Histori

Hakmarrja e vërtetë që frymëzoi roman!

Ngjarja e romanit të njohur, në fakt ishte histori e vërtetë.

Publikuar

Një nga bankierët më të pasur në Francë, baroni Danglart, gjendet i burgosur në një vend të largët në Itali, i mbikëqyrur nga banditi Luigi Vampa. I detyruar të paguajë shuma të mëdha parash për të ngrënë dhe mbijetuar, një ditë ai vizitohet në qeli nga një burrë.

Pas një dialogu të shkurtër, vizitori misterioze zbulon vetë identitetin e tij: “Unë jam ai që ti e shite, e dorëzove, dhe e çnderove. Unë jam ai, të fejuarën e të cilit ti e ke prostituuar; unë jam ai, mbi të cilin shkele për t’u ngjitur vetë lart; unë jam ai, babanë e të cilit e vdiqe nga uria, ai që të dënova me uri dhe që megjithatë po të fal, pasi ai vetë duhet të falet: Unë jam Edmond Dantes!”.

Jemi përpara aktit final të romanit të famshëm të shkrimtarit francez Alexandre Dumas “Konti i Montekristos”. Historia e Edmond Dantes, një nga më mbresëlënëset e letërsisë franceze, fokusohet tek një hakmarrje të tmerrshme, e realizuar përmes mashtrimeve, maskimeve dhe mjeteve që janë përtej kufijve të imagjinatës.

Në jetën reale do të ishte e pamundur të hartohej një plan i tillë, të cilin do të ishte një nënvlerësim po ta quash makiavelist. Por në fillimin e shekullit XIX, një këpucar i thjeshtë u bë protagonist i një historie, detajet e së cilës nuk mund të mos jenë të njohura për fansat e romanit.

Viktimë e një komploti, që e detyroi të përjetojë një burgim të gjatë dhe të padrejtë, por edhe një vuajtje të madhe, në emër të drejtësisë private, ai u maskua si gjykatës, si juri dhe si xhelat kundër atyre që e goditën me thikë pas shpine.

Pierre Picaud ishte një këpucar nga Nimes, i lindur ndoshta më 2 maj 1780. I varfër por shumë ambicioz, ai u fejua në vitin 1807 me Marguerite Vigoroux, një grua shumë e bukur dhe shumë e pasur. Por dasma e afërt, shansi i tij i madh për të arritur një status të lartë socio-ekonomik, ngjalli zilinë e tre miqve të tij: Solari, Chaubart dhe Mathieu Loupian.

Sidomos këtij të fundit, pronar i një lokali dhe i mbetur i ve dhe me dy fëmijë, i bëri shumë përshtypje lajmi që dëgjoi. Prika e madhe e Marguerite, do t’i kishte dhënë atij mundësinë të shlyente borxhet, dhe të ngrihej mbi origjinën e tij më të ulët shoqërore.

Prandaj ai inskenoi një komplot politiko-gjyqësor kundër Pierre. Komploti nisi në momentin kur këpucari shkoi në dyqanin e tij për ta prenotuar atë për zhvillimin e dasmës, ndërsa Loupian i tha si me shaka se ishte gati të vinte bast se do t’ia vononte ceremoninë.

Pierre qeshi me fjalët e mikut të tij, por gaboi. Në fakt ndër klientelët e lokalit ishte edhe një agjent i qeverisë bonapartiste. I ndihmuar nga Solari dhe Chaubart, të cilët ishin gjithashtu ziliqarë ndaj Pierre, Loupian i tha atij se dinte emrin e një spiuni në shërbim të Anglisë.

Duke e besuar vërtet këtë gjë, agjenti e informoi eprorin e tij, Anne Jean Marie René Savary, Duka i Rovigos dhe kreu i policisë franceze, që urdhëroi arrestimin e menjëhershëm të tradhtarit të dyshuar. Operacioni u krye në fshehtësi të madhe, dhe Pierre u ndesh me xhandarët ditën e dasmës së tij.

Në fshehtësi absolute ai u shoqërua dhe u burgos në fortesën Fenestrellenë Piemontese Val Chisone në Itali. Antoine Allut, miku tjetër i këpucarit, nuk mori pjesë në komplot, por duke qenë se ishte në dijeni të gjithçkaje, premtoi të heshtë, duke i lënë dorë të lirë komplotistëve.

Pierre nuk mori asnjë shpjegim për arrestimin e tij, por ndjeu se muret e ftohta dhe klaustrofobike të burgut, do të shënonin fundin e ekzistencës së tij. Ndërkohë në shtëpi askush nuk e dinte se çfarë i kishte ndodhur, dhe brenda pak kohësh emri i tij u harrua.

Edhe pse i sfilitur në trup dhe mendje, Pierre nuk u dorëzua, duke kërkuar një mënyrë për t’u arratisur dhe fituar lirinë. Me mjete të improvizuara ai nisi që të gërmonte një tunel në muret e qelisë, me shpresën se do të hapte një shteg për të dalë jashtë. Koha nuk i mungonte. Tek e fundit synimet e qeverisë bonapartiste, ishte që ai të vdiste aty në qeli.

