Lajmet
Kosova vetëm me një mjek të punës
Sistemi shëndetësor i Kosovës aktualisht ka të punësuar vetëm një specialist të mjekësisë së punës. Mungesën e tyre e plotësojnë mjekët e mjekësisë familjare. Shtimi i numrit të mjekëve të punës po konsiderohet masë urgjente ndërkaq nga Ministria e Shëndetësisë presin që në fillim të vitit të ardhshëm të shtohen dhe katër specialistë të kësaj fushe.
Drejtori i Qendrës Kombëtare të Mjekësisë së Punës, e cila ka selinë në Gjakovë, Albert Lila e konsideron të domosdoshme të punohet në drejtim të plotësimit të këtij boshllëku në sistemin shëndetësor.
Ai thotë se nga 400 mijë punëtorët që janë të punësuar në gjithë vendin, vizita sistematike shëndetësore në vitin 2023, kanë kryer vetëm 6 mijë e 500 prej tyre, ose thënë në përqindje, 1.5%.
“Pas shumë viteve mund të them prej periudhës së pasluftës në Kosovë do të mund të mbrojnë provimin specialistik tre nga mjekët e rinj në specializim që filluan katër vite më parë specializimin, dhe sistemi shëndetësor në Kosovë do të pasurohet me 3 mjekë të ri dhe në pritje është edhe mjeku i katër….Kosova aktualisht në sistemin shëndetësor në marrëdhënie të rregullt është vetëm një specialiste e mjekësisë së punës, shumica e kolegëve nga mjekësia e punës janë në pension tashmë”, theksoi ai.
Lila thotë se për shkak të mungesës së mjekëve të punës, po shikohen mundësitë edhe për angazhim të profesionistëve shëndetësorë të pensionuar.
Sipas tij, Kosova në një periudhë afatmesme duhet t’i ketë të angazhuar së paku 30 mjekë të kësaj fushe.
“Del që është jo e nevojshme, por është jetike që Kosova të punoj në këtë drejtim, në plotësimin e këtij boshllëku që hapi i parë është dhënia e specializimeve të para katër vitesh dhe në krijimin e një kurrikule dhe një modeli të ri të kurrikulës për specializime nga mjekësia e punës….Mjekësia e punës mision e ka ruajtjen dhe mbrojtjen e shëndetit të të punësuarve, qoftë në sektorin publik dhe privat…Korniza ligjore na ka mundësuar që të angazhojmë edhe pensionistë dhe se aktualisht po shqyrtojnë mundësitë që të angazhohen pensionistë të tjerët specialist të mjekësisë së punës…I bie që në planin afatmesëm duhet 20 apo 30 veta për ta plotësuar këtë boshllëk, por në planin afatgjatë duhen minimum 100 kolegë nga mjekësia e punës”, thotë Lila.
Ndërkaq, zëvendësministri i Shëndetësisë, Arsim Berisha thotë se përmes shkollimit specialistik kanë ndërmarrë masa që kjo situatë të përmirësohet.
“Punën e mungesës së specialistëve të mjekësisë së punës e bëjnë e specialistet e mjekësisë familjare, çdo herë kur ka shpallje të konkursit për specializime prioritet profilet deficitare në këtë rast janë edhe specialistët e mjekësisë së punës. Është individuale nga ana e mjekut të përgjithshëm të bëjë përzgjedhjen e këtij profili. Unë ju bëjë thirrje të gjithë atyre që do të aplikojnë në konkursin që do të shpallet para fundit të këtij viti që të marrin edhe specializimin e mjekësisë së punës. Ne apriori nuk mund ta detyrojmë askënd, por ne kemi ndërmarrë hapa apo veprime apo angazhimin që shërbimet që i bënë mjekësia e punës t’i realizojë mjekësia familjare”, theksoi ai.
Në anën tjetër, kryetari i Odës së Mjekëve të Kosovës, Pleurat Sejdiu e sheh të nevojshme që të shtohen kapacitetet e specialistëve të mjekësisë së punës.
