Kronikë e zezë

Hapi një varr dhe tentoi vras një person, dënohet me dhjet vjet burgim

Sipas gjykatës, rasti kishte ndodhur më 10.09.2022.

Published

2 years ago

October 20, 2023

Betim Gashi

Gjykata Themelore në Pejë ka shpallur aktgjykim dënues ndaj të pandehurit XH.B për shkak se gjatë vitit 2022 me armë në mënyrë dinake ka tentuar ta privojë nga jeta të dëmtuarin A. G.

Sipas gjykatës, rasti kishte ndodhur më 10.09.2022, ku fillimisht dy ditë para ditës kritike i pandehuri në një shtëpi të pa banuar, prapa shtëpisë së tij, e cila ishte pronë e vëllait të tij (i cili jeton jashtë), e kishte hapur një kanal (varr) për t’i fshehur gjurmët e krimit, pikërisht për ta varrosur të dëmtuarin.

“Natën kritike paraprakisht i pandehuri e kishte ftuar në telefon djalin e viktimës dhe të njëjtit i kishte thënë se a është babai i tij, këtu i dëmtuari në shtëpi se unë po vijë me marrë me pi një kafe, dhe nuk kanë kaluar as disa minuta i pandehuri shkon tek shtëpia e të dëmtuarit, të cilin e ka dhëndër (burrin e motrës) të njëjtin e merr e hip në veturën e tij dhe nisen në drejtim të fshatit L. kinse për të shikuar një armë, dhe me të hyrë në veturë i pandehuri i thotë të dëmtuarit t’i ndalim telefonat se mundet dikush me na përgju, dhe nga aty shkojnë në fshatin L. duke iu shmangur rrugës kryesore, hyjnë në oborrin e të pandehurit, në atë moment i pandehuri i thotë viktimës të ulët në një cung në një hapësirë në mes të shtëpisë dhe një murit rrethues, kinse për mos t’u parë nga rruga dhe ia dërgon një armë për ta shikuar, me ç’rast derisa i dëmtuari ka qenë duke e shikuar armën, i pandehuri në mënyrë dinake dhe nga pas shtënë një herë me armë në drejtim të dëmtuarit, duke e goditur në anën e pasme të kokës mbi qafë, ku viktima si pasojë rrëzohet dhe paraqitet kinse si i vdekur, i pandehuri i afrohet viktimës për ta parë se a ka vdekur me pas largohet me qëllim të ta fshehur armën. I dëmtuari ashtu i plagosur pasi që vëren se i pandehuri largohet nga vendi i ngjarjes, ngritët në këmbë dhe largohet nga vendi i ngjarjes duke shfrytëzuar rrugën pas shtëpisë nëpër livadhe, përrocka dhe arrin në një shtëpi në fshat ku kërkon ndihmë për të dërguar në spital, dhe nga Spitali Rajonal në Pejës të dëmtuarin e dërgojnë në QKUK në Prishtinë, si pasojë i dëmtuari pëson lëndime të konstatuara si në raportin mjekoligjor”, thuhet në komunikatë.

Sipas gjykatës, me çka ka kryer vepër penale vrasje e rëndë e mbetur në tentativë dhe mbajtja në pronësi, kontroll apo posedim të paautorizuar të armëve nga neni 366 par.1 të KPRK-së.

“Të pandehurit XH.B gjykata i shqiptoj dënimin unik me burg në kohëzgjatje prej dhjetë (10) vite, në të cilin dënim i llogaritet edhe koha e kaluar në paraburgim e të cilin dënim të mbetur me burg , i pandehuri do ta vuaj pas plotfuqishmërisë së aktgjykimit. I pandehuri u obligua që në emër të shpenzimeve të procedurës penale dhe të paushallit gjyqësor, gjykatës t’ia paguaj shumën prej dyqind (200) euro si dhe në emër të Programit për Kompensim të Viktimave të Krimit shumën prej pesëdhjetë (50) euro, e të gjitha këto në afat prej 15 ditëve nga plotfuqishmëria e aktgjykimit. Të pandehurit ju konfiskuan armët dhe fishekët e sekuestruara dhe u urdhërua që të njëjtat të shkatërrohen pas plotfuqishmërisë së aktgjykimit. Të pandehurit ju vazhdua paraburgimi pas shpalljes së aktgjykimit por jo më gjatë se dënimi i shqiptuar. I dëmtuari për realizimin e kërkesës pasurore juridike u udhëzua në kontest të rregullt civil”, thuhet në komunikatë.

Kundër këtij aktgjykimi pala e pakënaqur ka të drejtë ankese në Gjykatën e Apelit.

Kronikë e zezë

Gjashtë raste të dhunës në familje në 24 orët e fundit

Published

3 minutes ago

February 11, 2026

UBTNEWS

Policia e Kosovës njofton së brenda 24 orëve të fundit janë regjistruar gjashtë raste të dhunës në familje.

Rastet janë regjistruar në Prishtinë, Podujevë, Shtime, Pejë, Klinë dhe në Malishevë.

Në Prishtinë është arrestuar një burrë, nën dyshimin se ka kanosur një grua.

Pas intervistimit të palëve dhe me urdhër të prokurorit, i dyshuari është liruar në procedurë të rregullt. Rasti ka ndodhur më 9 shkurt në orën 12:00.

Një rast tjetër i dhunës në familje është raportuar në Podujevë, më 10 shkurt ne orën 18:00, ku një burrë dyshohet se pas disa mosmarrëveshjeve ka kanosur një grua.

Me vendim të prokurorit, i dyshuari është dërguar në mbajtje. Ndërkaq, në Shtime është raportuar se pas një mosmarrëveshjeje, një grua është kanosur nga dy burra.

