Aktualitet
Holanda, Danimarka e Spanja, “po” hapjes së negociatave për Shqipërinë
Holanda ishte shteti që para disa ditësh deklaroi një “po” për Shqipërinë. Pas saj, edhe dy shtete të tjera konfirmojnë po-në për Shqipërinë.
Holanda ka konsoliduar zyrtarisht vlerësimin pozitiv të përmbushjes së kushtëzimit për hapjen zyrtare të negociatave të anëtarësimit me Shqipërinë edhe me mbështetjen e Parlamentin holandez. Po ajo nuk është e vetme, përcjell albinfo.ch.
Mediat në Shqipëri kanë mësuar nga burime zyrtare daneze se Parlamenti i Danimarkës nuk është bërë pengesë për vendimin pozitiv të Qeverisë së Danimarkës lidhur me hapjen zyrtare të negociatave të anëtarësimit me Shqipërinë.
Burime daneze kanë thënë për ABC se Parlamenti i Danimarkës nuk i është kundërvënë vendimit të qeverisë daneze për dritën jeshile lidhur me mbajtjen e konferencës së parë ndërqeveritare me Shqipërinë. Në këtë vendim, qeveria daneze mbështet raportin e Komisionit Evropian të prezantuar në 12 maj në Këshillin e ministrave të Bashkimit Evropian, duke vlerësuar se Shqipëria ka bërë progres të mjaftueshëm për mbajten e konferencës së parë ndërqeveritare BE-Shqipëri.
Ndërkohë, burime zyrtare spanjolle kanë bërë të ditur për ABC qëndrimin zyrtar të Spanjës. Spanja mbështet raportin e Komisionit Europian të 12 majit, sipas të cilit kushtet për mbajtjen e konferencës së parë ndërqeveritare BE-Shqipëri janë përmbushur.
Sipas këtyre burimeve, Spanja konsideron se Shqipëria dhe Maqedonia e Veriut kanë bërë progres lidhur me reformat e integrimit dhe meritojnë fiksimin e një date për mbajtjen e konferencës së parë ndërqeveritare sa më shpejt të jetë e mundur (22 qershor). Spanja kundërshton ndarjen e Maqedonisë së Veriut nga Shqipëria, ashtu si shumë shtete të tjera të Bashkimit Evropian.
Burimet zyrtare spanjolle kanë sqaruar për ABC, se sipas procedurave të qeverisë spanjolle, Parlamenti i Spanjës njoftohet për vendimin zyrtar të qeverisë spanjolle lidhur me mbajtjen e konferencës së parë ndërqeveritare me Shqipërinë, por nuk ka mandat specifik dhe paraprak lidhur me marrjen e këtij vendimi.
Edhe nëse arrihet unanimiteti lidhur me vlerësimin pozitiv për Shqipërinë, çështja e aprovimit të kuadrit negociues me Shqipërinë dhe Maqedoninë e Veriut mbahet aktualisht pezull nga Bullgaria për shkak të vetos që i ka vendosur Maqedonisë së Veriut. Kjo veto ka të bëjë me pretendime të autoriteteve bullgare për çështjen e gjuhës dhe historisë lidhur me Maqedoninë e Veriut. Pa aprovimin e kuadrit negociues, nuk mund të fiksohet një datë për mbajtjen e Konferencës së Parë Ndërqeveritare.
Rrjedhimisht, takimi i 22 qershorit, siç e ka njoftuar paraprakisht ABC, nuk pritet të prodhojë vendim lidhur me mbajtjen e konferencës së parë ndërqeveritare. Kjo ka më shumë gjasa të ndodhë gjatë presidencës sllovene, që merr kryesinë e Bashkimit Evropian nga 1 korriku deri më 31 dhjetor 2021.
Burimi: Indeksonline
Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.
Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.
Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.
Izraeli ka realizuar një sulm ajror mbi periferitë jugore të Bejrutit, duke zbatuar një formulë që kritikët e konsiderojnë si diktatoriale, ku me mbështetje të fuqishme amerikane, ai vepron në territorin libanez pa patur një miratim të drejtpërdrejtë ndërkombëtar. Sipas një raporti nga një gazetar i Al Jazeera, Ushtria Izraelite ka bombarduar zonat e dendura dhe të banuara të qytetit.