Ai e konsideron të gabuar, praktikën e zëvendësimit të mjekësisë së punës me atë familjare.
“Është menduar nga disa se mjekësia familjare do ta zëvendësojë mjekësinë e punës, nuk mund ta zëvendësojë mjekësinë e punës, janë bërë disa eksperimente koti dhe me vite të tëra nuk janë dhënë specializime në mjekësinë e punës. Besoj që më fund janë bindur ata që bëjnë politika se nuk është e drejtë është e nevojshme”, theksoi ajo.
E kryetari i Sindikatës së Pavarur të Sektorit Privat në Kosovës, Jusuf Azemi e konsideron mangësi të madhe mungesën e profesionistëve të punës.
Sipas tij, çdo komunë duhet të kishte të angazhuar së paku dy mjekë të punës.
“Është shumë normale që është një mungesë shumë e madhe, sepse këto janë më tepër sëmundje profesionale, që mund të themi çka ne në Kosovë, pothuajse gati, nëse nuk gaboj, vetëm KEK-u e ka një mbikëqyrje të punëtorëve për sëmundje profesionale, përndryshe të gjithë të tjerë punëtorë të sektorit privat të Kosovës, nuk i kanë dhe nuk ekziston. Është shumë normal që së paku në komunë duhet të jenë një apo dy persona për çdo lloj sëmundje profesionale”, thotë Azemi.
Eksperti i sigurisë në punë, Naim Bajraktari thotë se angazhimi i mjekut të punës në çdo kompani me numër të madh të punëtorëve duhet të obligohet me ligj.
“Është shumë e domosdoshme që të kenë kompanitë mjekun e vetë brenda, këtë gjithë herë e them brenda kompanive që kanë numër të madh të punëtorëve…Në Kosovë për momentin nuk ka dhe nuk praktikohet kjo… Roli i mjekut të punës është shumë i madh, në dy fronte. Fronti apo e mira e parë është se e duan shëndetin e punëtorëve sepse është prezent aty dhe përcjell gjendjen e tyre, flasim për kompanitë që janë më të rrezikuara me risk të lartë të rrezikut në vendet e punës. E mira e dytë është sepse ruan shëndetin e punëtorëve, në anën tjetër e kursen kompaninë nga keqpërdorimet që mund të vijnë nga punëtorët”, shprehet Bajraktari.
Në periudhën e para luftës në Kosovë kanë qenë të angazhuar rreth 52 mjekë të punës.
Sipas Organizatës Botërore të Shëndetësisë, mjekësia e punës synon ruajtjen dhe promovimin e shëndetit të punëtorëve, përmirësimin e kushteve dhe mjedisit të punës, si dhe zhvillimin e organizimit dhe kulturave të punës.
Chiung Yao, romancierja më e njohur në botë e romancës në gjuhën kineze, ka vdekur në një vetëvrasje të dukshme. Trupi i 86-vjeçares u gjet në shtëpinë e saj në New Taipei City të mërkurën, raportojnë mediat lokale. Shërbimet e urgjencës thanë se ajo mori jetën e saj, sipas Agjencisë Qendrore të Lajmeve të Tajvanit.
Chiung Yao filloi të shkruante në moshën 18-vjeçare dhe botoi më shumë se 60 romane, shumë prej të cilave u përshtatën në filma dhe seri televizive dhe mbetën të njohura për dekada. Ajo ishte gjithashtu një skenariste dhe producente e suksesshme.
Një nga veprat e saj më të famshme ishte drama televizive My Fair Princess, e cila nisi karrierën e yjeve të mëdhenj. Ajo lindi me emrin Chen Che në Sichuan, Kinë në vitin 1938. Chiung Yao është emri i saj i artit.
