Sport

Inter – Real Madrid, Paris Saint-Germain – RB Leipzig dhe Liverpool – Atalanta, ndeshjet më interesante në Ligën e Kampionëve

Published

5 years ago

November 23, 2020

Betim Gashi

Liga e Kampionëve do të vazhdojë këtë të martë dhe të mërkurë, me disa ndeshje interesante, sa i përket javës së katërt në Ligën e Kampionëve.

Inter do e presë në shtëpi Real Madridin i cili në këtë takim vjen pa Benzeman, Casemiron, Luka Jovic, Eder Militao, Odriozola, Ramos e Valverde, që të gjithë të lënduar e disa të prekur me virusin corona. E nga kampi i Interit do të mungojnë Brozovic, Kolarov, Padelli e Vecino, mirëpo lojtarët kyç të ekipit të Contes do të jenë të gatshëm për këtë përballje titanike.

Ndeshja tjetër interesante mes PSG-së dhe Leipzigut do të zhvillohet të martën me fillim nga ora 21:00, e që do të sjellë spektakël, marrë parasysh rezultatin e parë në gjermani, që triumfoi Leipzig 2 me 1. PSG vjen në këtë takim me shumë mungesa, teksa edhe Leipzigut do t’i mungojnë disa lojtarë. Paris Saint-Germain nuk do të llogarisë në Bernat, Draxler, Gueye, Herrera, Icardi, Kehrer, Kimpembe e Verrati për shkak të lëndimeve e suspendimeve, gjersa Leipzig do të jetë pa Halstenberg, Hartmann, Hwang Hee-Chan, Klostermann, Laimer e Mukiele.

Liverpool do e presë Atalantan në Anfield Road, ku anglezët vijnë me shumë mungesa, që mezi po përballojnë këtë periudhë të vështirë për klubin. Lëndimet e shumta i kanë shkaktuar mjaft telashe trajnerit Jurgen Klopp, por që në vikend e kishte në kontroll skuadrën në mënyrë perfekte. Atalanta në këtë takim nuk do të llogarisë në shërbimet e Caldaras, Xhimshitit, Hateboer, Malinovsky e Muriel./UBTNews

Up Next

Mitrovica mposhti Llapin, fiton Kupën e Kosovës

Don't Miss

Basketboll, Kosova përballet me Sllovakinë dhe Islandën

Sport

Lojërat Mesdhetare po hyjnë në fazën vendimtare të planifikimit

Published

4 hours ago

March 3, 2026

UBTNews

Kryetari i Prishtinës, Përparim Rama, ka bërë të ditur se Lojërat Mesdhetare po hyjnë në fazën vendimtare të planifikimit.

Sipas tij, në kuadër të Komitetit Organizativ të Lojërave Mesdhetare po zhvillohet takimi i planifikimit sportiv, ku po detajohet masterplani i objekteve. Ai theksoi se gjatë këtij procesi po analizohen lokacionet, nevojat infrastrukturore dhe po merren vendime kyçe për organizimin e ngjarjes së madhe sportive që do të mbahet në kryeqytet.

Rama u shpreh se “Prishtina 2030” nuk është vetëm një organizim sportiv, por dëshmi se kryeqyteti është gati të performojë në skenën ndërkombëtare.

Sport

MRS shpall kategorizimin e ri të federatave sportive, Xhudoja kryeson listen

Published

4 hours ago

March 3, 2026

UBTNews

Ministria e Rinisë dhe Sportit ka bërë publike listën përfundimtare të kategorizimit të sporteve në Republikën e Kosovës, ku përfshihen gjithsej 37 federata sportive.

Sipas njoftimit zyrtar, 6 federata janë renditur në kategorinë A, një në kategorinë B, katër në kategorinë C, ndërsa 26 federata janë përfshirë në kategorinë D.

Në kategorinë A kryeson Federata e Xhudos e Kosovës me 115.26 pikë, duke dëshmuar vazhdimësinë e sukseseve në arenën ndërkombëtare. Në vendin e dytë renditet Federata e Karatesë e Kosovës me 97.5 pikë, ndërsa e treta është Federata e Volejbollit të Kosovës me 88 pikë. Pasojnë Federata e Hendbollit e Kosovës me 87.8 pikë, Federata e Futbollit e Kosovës me 85.5 pikë dhe Federata e Basketbollit e Kosovës me 85.3 pikë.

Në kategorinë B është renditur vetëm Federata e Boksit e Kosovës me 83.1 pikë.

Ndërkaq, në kategorinë C bëjnë pjesë Federata e Atletikës e Kosovës, Federata e Pingpongut e Kosovës, Federata e Aeronautikës e Kosovës dhe Federata e Sportit Shkollor e Kosovës.

Sipas ministrisë, pjesa më e madhe e federatave gjithsej 26 janë të renditura në kategorinë D, në bazë të pikëzimit dhe kritereve të përcaktuara nga komisioni profesional për procesin e kategorizimit.

Sport

Finalja e tensionuar, Barcelona përballë Atletico Madrid sonte në “Camp Nou”

Published

4 hours ago

March 3, 2026

UBTNews

Sonte nga ora 21:00, FC Barcelona pret Atletico Madrid në ndeshjen e kthimit të gjysmëfinales së Copa del Rey në “Spotify Camp Nou”.

Pas një humbjeje 0-4 në ndeshjen e parë, Barcelona ndodhet në një situatë të vështirë: për të fituar kupën, katalanasit duhet të shënojnë të paktën 5 gola dhe të mos pësojnë më shumë.

Tifozët presin një performancë sulmuese dhe dramatike nga skuadra e tyre, ndërsa çdo gol do të lërë gjurmë në përpjekjen e Barcelonës për ta kthyer këtë sfidë në një triumf të madh para “Camp Nou”.

Sport

Ronaldo largohet nga Arabia Saudite

Published

6 hours ago

March 3, 2026

UBTNews

Cristiano Ronaldo ka lënë përkohësisht Arabinë Saudite dhe është nisur drejt Spanjës, pas përshkallëzimit të tensioneve ushtarake mes Iranit, Izraelit dhe SHBA-së.

Konfederata Aziatike e Futbollit (AFC) ka pezulluar ndeshjet e klubeve nga rajoni, duke përfshirë ato të ekipit Al‑Nassr, për shkak të shqetësimeve të sigurisë. Ronaldo pritet të qëndrojë në Madrid deri sa situata të qetësohet.

Ronaldo ka shënuar 22 gola në 26 ndeshje për Al-Nassr këtë sezon. Kontrata e tij me klubin saudit është e vlefshme deri në vitin 2027. /Kosova Press/