Lajmet

Imri Ahmeti jep betimin për kryetar të Lipjanit, zotohet se do të punojë me përgjegjësi

Ahmeti tha se verdikti i votuesve në zgjedhjet lokale të 17 tetorit e ka bërë krenar.

Published

4 years ago

on

Kryetari i Lipjanit, Imri Ahmeti ka dhënë betimin për herë të tretë si kryetar i kësaj komune.

Kryetari i rizgjedhur, Ahmeti në seancën inauguruese të Kuvendit Komunal të Lipjanit tha se verdikti i votuesve në zgjedhjet lokale të 17 tetorit e ka bërë krenar, por edhe përgjegjës që në mandatin e ardhshëm katër-vjeçar të punojë fort e me për të zhvilluar qytetin.

“Vërtet për mua është jo vetëm ditë e veçantë që për të tretën herë po rifilloj detyrën e kryetarit të komunës. Prandaj, i jam mirënjohës qytetarëve që më kanë bërë krenar për vlerësimin tuaj, por ju edhe më obligoni shumë që ne të punojmë fort, të punojmë me përgjegjësi për të zhvilluar komunën tonë. Për mua para së gjithash është obligim dhe përgjegjësi e jo privilegj. Është detyrë e shenjtë e jo pozitë, është synim e vizion i zhvillimit të mëtutjeshëm të komunës tonë e jo punë e zakonshme, por edhe detyrim për të vazhduar me dinamikë e insistim ndërtimin dhe zhvillimin e komunës tonë”, tha Ahmeti.

Ahmeti tha po ashtu se parimi i respektimit të ligjit do të jetë bazament i përhershëm i punës së tij në komunën e Lipjanit.

“Parimet tona qeverisëse dua sot t’ua rikujtoj dhe t’ua rikonfirmoj të gjithëve që parimi i respektimit të ligjit përkatësisht normave qeverisëse do të jenë bazament i përhershëm i punës tonë. Gjatë mandatit që po e rifillojmë, parimi i qeverisjes ligjore dhe transparente do të jetë udhërrëfyes dhe shteg që s’dalim përtej saj dot, pavarësisht sfidave, interesave, presioneve që mund të prodhohen gjatë punës tonë”, theksoi ai.

Ahmeti me këtë rast ka konfirmuar se do të jetë i gatshëm të bashkëpunojë me të gjithë qytetarët e Lipjanit dhe me të gjitha strukturat e partive pa dallim në të mirë të zhvillimit të mëtutjeshëm të Lipjanit, qytetit dhe fshatrave të komunës.

Imri Ahmeti nga LDK-ja ka fituar në raundin e parë të zgjedhjeve pa balotazh në zgjedhjet e 17 tetorit ku në garë ishte me kandidatët Adnan Rrustemi nga Lëvizja Vetëvendosje, Hyzer Rizani nga PDK-ja dhe Bashkim Budakova nga AAK. 

Related Topics:
Continue Reading

Lajmet

Gjendet pa shenja jete një shtetase e huaj në Shtërpcë

Published

2 minutes ago

on

October 20, 2025

By

Një grua shtetase e huaj është gjetur pa shenja jete në Shtërpcë.

Policia e Kosovës ka njoftuar se pas identifikimit, trupi i pajetë i viktimës është dërguar për obduksion në IML në Prishtinë.

“Shtërpcë 19.10.2025-NN. Është raportuar se është gjetur një trup i pajetë i një femre shtetase të huaj. Lidhur me rastin janë njoftuar të gjitha njësitë relevante dhe mjekësia ligjore, me vendim të prokurorit trupi i pajetë i viktimës dërgohet për obduksion në IML-Prishtinë”, thuhet në raportin e Policisë së Kosovës./S.K/PK/

Continue Reading

Lajmet

Dhuna në familje në Malishevë, një person goditet me brisk, i dyshuari dërgohet në mbajtje

Published

42 minutes ago

on

October 20, 2025

By

Një rast i dhunës në familje është raportuar mbrëmjen e së dielës në Malishevë, ku një mashkull kosovar dyshohet se ka sulmuar fizikisht një anëtar tjetër të familjes, mashkull kosovar, duke i shkaktuar lëndime në dorë me një mjet të mprehtë (brisk).

I dyshuari është arrestuar nga policia dhe pas intervistimit, me vendim të prokurorit të shtetit, ai është dërguar në mbajtje.

“Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën mashkull kosovar dhe i ka shkaktuar lëndime në dorë me një mjet të mprehtë (brisk). Viktima ka pranuar tretman mjeksëor. I dyshuari është arrestuar dhe me vendim të prokurorit pas intervisitimit dërgohet në mbajtje.” thuhet në njoftim./UBTNews

Continue Reading

Lajmet

Prishtinë: Arrestohet i dyshuari për rast dhune në familje

Published

50 minutes ago

on

October 20, 2025

By

Policia e Kosovës ka ndërhyrë pas një raportimi për dhunë në familje në Prishtinë, ku një mashkull kosovar dyshohet se ka sulmuar fizikisht viktimën, një femër kosovare.

I dyshuari është arrestuar nga njësiti policor dhe pas intervistimit, me vendim të prokurorit, është liruar në procedurë të rregullt.

“Është raportuar se i dyshuari mashkull kosovar e ka sulmuar viktimën femër kosovare. I dyshuari është arrestuar dhe pas intervistimit me vendim të prokurorit lirohet në procedurë të rregullt.” thuhet në raport./UBTNews

Continue Reading

Lajmet

Arrestohet një person në Lipjan nën dyshimin për sulm seksual

Published

54 minutes ago

on

October 20, 2025

By

Policia e Kosovës ka arrestuar një person të dyshuar në Lipjan, pasi dyshohet se ka kryer veprën penale të sulmit seksual ndaj një viktime femër kosovare.

Sipas njoftimit zyrtar, me vendim të prokurorit, ai është dërguar në mbajtje për procedura të mëtejshme hetimore.

“Lidhur me rastin është arrestuar i dyshuari mashkull kosovar pasi i njëjti dyshohet se ka kryer veprën e lartcekur ndaj viktimës femër kosovare. Me vendim të prokurorit i dyshuari dërgohet në mbajtje.” thuhet në njoftim nga Policia e Kosovës.

Autoritetet nuk kanë dhënë më shumë detaje rreth rastit, për shkak të ndjeshmërisë së hetimeve dhe mbrojtjes së identitetit të viktimës./UBTNews

Continue Reading

Të kërkuara