Një postim në llogarinë e saj në Facebook të mërkurën shkruante: “Lamtumirë të dashurit e mi. Ndihem me fat që ju kam takuar dhe njohur në këtë jetë”. Nuk ishte menjëherë e qartë nëse postimi ishte publikuar para apo pas gjetjes së trupit të saj. Chiung Yao u kërkoi të rinjve “të mos heqin dorë lehtë nga jeta” dhe të përballen me vdekjen vetëm kur “të jetosh deri në 86 ose 87”. Ajo u ka kërkuar ndjekësve të saj që të mos jenë të trishtuar për të.
Familja u zhvendos në Tajvan në vitin 1949 pasi Partia Komuniste Kineze mori kontrollin e kontinentit. Romani debutues i Chiung Yao-s Jashtë dritares, i cili u frymëzua nga historia e saj e dashurisë me mësuesen e saj të shkollës së mesme, ishte jashtëzakonisht popullor.
Drama e saj televizive Princesha ime e bukur, një histori e Hirushes e vendosur në dinastinë Qing të shekullit të 18-të, konsiderohet si një nga shfaqjet dramatike më të njohura në gjuhën kineze të të gjitha kohërave. Ajo nisi karrierën e emrave të mëdhenj në argëtim, duke përfshirë superyllin kinez Fan Bingbing. Fan do të bëhej një nga yjet më të mëdhenj në Kinë, derisa u gjobit për mashtrim tatimor në vitin 2018 .
Aktorët kryesorë të serialit, Ruby Lin dhe Zhao Wei, u bënë emra të njohur për audiencën kineze. Lin ka mbetur aktiv si aktor dhe producent në Tajvan. Megjithatë Wei ka heshtur vitet e fundit pasi miku i saj miliarder, themeluesi i Alibaba, Jack Ma, hyri në telashe me autoritetet në Pekin./BBC/
Numri i të vdekurve në Liban nga luftimet e vazhdueshme midis Izraelit dhe Hezbollahut ka arritur në 4,047 persona, shumica prej tyre që nga përshkallëzimi i konfliktit në muajin shtator, njoftuan autoritetet libaneze.
Një javë pas hyrjes në fuqi të armëpushimit, Ministri i Shëndetësisë i Libanit, Firass Abiad, njoftoi se deri tani janë regjistruar 4,047 të vdekur dhe 16,638 të plagosur. Abiad theksoi se mes të vrarëve ishin 316 fëmijë dhe 790 gra. Ai shtoi se shumica e viktimave janë regjistruar pas 15 shtatorit, duke vënë në dyshim se numri i vdekjeve mund të jetë më i lartë për shkak të rasteve që nuk janë regjistruar ende.
Një burim i afërt me Hezbollahun ka deklaruar se grupi ka pësuar humbje të konsiderueshme, me qindra luftëtarë të vrarë, por pa dhënë një shifër të saktë. Nga ana tjetër, autoritetet izraelite kanë raportuar të paktën 82 ushtarë dhe 47 civilë të vrarë në anën izraelite.
Luftimet mes Izraelit dhe Hezbollahut filluan në një shkallë të gjerë në fund të shtatorit, pas një periudhe tensionesh të vazhdueshme ndërkufitare që shpërthyen si pasojë e mbështetjes së Hezbollahut ndaj Hamasit, grupit militant palestinez që nisi një sulm në Izraelin jugor më 7 tetor 2023.
Izraeli i reagoi duke zgjeruar fushatën e tij ushtarake në Libanin jugor./UBTNews/
Me pankarta “Ministre reflekto, fillo dialogun”, “Duam nënshkrimin e Kontratës Kolektive”, “Duam rritje dinjitoze të pagave”, “Mos na mohoni kontributin e viteve ‘90”, Sindikata e Bashkuar e Arsimit, Shkencës dhe Kulturës së Kosovës (SBASHK), kanë protestuar të mërkurën në shenjë pakënaqësie ndaj qeverisë.
