Pas ndarjes nga fejesa me Jonathan Davino dhe pas spekulimeve për një lidhje me Scooter Braun, Sweeney konfirmoi se aktualisht është beqare.

“Jam beqare. Nuk po kërkoj një burrë tani për tani. Ajo që kam mësuar këtë vit është se kam një grup të shkëlqyer miqsh, jam e fortë dhe e pavarur, dhe do të jem mirë,” tha ajo për GQ.

Aktorja shtoi se është e hapur për dashuri të re, nëse kjo ndodh në mënyrë spontane: “Nëse dashuria më gjen, do të më gjejë. Jam romantike, kështu që shpresoj që dashuria të më gjejë, por nuk jam lloji që dëshiron të dalë gjatë gjithë kohës. Besoj në dashurinë e vërtetë dhe dua të jem me dikë për pjesën tjetër të jetës sime.”

Sweeney gjithashtu theksoi rëndësinë e privatësisë dhe të mësuarit nga përvoja:

“Mendoj se nëse do t’u jepja të gjithëve akses, nuk do të kisha asgjë për veten time. Jam thjesht një grua 28-vjeçare që ende po përpiqet të kuptojë gjërat, po mëson, bën gabime dhe po rritet. Është e rëndësishme ta bësh këtë pa komente të vazhdueshme për çdo veprim.”

Aktorja kishte konfirmuar më parë për Entertainment Tonight në shtator të vitit të kaluar se planifikimi i dasmës me Jonathan nuk kishte filluar ende për shkak të angazhimeve profesionale.

Në mars të këtij viti, pas shtatë vitesh lidhje, çifti njoftoi ndarjen dhe ndërprerjen e fejesës. /A.Z/UBT News/

Aktori 45-vjeçar, i njohur për rolin e djaloshit të zgjuar Kevin McCallister në filmat klasikë të viteve ‘90, “Home Alone” (1990) dhe “Home Alone 2: Lost in New York” (1992), është rikthyer në këtë rol për një reklamë të re.

Ajo mban titullin “Home But Not Alone”, për kompaninë Home Instead, që ofron kujdes në shtëpi për të moshuarit.

Në këtë fushatë, qëllimi i Kevinit nuk është të mbrojë shtëpinë nga hajdutët, por të sigurohet që nëna e tij, Kate McCallister, e luajtur përsëri nga aktorja 71-vjeçare Catherine O’Hara, të jetë e sigurt dhe e kujdesur në shtëpi.

Reklamat e reja fillojnë me hartë të vizatuar me dorë, të quajtur “Plani i Sigurisë së Mamit”, ku shënohen zonat e rrezikshme dhe këshilla si “fikso qilimin që të mos pengohet”, “ngre kapakun e tualetit” dhe “instalo shkallën elektrike”.

Në video, Kevin shihet duke mbështjellë dekorimet e jashtme me plastikë mbrojtëse.

“Jam i shqetësuar që mami po rri vetëm, e kupton? Po sikur të rrëzohet ose të bllokohet nga bora? Ata kurrë nuk e kapën atë ‘South Bay Shovel Slayer’,” thotë Kevin në reklamë, duke risjellë humorin e njohur nga filmat origjinalë.

Në një moment të veçantë, dëgjohet zhurma e një lopate, që e çon Kevinin drejt një takimi me mbesën e Marleyt, një referencë nostalgjike për fqinjin e njohur nga filmi i parë.

Ajo e këshillon: “Ke provuar të flasësh me të për të marrë pak ndihmë? Nuk është e lehtë, por ndjenjat për familjen janë të ndërlikuara.”

Regjisori i reklamës, Jody Hill, tha se ka dashur të tregojë historinë në mënyrë autentike dhe origjinale, duke reflektuar momentet që të gjithë mund të përjetojnë kur prindërit plakën.

“Kjo s’është thjesht nostalgji festive, por mënyrë për t’u lidhur me Kevin disa vite më vonë. Është qesharake, e vërtetë e njerëzore,” tha Hill.