Para fillimit të sulmit, ushtria izraelite ka dhënë tre të shtëna paralajmëruese, për të sinjalizuar banorët për rrezikun e afërt. Pasi shpalli alarmin, ushtria ka kërkuar evakuimin e detyruar të qytetarëve, duke u urdhëruar ata që të largohen të paktën 300 metra larg objekteve që Izraeli pretendon se i përkasin Hezbollahut. Sipas raporteve, qindra banorë janë larguar nga zona, duke u përpjekur të shpëtojnë nga sulmet.
Izraeli ka pohuar se sulmet ishin të fokusuara në një magazinë drone të Hezbollahut, por ky veprim ka ngjallur shqetësime të mëdha ndërkombëtare për pasojat e mundshme të rritjes së tensioneve mes Izraelit dhe grupeve të armatosura libaneze. Presidenti i Libanit ka dënuar këto sulme, duke i konsideruar ato si shkelje të drejtpërdrejta të marrëveshjes së armëpushimit, që ndalon përdorimin e forcës nga ana e Izraelit në territorin libanez.
Ky incident është pjesë e një cikli të vazhdueshëm tensionesh mes Izraelit dhe Hezbollahut, ndërsa dy shtetet janë përfshirë në një konflikt të gjatë që ka shkaktuar pasoja të rënda për civilët në rajon.
Bota
Tërmeti i fuqishëm në Azinë Juglindore, rritet numri i viktimave, spitalet nevojë urgjente për gjak
Tërmeti i fuqishëm që goditi Azinë Juglindore mesditën e së premtes ka shkaktuar një tragjedi të madhe, me magnitudë 7.7, duke prekur kryesisht Tajlandën dhe Mianmarin. Dëmet janë të mëdha dhe numri i viktimave po rritet vazhdimisht.
Nga Mianmari raportohet për të paktën 21 të vdekur deri tani. Këto informacione janë dhënë nga organizatat e ndihmës dhe burime lokale në rajonet e Taungo, Bago, Pyavbve dhe Mandalay, ndërsa numri i viktimave pritet të rritet ndërsa vijon operacioni i shpëtimit.
Gjenerali Zaw Min Tun, zëdhënës i juntës ushtarake të Mianmarit, ka njoftuar se në spitalet e vendit po mbërrijnë një numër të madh të plagosurve. Kjo ka çuar në një thirrje urgjente për furnizime me gjak, pasi spitalet po përballen me një ngarkesë të madhe dhe kërkojnë mbështetje.
Në Mianmar, tërmeti ka shkaktuar shembjen e një ure dhe disa ndërtesave, ndërsa në qytetin Aung Ban është rrëzuar një hotel, duke bllokuar shumë njerëz brenda tij. Operacionet e shpëtimit janë në vijim, por situata është shumë e vështirë për shkak të kushteve të kufizuara të informacionit nga ky vend i drejtuar nga një juntë ushtarake.
Përveç Mianmarit, në Bangkok të Tajlandës gjithashtu janë regjistruar dëme të mëdha. Një ndërtesë shumëkatëshe është shembur, duke lënë të bllokuar 43 punëtorë nën rrënoja. Për këtë arsye, kryeministri tajlandez shpalli gjendjen e jashtëzakonshme për qytetin e Bangkokut, ndërsa ekipet e shpëtimit po punojnë pa pushim për të nxjerrë të mbijetuarit.
Sipas të dhënave paraprake të Shërbimit Gjeologjik të SHBA-së dhe qendrës gjermane për shkenca gjeologjike (GFZ), tërmeti ka qenë i cekët, me një thellësi prej vetëm 10 kilometrash, dhe epiqendra e tij ndodhej në Mianmar, duke shtuar kështu rrezikun dhe pasojat për zonat e prekura.
Kjo tragjedi ka sjellë një kërkesë urgjente për ndihma ndërkombëtare, ndërsa autoritetet e të dyja shteteve po bëjnë thirrje për solidaritet dhe mbështetje për të përballuar pasojat e këtij tërmeti shkatërrues.
Divorci i prindërve, flet vajza e “Mr. Bean”: Ditët më të errëta
Microsoft prezantoi ekranin Xbox-PC
Kundër shëndoshjes së fytyrës! Çfarë duhet të bëni?
Eva Longoria pozon pranë yllit në Hollywood Walk of Fame, para premierës së filmit të ri
Si të ruani funksionet mendore gjatë moshës së shtyrë?
Dani Alves shpallet i pafajshëm
Katër ushtrimet që duhet t’i bëni çdo mëngjes
Fundjavë me shi, ja parashikimi i motit për sot
Presidenca kundërshton propozimin për shtrenjtim të rrymës
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota2 months agoTrump zbulon listën e zezë të Shtëpisë së Bardhë