Me kërkesat për rritje të pagave e nënshkrim të kontratës kolektive, qindra punëtorë të arsimit kërkuan zbatimin e tyre.
Kryetari i kësaj sindikate, Rrahman Jasharaj ka deklaruar se Qeveria Kurti dhe ministrja e Arsimit, Arbërie Nagavci ‘kanë vazhduar me qasje të gabuar dhe me qëndrimin deri armiqësor ndaj SBASHK-ut dhe sindikatave’.
“Qeveria Kurti dhe në këtë rast ministrja Nagavci kanë vazhduar me qasje të gabuar dhe me qëndrimin deri armiqësor ndaj SBASHK-ut dhe sindikatave….Ministrja Nagavci as edhe një herë nuk u bë zë i të punësuarve në arsim dhe as edhe një herë nuk foli në Qeveri e nuk kërkojë të debatohej për kërkesat legjitime të punëtorëve të arsimit. Ajo u mundua ta mohojë e zhvleftësojë një anshëm Kontratën Kolektive të Arsimit dhe atëherë deklaronte se do të bisedohet për Kontratën e re, por shihet se e ka pasur vetëm si deklaratë…Nga më të dalluarit në luftën e humbur kundër SBAShK-ut dhe punëtorëve arsimor është ministri Murati, i cili dikur na u kërcënua edhe me dalje të pagës. Ai me rritjen ironike të pagës prej 28 euro dëshiron që punëtorët e arsimit t’i vë në situatë që të luftojnë për të siguruar pak bukë dhe të ndjehen të varfër e të heshtin, por punëtorët e arsimit janë plot dinjitet dhe janë krenar se kanë kryer e po kryejnë misionin e shenjtë për arsimimin dhe edukimin e brezave”, tha Jasharaj.
Ndërsa, Jasharaj tha po ashtu se kryeministri Kurti ka dështuar të përmbush premtimet e tij i cili ka bërë para se të vinte në pushtet lidhur me zërin e sindikatave, siç tha ai, ‘Kurti e ka bërë të kundërte, nuk ka dëgjuar zërin e sindikatave’.
“Kurti para se të vinte në pushtet premtonte se do të komunikojë me sindikata, do të dëgjojë zërin e tyre dhe do të ndihmojë në forcimin e sindikatave, por e bëri të kundërtën. As edhe njëherë nuk dëgjoi zërin e sindikatave dhe madje u mundua t’i shuaj ato sepse po ngitnin zërin duke kërkuar arsyeshëm realizimin e kërkesave të arsyeshme të anëtarësisë”, ka shtuar Jasharaj.
Protesta ka filluar para Bibliotekës Kombëtare në kryeqytet, ndërsa ka vazhduar drejt Ministrisë së Arsimit në të cilën kërkuan takim me ministren Nagavci e që nuk u realizua dhe në fund protestuan para qeverisë.
Në këtë protestë morën pjesë kryetarët e shoqatave sindikale nga çerdhet, shkollat dhe universitetet.
Vetëvritet novelistja më e mirë në gjuhën kineze
Të paktën 4 047 të vrarë në luftën Izrael-Hezbollah
Protesta e mësimdhënësve, këto janë kërkesat
Holanda pro Bullgarisë në Shengen
Profesori i UBT-së, Blerim Emerllahu, performon në Kongresin e 13-të Europian të Klarinetës
Zyrtare/ Ballkani mbetet pa trajner
Çeku: Stadiumi “Adem Jashari” do t’i plotësojë të gjitha kriteret e UEFA-s
Anija ruse qëllon me municion sinjalizues ndaj helikopterit gjerman në Baltik
Ballkani eliminohet nga Kupa e Kosovës
-
Bota1 month agoTrump premton paqe në Liban nëse rikthehet në Shtëpinë e Bardhë
-
Bota1 month agoKoreja e Veriut rrit frikën në botë, lëshon raketën e re balistike ndërkontinentale
-
Lajmet3 months agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë2 months agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman