

Aktualitet
Ibishi për hapjen e arkivave: Serbia bën obstruksione të tilla dhe s’jep asgjë, do të dalim humbës
Published
4 years agoon
By
UBT newsDeklarata e zëvendëskryeministrit të Kosovës, Besnik Bislimi se janë pajtuar me Serbinë për hapjen e arkivave shtetërore, përfshirë edhe ato të UÇK-së, nxiti reagime të ashpra në Kosovë.
Shumica e reagimeve kishin të bënin me faktin që UÇK nuk ka arkiva pasi që ka zhvilluar luftë çlirimtare.
Ish-ushtaraku, Nuredin Ibishi i njohur me nofkën “Komandant Leka”, po e sheh si hap të ngutshëm deklaratën e Bislimit për këtë proces.
Ibishi thotë se kjo temë është e ndishme dhe çdo herë sipas tij, Serbia ka bërë obstruksione të tilla.
“Ne nuk e kemi situatën siç e kanë shtetet e ish-Jugosllavisë, e të cilat e kanë pasur një kontuinitet në mbajtjen e arkiva, pra ne jemi të vonshëm në këtë situatë, siç është krijimi i Inteligjencës Kosovare por edhe vet sistemit të arkivimit apo klasifikimit të dokumentacionit. Gjithsesi më duket hap i ngutshëm i Qeverisë dhe duhet menduar shumë për këtë. Është një çështje shumë e ndishme dhe duhet të merret me seriozitet se Serbia bën obstruksione të tilla dhe nuk jep asgjë”.
“Ne nuk kemi bërë aq shumë që t’i kem në mënyrë të veçantë këto arkivat të sistemuara ashtu siç duhet. Mendoj se në raport me serbët, mendoj se është një hap i ngutshëm sepse pala serbe shumë merr, e asgjë nuk japin si kundërshërbim”, theksoi Ibishi.
Në një intervistë për Ekonomia Online, Ibishi thotë se Serbia do të jetë e përgatitur në hapjen e arkivave të tyre, njëjtë siç ndodhi me kërkesën e palës kosovare për dhënien e dokumentacioneve kadastrale.
“Unë besoj se pala serbe është shumë e përgatitur në atë se çka do të hap prej atyre arkiva, e pala kosovare zakonisht i hap të gjitha. Njëjtë ka ndodhur edhe me dokumente civile dhe me dokumentacionet kadastrale, dhe kemi parë se çfarë gabime fatale kemi bërë në fazën e bisedimeve. Pra mendoj që ne nuk kemi ekpsertë të fushës që munden me kompetencë të hyjnë në këto bisedime, sidomos me Serbinë ku ka të bëjë me këmbimin e materiale arkivore”, u shpreh ai.
E krejt kjo sipas Ibishit po bëhet për të fituar kohë nga ana e Serbisë, megjithatë, thotë se qasja e institucioneve kosovare në këtë temë do të jetë humbje për Kosovën.
Ai pohon se përfundimisht Kosova është në disfavor në këtë proces, teksa se do të dalim humbës si në proceset e kaluara.
“Serbia përherë ka bërë zvarritje të procesit të njohjes, që të fitojë favore, dhe në këtë rast do të veprojë njëjtë. Mendoj se kjo është joserioze dhe e papjekur nga ana e Qeverisë sonë, të hyjë në këso hapash dhe e përgatitur ad-hoc…, pra çdo herë Kosova do të dalë humbëse në raport me Kosovën e cila do të shkojë në mënyrë selektive dhe atë do ta jap atë që dihet edhe në opinion, e që janë gjykuar proceset. Jemi përfundimisht në disfavorshëm në këtë proces, dhe do të dalim humbës si në proceset e kaluara”, u shpreh ai.
Të enjten zëvendësi i Kurtit, Besnik Bislimi, ka thënë se është dakorduar me palën serbe që të hapen të gjitha arkivat, duke përfshirë edhe ato të Kosovës që kanë të bëjnë me UÇK-në, raporton EO.
Aktualitet
Kurti takohet me Kongresistin Torres, e njofton për progresin ekonomik e demokratik të vendit
Published
6 minutes agoon
September 30, 2025By
UBT News
Kryeministri në detyrë i Kosovës, Albin Kurti, takoi në Washington D.C. kongresistin amerikan nga radhët e Partisë Demokratike, Ritchie Torres.
