Teknologji

iOS 15 po vjen

iOS 15: Çdo gjë që duhet të dini

Published

4 years ago

July 6, 2021

Betim Gashi

Apple na dha një ide të asaj çfarë mund të presim nga sistemi operativ celular në konferencën e zhvilluesve WWDC ndjekur nga një beta publike e iOS 15.

Edhe pse pamë shumë veçori të reja në iOS 14.5 në muajin Prill, siç ishte mundësia për tu qasur në Face ID edhe me një maskë, bllokimi i gjurmimit për qëllime reklamimi, iOS 15 sjell akoma më shumë.

Disa prej veçorive të reja janë realizimi i thirrjeve FaceTime me përdorues Android, shpërndarja e skedarëve në iMessage dhe drejtime më të mira në Maps.

iOS 15: Debutimi në Vjeshtë

Apple zbuloi se iOS 15 në WWDC më 7 Qershor. Sistemi operativ ishte i disponueshëm fillimisht për zhvilluesit përpara se të vinte si beta publike në 30 Qershor.

CEO i Apple Time Cook tha se versioni final i iOS 15 do të debutojë në Vjeshtë. Me shumë gjasa do të jetë Shtatori së bashku me prezantimin e iPhone 13.

iOS 15: Funksionet e reja

janë disa funksione të reja që po vinë në iOS 15. Fillimisht FaceTime do të ofrojë audio hapësinore duke i bërë zërat e njerëzve të duken sikur janë më natyrale. FaceTime gjithashtu do të ngjajë më shumë me Zoom ku pjesëmarrësit në një thirrje shfaqen në pamjen rrjetë (Grid View), thirrjet mund të përcaktohen paraprakisht dhe të ndahen me lidhje e të aksesohen në shfletues nga Android apo pajisjet Windows.

iOS 15 sjell disa funksione të reja në iMessage për dërgimin e fotove, lajmeve, artikujt dhe listave të luajtjes së muzikës. Kur një mik ju dërgon disa foto në iMessage, ata do të shfaqen në formatin e një kolazhi dinamik.

Për të aksesuar më vonë këto imazhe, duhet të shkoni në direktorinë Shared with You. Apple Maps është përditësuar gjithashtu duke ofruar më shumë të dhëna, shtuar ngjyrat e rrugëve, tabelat, pamje 3D dhe përmirësuar Night Mode.

Kur udhëtoni në këmbë një funksion i realitetit të shtuar bën të mundur që të skanoni hapësirën rreth ndërtesave rreth jush dhe kamera e iPhone përcakton pozicionin tuaj me saktësi më të lartë.

Si të shkarkoni iOS 15?

Nëse dëshironi të testoni iOS 15 përpara të tjerëve, duhet ta shkarkoni si një beta publike. Po mos harroni se versionet beta nuk kanë stabilitet dhe nuk rekomandojmë shkarkimin e tyre në pajisjen tuaj parësore.

Fillimisht duhet të regjistroheni në uebsajtin e Apple të programit beta në këtë lidhje: https://beta.apple.com/sp/betaprogram/

Më pas shkoni në Settings app > General > Software Update.

/PCWorld Albanian

Teknologji

Chrome bëhet më inteligjent, Google prezanton “AI Mode”

Published

2 days ago

December 12, 2025

UBT News

Google po teston AI Mode, një funksion të ri të inteligjencës artificiale që integrohet drejtpërdrejt në shfletuesin Chrome, në vend që përdoruesit të dërgohen në një faqe të veçantë kërkimi.

Aktualisht është i disponueshëm vetëm në Chrome Canary, ku hapet përmes adresës chrome://contextual-tasks.

Funksioni ofron një ndërfaqe të dedikuar “Meet AI Mode” dhe një fushë “Ask anything”, duke lejuar përdoruesit të marrin përgjigje për pyetje të ndryshme — madje edhe në lidhje me faqet që kanë të hapura, pa kopjuar ose ngjitur URL-në.

Veçoria është ende në fazë eksperimentale dhe pritet të ndryshojë para se të lëshohet për përdoruesin e gjerë, por synon të sjellë një përvojë më të integruar e më të fuqishme të përdorimit të AI gjatë shfletimit. /A.Z/UBT News/

Teknologji

Google prezanton veçorinë “Android Emergency Live Video”

Published

2 days ago

December 11, 2025

UBT News

Google ka lansuar një veçori të re për telefonat Android të quajtur Android Emergency Live Video, që lejon ndarjen e videos live me shërbimet e emergjencës.

Funksionon me një prekje të vetme, duke e bërë më të shpejtë ndihmën në raste emergjente.