Pas intervistimit, me vendim të prokurorit, të dyshuarit janë arrestuar dhe dërguar në mbajtje.

Sipas Raportit 24 orësh të Policisë Në Pejë, më 10 shkurt ne orën 01:00, janë arrestuar një grua dhe një burrë nën dyshimin se kanë ushtruar dhunë fizike dhe psikike ndaj një gruaje tjetër.

Pas konsultimit me prokurorin, të dyshuarit janë liruar në procedurë të rregullt.

Poashtu, në Klinë është raportuar se një burrë, pas një mosmarrëveshjeje verbale, ka ushtruar dhunë fizike ndaj një burri tjetër.

Palët janë shoqëruar në stacion policor dhe, pas intervistimit, janë liruar në procedurë të rregullt. Në Malishevë, më 5 shkurt, është raportuar se një burrë ka ushtruar dhunë fizike dhe psikike ndaj një gruaje.

I dyshuari ndodhet në kërkim policor dhe rasti është duke u hetuar.

Policia e Kosovës ka theksuar se mbetet e përkushtuar në trajtimin me prioritet të rasteve të dhunës në familje dhe u ka bërë thirrje qytetarëve që të raportojnë çdo rast të tillë në mënyrë që të parandalohet përshkallëzimi i dhunës dhe të mbrohen viktimat. D.L

Kronikë e zezë

Leposaviq: Policia konfiskon pajisje ushtarake

Published

19 hours ago

February 10, 2026

UBTNEWS

Policia e Kosovës ka bërë të ditur se gjatë një kontrolli të realizuar në një shtëpi të pabanuar në Leposaviq, pronë e një burri shtetas serb, janë gjetur dhe konfiskuar një sasi e konsiderueshme e municionit dhe pajisjeve ushtarake.

Sipas Policisë, gjatë kontrollit janë sekuestruar 59 fishekë të kalibrit të panjohur, një kuti metalike, një helmetë ushtarake, një xhaketë me emblemë të Serbisë, një futrollë për thikë, një pjesë e antiplumbit, një çantë ushtarake, dy karikatorë të armës AK-47 si dhe një karikator tjetër me një fishek.

“Gjatë kontrollit në një shpi të pa banuar –pronë e një mashkulli shtetas serb, janë gjetur dhe konfiskuar : 59 fishekë kalibri i panjohur, një kuti metali, një helmete ushtarake, një jakne me emblemë të serbisë, një futrollë për thikë, një pjesë e antiplumbit, një çantë ushtarake, dy karikatorë të AK-47, dhe një karikator tjetër me një fishek”, thuhet në raportin e Policisë.

Lidhur me rastin është njoftuar prokurori kompetent, i cili ka urdhëruar inicimin e rastit, ndërsa hetimet janë duke vazhduar

Kronikë e zezë

Pesë raste të dhunës në familje në 24 orët e fundit

Published

19 hours ago

February 10, 2026

UBTNEWS

Policia e Kosovës ka njoftuar se janë regjistruar pesë raste të dhunës në familje gjatë 24 orëve të fundit.

Rastet e regjistruara janë në Pejë, Kaçanik, Prishtinë, Fushë Kosovë dhe Graçanicë.

Sipas Policisë, në Pejë është arrestuar një burrë, i cili dyshohet se pas një mosmarrëveshjeje ka sulmuar fizikisht një grua.

Viktima ka pranuar tretman mjekësor për lëndimet e shkaktuara, ndërsa i dyshuari, pas intervistimit, me vendim të prokurorit është dërguar në mbajtje.

Ndërkohë, në Kaçanik, dy burra janë shoqëruar për intervistim pasi dyshoheshin për kryerje të veprës së dhunës në familje ndaj një gruaje, sipas raportit 24 orësh.

Pas intervistimit dhe konsultimit me prokurorin, të dyshuarit janë liruar në procedurë të rregullt hetimore, ndërsa rasti vazhdon të trajtohet nga organet kompetente.

Poashtu, Policia bën të ditur se në Prishtinë, Fushë Kosovë dhe Graçanicë janë shoqëruar për intervistim tre burra të dyshuar për dhunë në familje ndaj grave.

Me urdhër të prokurorit, këto raste do të vazhdojnë të trajtohen në gjendje të lirë. Policia e Kosovës u bën thirrje qytetarëve që të raportojnë çdo rast të dhunës në familje dhe të bashkëpunojnë me institucionet për parandalimin dhe luftimin e kësaj dukurie.

Kronikë e zezë

Ferizaj: Arrestohet i dyshuari për posedim të narkotikëve dhe përdorim i paautorizuar i armës

Published

19 hours ago

February 10, 2026

UBTNEWS

Një burrë është arrestuar në Ferizaj, nën dyshimin se është përfshirë në veprat penale “Posedim i narkotikëve” dhe “Posedim i paautorizuar i armës”.

Policia në raportin 24 orësh ka bërë të ditur se gjatë kontrollit të të dyshuarit, janë sekuestruar dy qese me kokainë, një epruvetë me kokainë si dhe para të gatshme në vlerë rreth 6155 euro, transmeton Klankosova.tv.

“Në konsultim me prokurorin është bërë kontrolli ne zyrën si dhe në shtëpinë e tij ku gjatë kontrollit janë gjetur dhe sekuestruar: një qese me substancë të dyshuar narkotike të llojit kokainë me peshë rreth 19.10 gram një revole me një karikator dhe katër fishekë, një veturë, gjashtë telefona celular, para në prerje letre rreth 7535 euro dhe 20 durham, një sprej si dhe dy fletore me shënime”, thuhet tutje në raportin e Policisë.

Me vendim të prokurorit pas intervistimit i dyshuari është dërguar në mbajtje.