Gjatë takimit, Kryeministri Kurti e falënderoi Torres për qëndrimet e tij të hapura dhe të zëshme në mbështetje të Kosovës dhe në takim e informoi për progresin ekonomik dhe demokratik që vendi ka shënuar vitet e fundit, si dhe për zhvillimet më të fundit në Kosovë dhe rajon.
“Në takim, Kryeministri theksoi aspiratën e palëkundur të Kosovës për integrim në Bashkimin Evropian dhe në NATO, si orientim dhe objektiva strategjike të shtetit tonë. Kryeministri gjithashtu nënvizoi planet e mëdha investive në vend, përfshirë projektin e hekurudhës Prishtinë–Durrës, zhvillimin e hovshëm të sektorit të teknologjisë dhe mundësitë që kompanitë amerikane të bashkëpunojnë e të investojnë në Kosovë”, thuhet në njoftimin e zyrës së kryeministrit./S.K/EO/
Aktualitet
Kryeministri Kurti takoi kongresistin amerikan James McGovern
Published
2 hours agoon
September 30, 2025By
UBT News
Kryeministri në detyrë i Republikës së Kosovës, Albin Kurti u takua në Capitol Hill, Washington D.C., me kongresistin nga radhët e Partisë Demokratike, James McGovern. Kurti ishte i shoqëruar nga zëvendësministrja e Punëve të Jashtme dhe Diasporës, Liza Gashi dhe ambasadori i Kosovës në Shtetet e Bashkuara të Amerikës, Ilir Dugolli.
Ata diskutuan për zhvillimet e fundit në Kosovë dhe me këtë rast kryeministri Kurti e njoftoi kongresistin McGovern për progresin në vend dhe vendimet e Qeverisës së Kosovës për pranimin dhe zhvendosjen e përkohshme të shtetasve të vendeve të treta nga SHBA-të, heqjen e tarifës doganore ndaj të gjitha produkteve me origjinë nga SHBA, si dhe vazhdimin e programit Kompakt të Korporatës së Sfidave të Mijëvjeçarit për Kosovën nga administrata e re amerikane.
Kryeministri Kurti gjithashtu e falënderoi kongresistin McGovern për angazhimin e tij të palodhshëm në kërkimin e drejtësisë për vëllezërit Bytyqi, si dhe për mbështetjen e vazhdueshme që i ka dhënë avancimit të marrëdhënieve Kosovë-SHBA.
Gjatë bisedës, të dy u dakorduan të punojnë së bashku për forcimin e bashkëpunimit ekonomik ndërmjet dy vendeve, me theks të veçantë në rritjen e investimeve në biznes dhe në krijimin e mundësive të reja për zhvillim ekonomik./S.K/EO/
Aktualitet
Supremja e shpall të paligjshëm një vendim të PZAP-së, LVV ishte ankuar kundër PDK-së
Published
3 hours agoon
September 30, 2025By
UBT News
Kolegji i Gjykatës Supreme e ka pranuar si të bazuar ankesën e subjektit politik Partia Demokratike e Kosovës (PDK), dhe ka ndryshuar vendimin e Panelit Zgjedhor për Ankesa dhe Parashtresa (PZAP), , të datës 23.09.2025, duke vendosur që të refuzohet e pathemeltë ankesa e subjekti politik Lëvizja Vetëvendosje (LVV), e datës 20.09.2025.
PZAP kishte pranuar si të bazuar ankesën e subjektit politik Lëvizja Vetëvendosje (LVV), 20.09.2025 dhe kishte shqiptuar dënim më gjobë në lartësi prej 5.500 euro, Partia Demokratike e Kosovës (PDK).
Kundër këtij vendimi subjekti politik, Partia Demokratike e Kosovës (PDK), ka paraqitur ankesë në Gjykatën Supreme. Gjykata pasi ka vlerësuar ligjshmërinë e vendimit të kontestuar, në kuptim të pretendimeve ankimore, përgjigjes në ankesë, dhe pas shqyrtimit edhe të shkresave të lëndës, ka gjetur se ankesa është e bazuar.
“PZAP, në arsyetim të vendimit të saj ndër të tjera ka theksuar se paneli, pas shikimit të provave përkatësisht link-ut të ofruar si provë materiale, ka vërejtur se në tubimin e subjektit politik PDK, të mbajtur në Skenderaj, kandidati për kryetar të Komunës së Skenderaj, Sami Lushtaku, në tubimin me qytetarë të mbajtur në këtë qytet më datë 19.09.2025, për qëllime elektorale, ka përdorur gjuhë fyese dhe denigruese, duke deklaruar “Qeveri më të poshtër, Qeveri ma mashtruese, Qeveri më antikombëtare nuk besoj që ka me pas Kosova”. Andaj për Panelin përdorimi i një gjuhe të tillë është në kundërshtim me Ligjin për Zgjedhjet e Përgjithshme në Republikën e Kosovës”, thuhet në arsyetim.
