Aktualitet

Horror në Beograd, nxënësi vret rojën e shkollës dhe plagos mësuesen e shokët e klasës

RTS shkruan se mësuesja dhe tre fëmijët janë pranuar në Qendrën Emergjente në Beograd.

Published

on

Në shkollën fillore “Vladislav Ribnikar” në Vraçar të Beogradit sot në mëngjes rreth orës 8:00 ka pasur të shtëna me armë zjarri, kur njëri nga nxënësit ka qëlluar disa herë në drejtim të shokëve të klasës dhe personelit të sigurisë.

Sipas informacioneve të para nga mediat serbe, ka mbetur i vrarë roja i shkollës si dhe është plagosur rëndë mësuesja e historisë dhe ka disa nxënës të lënduar të tjerë.

RTS shkruan se mësuesja dhe tre fëmijët janë pranuar në Qendrën Emergjente në Beograd dhe të gjithë kanë plagë me armë zjarri në zonën e gjoksit.

Nxënësit e tjerë janë evakuuar dhe shumica e fëmijëve ndodhen jashtë të cilët po kontaktojnë me prindërit e tyre përmes telefonit.

Policia ka arrestuar të miturin e dyshuar, nxënës i klasës së shtatë, i cili siç dyshohet ka qëlluar disa herë me armën e babait të tij.

Siç mësohet jozyrtarisht, fëmijët fillimisht kanë menduar se dikush ka hedhur fishekzjarre dhe sipas pretendimeve të nxënësve të pranishëm, autori i ngjarjes i identifikuar si K.K. që qëlloi kurrë nuk kishte problem me askënd.

Nxënësit thonë se ka qenë i qetë dhe i tërhequr dhe se pesë minuta para përfundimit të orës së mësimit ka hyrë dhe ka nisur të qëllojë.

Sipas raporteve, jo të gjithë fëmijët e braktisën shkollën sepse disa mësues i mbyllën fëmijët në klasa.

Te shkolla ka një prezencë të shtuar të policisë si dhe të autoambulancave.

Lajmet

Vrasje në tentativë në Prishtinë: Arrestohet dhe dërgohet në mbajtje një person

Published

on

By

Një person është arrestuar nga Policia e Kosovës në lidhje me një rast të “vrasjes në tentativë” të ndodhur në kryeqytet.

Sipas raportit 24-orësh të Policisë, ngjarja ka ndodhur në rrugën “Holger Petersen” në Prishtinë, në orët e para të mëngjesit të datës 16 qershor, rreth orës 01:27.

I dyshuari, është prangosur nga autoritetet dhe është intervistuar lidhur me përfshirjen e tij në këtë ngjarje. Pas përfundimit të procedurave të parahetimit, me vendim të prokurorit të shtetit, i dyshuari është dërguar në qendrën e mbajtjes.

Policia nuk ka dhënë ende detaje shtesë mbi motivet apo gjendjen e viktimës së këtij rasti. /E.A/

Continue Reading

Sport

Anglia e Thomas Tuchel thyen një rekord historik në Kupën e Botës

Published

on

By

Kombëtarja e Anglisë e ka nisur në mënyrën më të mirë të mundshme aventurën në Kupën e Botës 2026, duke mposhtur Kroacinë me rezultatin bindës 4-2 në ndeshjen e parë të fazës së grupeve. Skuadra e drejtuar nga gjermani Thomas Tuchel tregoi një forcë të jashtëzakonshme sulmuese dhe efikasitet të lartë, duke siguruar menjëherë tri pikët e para të turneut.

Përtej rëndësisë së pikëve, ky triumf shënon edhe një arritje historike për “Tre Luanët”. Për herë të tretë radhazi në histori, Anglia arrin të fitojë ndeshjen hapëse të një Kampionati Botëror – një e dhënë statistikore që nuk e kishte regjistruar kurrë më parë.

