.

Në këtë aktivitet të përfshirë ishin edhe fëmijët të cilët kontribuuan në mbjelljen e pemëve të blirit. Shkallët e Arbërisë tani kanë 100 drurë të rinj të mbjellë nga poshtë deri lart. Përmes një veprimi simbolik, u tha se mbjellja e drurëve sot kontribuoi për ta bërë Prishtinën qytet më të gjelbër.

Etiketa
Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

3 ditë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

2 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Të kërkuara