“Home But Not Alone”  transmetohen gjatë shfaqjeve, programeve festive e ndeshjeve të futbollit amerikan deri më 11 janar. Culkin ka xhiruar klipe shtesë, duke rikrijuar skena që fansat e filmave të viteve ‘90 i njohin mirë, si momenti kur qeset e ushqimeve i bien nga duart.

Edhe pas më shumë se tri dekadash nga filmi i parë, Culkin thotë se lidhja me Kevinin mbetet e fortë dhe tani e ndan këtë eksperiencë edhe me familjen e tij. Në dhjetor 2024, ai tregoi se djali i tij katërvjeçar, Dakota, ngatërron kujtimet e veta me skena nga filmi:

“Ai mendon se është Kevini. I them, ‘A e mban mend kur zbrite shkallët me slitë?’ Dhe ai më thotë ‘Po, sigurisht’. I them ‘A e mban mend kur kishe flokë të verdha?’ Dhe ai thotë ‘Po’,” tha aktori duke u qeshur.

Përndryshe, Macaulay Culkin më parë kishte xhiruar edhe një reklamë për Google Assistant, duke përdorur parodi të inspiruara nga filmi ikonik. /A.Z/UBT News/

Këtë muaj: Harro romancat dhe puthjet festive, përgatitu për drama, trille dhe emocione që nuk harrohen lehtë.

Në vend të atmosferës së ngrohtë të festave, provo këto sugjerime që premtojnë adrenalinë, mister dhe histori që të mbajnë para ekranit.

“The Vince Staples Show”

Në këtë komedi-thriller, asgjë nuk është ashtu siç duket. Seriali ndjek Vince-n, i cili, siç thotë vetë në trailer-in e sezonit të dytë, “po kalon disa gjëra”. Këtë herë, ai përballet me dhimbje të thella familjare, që shfaqen përmes skenave metafizike, monologëve reflektues dhe madje edhe momenteve të animuara. Një seri që luan mes realitetit dhe imagjinatës, me humor të zi dhe mesazhe të forta emocionale.

“Frankenstein”

Një Jacob Elordi i panjohur deri më sot, i shndërruar në përbindësh hakmarrës, krijuar nga shkencëtari i çmendur Dr. Frankenstein (luajtur nga Oscar Isaac).

Në këtë version gotik të Guillermo del Toro, marrin pjesë edhe Mia Goth dhe Christoph Waltz, duke i dhënë historisë klasike të Mary Shelley një frymë më të errët dhe filozofike. Pyetja që mbetet në fund? “Kush është përbindëshi i vërtetë?”

“Being Eddie”

Kush fshihet pas personazheve legjendarë si Prince Akeem, Axel Foley, Doctor Dolittle apo gomari në “Shrek” (jo, s’po flasim për versionin e dubluar në shqip)? Dokumentari “Being Eddie” kërkon të zbulojë njeriun pas ikonës — Eddie Murphy. Përmes pamjeve arkivore, intervistave me miq, fansa dhe bashkëpunëtorë të afërt, filmi ofron një vështrim të rrallë në jetën e tij përtej kamerës.

“Mrs. Playmen

Në Romën e viteve ’70, Adelina zbulon tradhtinë e bashkëshortit e vendos të marrë hak, jo me dhunë, po me krijim. Ajo transformon revistëN erotike për burra në një revistë për gra, duke përmbysur normat e kohës dhe duke ngritur zërin e femrave në një periudhë konservatore. Ky serial italian është i bazuar në një histori të vërtetë, i ngarkuar me frymëzim, pasion dhe forcë femërore, dhe është po aq estetik sa edhe emocionalisht tronditës.

“Stranger Things 5: Volume 1”

Pas një dekade, Netflix sjell pjesën e parë të sezonit të fundit të një prej serialeve më të dashura — “Stranger Things”.

Premiera vjen më 26 nëntor, duke shënuar fillimin e betejës përfundimtare kundër Vecna-s.

Rikthehen të gjithë yjet që e bënë këtë univers kaq të veçantë: Millie Bobby Brown, Finn Wolfhard, Noah Schnapp, Caleb McLaughlin, Gaten Matarazzo dhe Joe Keery. Një fund epik për një histori që ka lënë gjurmë në kulturën pop të një brezi të tërë. /A.Z/UBT News/