Nga deklarimet e cituara, Gjykata Supreme e Kosovës, erdhi në përfundim se të njëjtat nuk janë në kundërshtim me Kodin e Mirësjelljes për Subjektet Politike, Mbështetësit e tyre dhe Kandidatët, përkatësisht, me dispozitat të LZP-së. /S.K/KP/
Aktualitet
Jock Covey, dëshmitari i katërt në mbrojtje të Thaçit
Published
3 hours agoon
September 30, 2025By
UBT News
E Përditësuar:
10:18 – Jock Covey është dëshmitari i radhës në Hagë në mbrojtje të ish-presidentit të Kosovës, Hashim Thaçi. Amerikani e ka nisur dëshminë para Dhomave të Specializuara sot, më 30 tetor.
Ai ka shërbyer në Kosovë si zëvendës i përfaqësuesit special të sekretarit të OKB-së, Bernard Kushner.
Dëshmia e tij vjen pasi në gjykatore u dëgjuan dëshmia e ish-sekretarit amerikan të Shtetit, James Rubin, ajo e ish-këshilltarit ligjor të ekipit të Kosovës në Rambuje, si dhe dëshmia e ish-diplomatit britanik John Stewart Duncan./D.B/KP
07:45
Në Dhomat e Specializuara të Kosovës në Hagë sot vazhdon procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit, ku do vazhdojë paraqitja e provave të mbrojtjes me thirrjen e dëshmitarëve në këtë rast të gjykimit.
Specialja njofton se në këtë çështje gjyqësore pritet që dy dëshmitarë të japin dëshmi në sallë të gjyqit këtë javë.
Gjatë dy javëve të kaluar kanë dëshmuar tre dëshmitarë të thirrur nga Mbrojtja, si John Duncan i cili ishte dëshmitari i tretë i cili ishte një ish-punonjës i shërbimit diplomatik të Britanisë së Madhe.
Ai dha dëshmi kryesisht në seancë publike.
Në çështjen gjyqësore Thaçi dhe të tjerët për krime lufte, Trupi Gjykues më 18 shtator urdhëroi vazhdimin e paraburgimit për Rexhep Selimin, Kadri Veselin dhe Jakup Krasniqin, duke konstatuar se vazhdojnë të ekzistojnë rreziqet që të akuzuarit mund të pengojnë ecurinë e procesit ose të kryejnë vepra penale të tjera.
Trupi Gjykues gjykoi se lirimi i të akuzuarve në posedim të informacionit të ndjeshëm nuk do të ndihmonte mbrojtjen efikase të dëshmitarëve që kanë dhënë dëshmi tashmë ose të atyre që mund të dëshmojnë në procese paralele.
Në rastin e z. Selimi, Trupi Gjykues rikujtoi se duket se z. Selimi nxori informacion konfidencial për palë të treta të paautorizuara, çka përforcoi konstatimin e Trupit Gjykues se ekziston rreziku që z. Selimi të pengojë ecurinë e procesit.
Trupi Gjykues tha se të akuzuarit gjenden në paraburgim për një kohë të gjatë, por vazhdimin e paraburgimit e gjykoi të arsyeshëm bazuar në faktet se ndaj të akuzuarve janë ngritur akuza për krime të rënda ndërkombëtare, ku pretendohet se ata luajtën rol të rëndësishëm dhe mund të përballen me burgim të gjatë në qoftë se shpallen fajtorë./S.K/EO/

Kurti takohet me Kongresistin Torres, e njofton për progresin ekonomik e demokratik të vendit

Spektakël në Ligën e Kampionëve, sonte zhvillohen përballje të zjarrta

Si t’i lani siç duhet rrobat sportive pas stërvitjes?

Zyrtare: Merret vendimi për stadiumin ikonik “Giuseppe Meazza”

“House of Guinness” – seriali i ri historik i Netflix nga autori i “Peaky Blinders” bëhet hit

Miley Cyrus drejt rikthimit në shtëpinë e saj të rindërtuar në Malibu

Kryeministri Kurti takoi kongresistin amerikan James McGovern

Udhëheqësit në Lindjen e Mesme dhe Evropë mirëpresin planin e paqes për Gazën

Cilat janë përfitimet e konsumimit të arrave të zhytura në ujë?
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën