Kuriozitete

Keci me veshët e jashtëzakonshëm bëhet yll në Pakistan

Narejo është shumë i vetëdijshëm për vëmendjen që ka marrë Simba.

Published

4 years ago

July 10, 2022

Betim Gashi

Një kec me veshë jashtëzakonisht të gjatë është bërë yll mediatik në Pakistan, ku pronari i saj po pretendon se ka marrë rekordin botëror për këtë kec, por ende nuk ka diçka të konfirmuar.

Simba po bën një jetë të mirë në Karachi. Ai erdhi në jetë muajin e kaluar dhe ajo çfarë u bëri përshtypje ishin veshët e tij të gjatë. Veshët tani i janë rritur 54 centimetra.

Pronari Mohammad Hasan Narejo ka thënë se ai ka kontaktuar me Rekordet Botërore Guinness për të parë nëse mund ta përfshijë kecin aty, edhe pse kategoria “veshët e gjatë të dhisë” nuk ekziston në faqen e organizatës.

“Brenda 30 ditësh ai u bë shumë i famshëm saqë ndonjë personaliteti të famshëm do t’i duheshin 25-0 vjet për ta arritur këtë nivel të famës”, deklaroi pronari i tij.

Narejo është shumë i vetëdijshëm për vëmendjen që ka marrë Simba – përfshirë nga rivalët – dhe është kthyer nga lutjet dhe tradita për të larguar syrin e keq./UBTNews/

Kuriozitete

25 emrat më të shpeshtë në botë – Muhameti e Maria nuk lëshojnë udhë!

Published

1 month ago

January 1, 2026

UBTnews

Emrat e njerëzve ndryshojnë me kohën, i përshtaten asaj. Mirëpo, në gjithë botën, janë disa emra që nuk ndryshojnë shumë. Mund të ketë trende të emrave të rinj, por ata të moçmit vazhdojnë e dominojnë.

Dhe këtë e tregon më së miri një listë prej 25 emrave më të përhapur në botë, ku emrat Muhamet për burrat dhe Maria për gratë vazhdojnë ta mbajnë primatin – me diferencë të lartë nga emrat e tjerë.

Muhammad – 133,349,300
Maria – 61,134,526
Jose – 29,946,427
Wei -17,145,807
Ahmed -14,916,476
Yan -14,793,356
Ali -14,763,733
John -14,323,797
David -13,429,576
Li -13,166,162
Abdul -12,163,978
Ana -12,091,132
Ying -12,047,080
Michael -11,471,765
Juan -11,372,603
Anna -11,350,336
Mary -11,303,767
Jean -11,024,162
Robert -10,170,794
Daniel -10,026,181
Luis -9,757,245
Carlos -9,618,779
James -8,807,695
Antonio -8,659,274
Joseph -8,630,833

Kuriozitete

Pajisjet shtëpiake që nuk duhen ndezur kurrë njëkohësisht

Published

2 months ago

December 16, 2025

UBT News

Ndezja njëkohësisht e pajisjeve me konsum të lartë elektrik mund të duket praktike, por në realitet përbën një rrezik serioz për instalimet elektrike shtëpiake.

Çdo pajisje tërheq amperazh të caktuar dhe kur disa prej tyre punojnë paralelisht, rrjeti mund të mbingarkohet.

Siguresat shërbejnë si mbrojtje, por në instalime të vjetra ose kur përdoren kabllo zgjatëse, ekziston rreziku real i mbinxehjes, shkrirjes së prizave dhe madje zjarrit. Kabllot zgjatëse janë veçanërisht të rrezikshme, pasi nuk janë të dizajnuara për pajisje me fuqi të lartë.

Pajisje si frigoriferët, mikrovalët, tosterët, aparatet e kafesë, ngrohëset dhe kondicionerët nuk duhet të ndajnë të njëjtën prizë.

Kur këto rregulla injorohen, telat mund të mbinxehen dhe të shkaktojnë zjarre të fshehta brenda mureve.

Këshilla është të shkëputen pajisjet nga priza kur nuk përdoren dhe të shmanget përdorimi i kabllove zgjatëse për pajisje të fuqishme.

Kjo rrit sigurinë në shtëpi dhe ul edhe shpenzimet e energjisë elektrike. /A.Z/UBT News/

Kuriozitete

Letra e fundit e Mary Stuart rikthehet në ekspozim pas dekadash

Published

2 months ago

December 12, 2025

UBT News

Letra e fundit e Mary Stuart, Mbretëreshës së Skocisë, e shkruar pak orë para ekzekutimit më 8 shkurt 1587, do të ekspozohet vitin e ardhshëm në Muzeun e Perthit.

Dorëshkrimi, që ruhet në Bibliotekën Kombëtare të Skocisë dhe rrallë shfaqet për arsye konservimi, do të jetë i ekspozuar për tre muaj – periudha më e gjatë e ekspozimit në dekada.

Letra katërfaqëshe, drejtuar Mbretit Henri III të Francës, përmban reflektimet e saj para vdekjes, pretendimin për kurorën angleze, përkushtimin ndaj fesë katolike dhe kërkesën për shpërblimin e shërbëtorëve të saj.

Ekspozita do të shoqërohet me aktivitete dhe materiale të tjera historike, përfshirë dorëshkrime nga AK Bell, si poema e Robert Burns dhe fragmente nga drama e Liz Lochhead.

Letra do të jetë e hapur për publikun nga 23 janari deri më 26 prill 2026. /A.Z/UBT News/

Kuriozitete

Një grua në Spanjë pushohet pse shkonte herët në punë

Published

2 months ago

December 11, 2025

UBT News

Një punonjëse 22-vjeçare në Spanjë u pushua nga puna për shkak se paraqitej 40 minuta para orarit zyrtar.

Ajo kishte punuar më herët për dy vjet dhe ishte paralajmëruar 19 herë për të respektuar orarin 07:30.

Kompania e akuzoi gjithashtu për shitjen pa autorizim të një baterie të përdorur.

Gjykata e Alicantes vendosi në favor të punëdhënësit, duke argumentuar se problemi ishte mosrespektimi i rregullave, një shkelje e rëndë sipas Kodit të Punës spanjoll.

Punonjësja mund të apelojë në Gjykatën e Lartë në Valencia. /A.Z/UBT News/