Aktualitet

Prindërit e përkrahin shtyrjen e fillimit të mësimit, vazhdon rreziku nga Delta

Publikuar

3 vjet më parë

më

Kryetari i Këshillit të Prindërve të Prishtinës, Jeton Demi, në një prononcim për Ekonomia Online ka thënë se për momentin kthimi me prezencë fizike në shkolla paraqet vështirësi, por një gjë e tillë mund të bëhet vetëm me një skenar tjetër.

Deri më 26 shtator nuk do të fillojë procesi mësimorë në shkollat e vendit, vendim ky që doli nga takimi i ministrit të Shëndetësisë, Arben Vitia me kryetarët e komunave.

Prandaj ai thotë se duhet të një rikthim gradual dhe fëmijët ta ndiejnë procesin mësimor më afër.

“Kushti i vendosur në udhëzuesin aktual i cili është publikuar dje nga Ministria e Arsimit, përcakton që kthimi në shkolla do të jetë vetëm me prezencë të plotë në shkolla, kjo paraqet vështirësi dhe në këtë moment paraqet problem kthimi me prezencë të plotë në shkolla, por edhe atëherë e kemi lënë mundësinë e një skenari tjetër, që shkollat të funksionojnë që mësimi të fillojë që të ketë një rikthim gradual dhe fëmijët ta ndiejnë procesin mësimor më afër”, është shprehur ai.

Sipas tij, kthimi në shkolla me prezencë fizike paraqet rrezik për shkak të variantit Delta.

“Përkundrazi që udhëzuesi parasheh katër skenarë një me të cilin fillon dhe tre të tjerë vendosen në nivel të shkollave, jemi jo dakord që mësimi të mos fillojë në asnjë skenar dhe pritet që të ketë shtyrje, besojmë që nuk është zgjidhja më e mirë përkundër që jemi dakord që kthimi i plotë në shkolla paraqet rrezikshmëri të lartë për shkak të variantit Delta”, ka shtuar ai.

Demi pohon se shqetësuese mbetet edhe mungesa e mësimëdhënësve, duke marrë për bazë se nga procesi do të lirohen shtatëzënat.

“Kemi vonesa në përgatitjet e udhëzuesit, pra po vazhdon përgatitja e shkollave e furnizimit me libra, ka element pozitivë në udhëzuesin e ri po ka edhe ngarkesë më të madhe të institucioneve në nivel të shkollave, por shqetësimin e kemi që nuk kemi mësimdhënës rezervë dhe do të ballafaqohemi me mungesë të mësimdhënësve sepse do të lirohen edhe mësimdhënëset shtatzëna, andaj mangësinë e mëparshme do ta kemi të shtuar”.

“Ka lëvizje pozitive te pjesa e mësimit në distancë dhe duket se do të kemi mundësi shtesë edhe përmes Youtube dhe Televizionit Publik, që mund të ndihmojnë mësimin në distancë, por për mësimin online nuk kemi përgatitje diçka më të mirë dhe nuk kemi informacion të saktë se ku jemi”, ka përfunduar ai.

Etiketa
Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

4 orë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

2 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Të kërkuara