Gjatë një telefonate ose mesazhi emergjent, dispeçeri mund të kërkojë video live nga telefoni juaj, dhe ju mund të filloni transmetimin e sigurt menjëherë.

Kjo u lejon ndihmësve të vlerësojnë situatën në kohë reale dhe, nëse është e nevojshme, t’ju udhëzojnë në procedura shpëtimi, si CPR, derisa të mbërrijë ndihma.

Veçoria nuk kërkon konfigurim paraprak, është e enkriptuar automatikisht, dhe përdoruesi vendos kur dhe çfarë të ndajë. Aktualisht është e disponueshme në SHBA, si dhe në rajone të caktuara të Gjermanisë dhe Meksikës për telefonat Android me Android 8 ose më të ri dhe Shërbimet Google Play.

Google njofton se po punon me organizata të sigurisë publike në mbarë botën për ta zgjeruar këtë shërbim edhe në më shumë vende. /A.Z/UBT News/

Teknologji

Apple zbulon planet për iPhone 18, teknologji dhe performancë e përmirësuar

Published

3 days ago

December 11, 2025

UBT News

Edhe pse iPhone 18 është larg lansimit të tij, thashethemet dhe rrjedhjet e informacionit po qarkullojnë në internet.

Seria e ardhshme pritet të prezantohet në shtator 2026, megjithatë disa raportime sugjerojnë se modeli standard shtyhet deri në pranverë 2027, me një version të përfolur iPhone 18e. Nuk është e qartë nëse Apple do t’i lansojë të gjitha variantet njëkohësisht, iPhone 18 Pro dhe Pro Max—ose nëse linja do të ndahet në periudha të ndryshme.

Sipas thashethemeve, kompania po teston teknologjinë 3D nën ekran, gjë që mund t’i japë një pamje më elegante telefonit.

iPhone 18 pritet të vijë me çipin e ri A20, i cili premton shpejtësi dhe efikasitet më të lartë, A20 mund të jetë deri 15% më i shpejtë se A19, duke përdorur rreth 30% më pak energji.

Një veçori e mundshme që mund të mungojë është Butoni i Kontrollit të Kamerës, i cili debutoi me iPhone 16.

Apple shqyrton heqjen e tij, duke përmendur angazhimin e ulët të përdoruesve dhe kostot e prodhimit, pritet që modeli bazë i iPhone 18 të ketë RAM të përmirësuar, duke shkuar deri 12 GB, për të përballuar veçoritë e inteligjencës artificiale.

Modeli bazë i iPhone 17 ka 8 GB RAM, që konsiderohet mjaftueshëm, por Apple po synon të rrisë performancën për kërkesat e së ardhmes.

Megjithëse ndryshimet nuk pritet të jenë revolucionare—pasi iPhone 17 ka përmirësime të dukshme në kamerë dhe ekran, iPhone 18 pritet të sjellë disa veçori të vlefshme që ia vlen të prisni. /A.Z/UBT News/

Teknologji

Kontroll më i rreptë në Snapchat, procesi i ri që duhet ta kalojnë përdoruesit në Australi

Published

3 days ago

December 11, 2025

UBT News

Snapchat, një nga platformat më të përdorura nga adoleshentët në Australi, ka nisur të përdorë softuerin e kompanisë me bazë në Singapor, k-ID, për të parandaluar përdorimin e aplikacionit nga fëmijët nën moshë.

Kjo kompani ofron teknologji për verifikimin e moshës për shërbime të ndryshme digjitale, përfshirë lojërat online dhe rrjetet sociale.

Në Snapchat, përdoruesve u shfaqet një kërkesë për të verifikuar moshën e tyre përmes disa metodave, ndër to edhe dërgimi i një selfie-je që analizohet nga softueri për të përcaktuar moshën.

Disa përdorues pretendojnë se kanë gjetur mënyra për ta anashkaluar këtë sistem, p.sh duke përdorur fotografi të personave më të rritur.

Drejtori i çështjeve korporative të k-ID, Luc Delaney, tha për BBC-në se verifikimi i moshës mbetet një “luftë e vazhdueshme” për kompanitë që merren me këto shërbime.

Ai thekson se softueri do të zhvillohet më tej me kalimin e kohës, sidomos pasi të zbulohen metoda të reja që përdoruesit përdorin për të mashtruar sistemin.

“Ne nuk i inkurajojmë njerëzit të përpiqen të tejkalojnë këto mekanizma, se përfundojnë të përjashtuar nga platforma”, shtoi Delaney. /A.Z/UBT News/