Kjo seri pozitive nisi në vitin 2018 me fitoren 2-1 kundër Tunizisë, vazhdoi në Katar 2022 me goleadën 6-2 ndaj Iranit, dhe u konfirmua tashmë në Botërorin 2026 me suksesin ndaj kroatëve. Hera e fundit që anglezët e kanë nisur këtë kompeticion me humbje ka qenë plot 12 vite më parë, në Botërorin 2014, kur u mposhtën 2-1 nga Italia.

Ky rekord i ri konfirmon stabilitetin dhe vazhdimësinë e Anglisë në skenën e madhe të futbollit, duke i pozicionuar ata që në start si një nga pretendentët kryesorë për të shkuar deri në fund të turneut. /E.A/

Continue Reading

Lajmet

Sot mot me diell, temperaturat arrijnë deri në 29°C

Published

on

By

Kosova do të karakterizohet sot nga një mot kryesisht me diell dhe vranësira të pjesëshme.

Sipas parashikimit nga Instituti Hidrometeorologjik i Kosovës (IHMK), kushtet atmosferike do të jenë më të qëndrueshme në të gjithë vendin, duke bërë që mundësitë për reshje shiu të jenë mjaft të ulëta.

Sa i përket vlerave termike, temperaturat minimale gjatë mëngjesit dhe natës do të lëvizin ndërmjet 11 dhe 14°C. Ndërkohë, gjatë ditës pritet mot i ngrohtë, me temperaturat maksimale që do të rriten duke shënuar vlera nga 26 deri në 29°C.

Gjatë ditës do të fryjë edhe një erë e lehtë nga drejtimi i verilindjes, shpejtësia e së cilës do të lëvizë nga 1 deri në 4 m/s, duke sjellë një freski të lehtë.

Continue Reading

Lajmet

Progresi për mjedisin: Komisionerja e BE-së vlerëson Shqipërinë, PD e kundërshton si “propagandë të qeverisë”

Published

on

By

Komisionerja për Zgjerim në Bashkimin Europian, Marta Kos, ka vlerësuar Shqipërinë si një nga vendet pararojë në procesin e integrimit, duke vënë theksin te përparimi i shënuar në fushën e mbrojtjes së mjedisit. Gjatë deklaratës së saj, Kos nënvizoi se ky progres është i njohur dhe i vlefshëm, por shtoi se çdo projekt zhvillimor – përfshirë atë në Zvërnec – duhet të jetë në përputhje të plotë me kuadrin ligjor të BE-së, veçanërisht me Kapitullin 27 që rregullon mjedisin.

Komisionerja bëri të ditur se Komisioni Europian është në kontakt të vazhdueshëm me autoritetet shqiptare dhe se ka marrë garanci të plota nga qeveria për një vlerësim të detajuar të ndikimit në mjedis për projektin e Zvërnecit. “Në situata të tilla është e rëndësishme që të gjithë të punojmë mbi bazën e fakteve,” u shpreh Kos.

Kjo deklaratë ka sjellë reagimin e menjëhershëm dhe të ashpër të Partisë Demokratike. Përmes një qëndrimi zyrtar, opozita e ka akuzuar komisioneren se po bazohet në “informacione të rrejshme dhe të pasakta të paraqitura nga miku i saj Edi” dhe se deklarata e saj nuk pasqyron realitetin ekzistues në Shqipëri.

Sipas PD-së, vlerësimet që vijnë nga Brukseli injorojnë krizën e rëndë politike dhe sociale që ka mbërthyer vendin. Opozita thekson se qëndrime të tilla, në vend që të ndihmojnë, vetëm sa e rëndojnë dhe e thellojnë më tej situatën, duke i shërbyer politikisht kryeministrit Rama. Në mbyllje të reagimit, Partia Demokratike rikonfirmoi mbështetjen e saj të plotë për pesë kërkesat e protestuesve, duke i cilësuar ato si kushte të panegociueshme për një zgjidhje paqësore të krizës në vend. /Euronews/ /E.A/

Continue Reading

Të kërkuara