Ai punoi ditë e natë për ta zgjeruar tunelin, derisa vite më vonë doli në një qeli tjetër, ku ndodhej prifti italian Atë Torri. Ajo që në fillim dukej si një dështim, rezultoi të ishte një fat i madh. Pierre nisi të miqësohej me Torrin, dhe një vit më vonë, para se të vdiste prifti vendosi të ndajë me bashkëvuajtësin e tij sekretin e tij më të madh.

Në Milano, Torri kishte fshehur një thesar të madh, që ndoshta lidhej me arsyen e burgosjes së tij, dhe nëse do të arrinte të shihte sërish dritën e diellit, ai e mësoi Pierre se si ta shtinte në dorë atë thesar. I mbetur sërish vetëm, Pierre e pa veten trashëgimtar të një trashëgimie që nuk mund ta kishte në dorë, të paktën në teori.

Por fati ishte sërish në anën e tij. Beteja e Lajpcigut e vitit 1813 solli humbjen e Napoleonit, që abdikoi vitin e ardhshëm nga froni. Pierre, në cilësinë e të burgosurit politik të një regjimi të rënë, u lirua nga burgu brenda pak muajsh.

I burgosur në fortesë në vitin 1807, ai u largua nga ajo 7 vjet më vonë, dukshëm i plakur. Por dëshira e tij për hakmarrje,i dha forcë të kërkojë të njëjtën drejtësi që dikur i ishte mohuar. Duke ndjekur udhëzimet e Atë Torrit, ai shkoi në Milano, dhe e mori thesarin, duke u bërë më i pasur nga sa e kishte imagjinuar ndonjëherë.

Me pseudonimin Joseph Lucher, ai u nis për në Francë në kërkim të përgjigjeve mbi atë që i kishte ndodhur. Për këtë ai u maskua në një moment si një prift,Atë Baldini, dhe kërkoi në Nimes mikun e vjetër Allut. Gjatë bisedës i tregoi të vërtetën se kush ishte.

Këpucari i dha Allut një diamant, teksa ky në këmbim duhej t’i shpjegonte arsyen e arrestimit. Duke dëgjuar rrëfimin mbi makinacionet e Solari, Chaubart dhe Loupian, edhe ai pak humanizëm që kishte mbetur tek ai nga vitet e vështira të burgimit, i la vendin zemërimit dhe hakmarrjes.

Pasi u arrestua miku i tij, Loupian u martua me Marguerite në vitin 1812, duke ngritur një biznes të ri falë prikës së majme të bashkëshortes. Kishin kaluar shumë vite, dhe burgimi e kishte ndryshuar fizikisht të gjorin Pierre, ndaj askush nuk kishte dyshime për identitetin e vërtetë të kuzhinierit të njohur nga të gjithë si Joseph Lucher.

Duke gjurmuar nga afër autorët e komplotit, Pierre arriti të gjejë Chaubart, të cilin pasi e tërhoqi atë në Ponts des Arts, e vrau me gjakftohtësi. Kur policia gjeti trupin e tij, vërejti një detaj rrëqethës. Doreza e kamës me të cilën ai ishte goditur në zemër, mbante mbishkrimin “Numri 1”.

Më pas Pierre përdori ​​informatorët e tij për të ndjekur Solarin; ndërsa nisi të hartojë planin kundër Loupian. Ai punësoi një kriminel të ri të pashëm, dhe e shndërroi atë në një pasardhës të rremë të aristokracisë italiane: princin e Korlanos.

Duke marrë udhëzime të sakta, bashkëpunëtori u afrua, e joshi dhe la shtatzënë vajzën e Loupian. Shtatzënia jashtë martese, ishte një problem serioz për imazhin e Loupian, tashmë një anëtar i shquar i komunitetit parizian, dhe duke pasur parasysh prejardhjen e lartë të dhëndrit, u ra dakord që të zhvillohej dasma.

Ceremonia u mbajt në restorantin Loupian. Gjatë banketit, princi i Korlanos i dërgoi secilit prej 150 të ftuarve një shënim, në të cilin ai zbulonte identitetin e tij kriminal. Duke çnderuar vajzën e tij, Pierre i dha një goditje të rëndë moralit të mikut të tij, por nuk u mjaftua me kaq.

Ai ia doli të mashtronte të birin e Loupian, duke e futur në një rreth miqsh të shthurur. Disa ditë më vonë, policia e gjeti të riuntë dehur në vendin e krimit të një vjedhjeje.

Gjithçka vazhdoi sipas planit dhe pasi gjeti vendndodhjen e Solari, Pierre u përgatit për aktin e fundit. Por përpara se të ekzekutonte objektivin e dytë, ai u kujdes që të çonte deri në fund rrënimin financiar të Loupian, duke i vënë zjarrin restorantit të tij. Me vajzën shtatzënë me një kriminel, me djalin e arrestuar, dhe me të shoqin të poshtëruar, Marguerite vdiq e traumatizuar.

Duke treguar solidaritet me punëdhënësin e tij, “kuzhinieri” Lucher u tregua i gatshëm ta ndihmonte të rimëkëmbej financiarisht. I lumtur që në mesin e asaj serie fatkeqësish dikush donte ta mbështeste, Loupian nuk ishte në dijeni që në realitet, Pierre kishte bërë një marrëveshje sekrete me vajzën e tij, për ta ndihmuar ish-mikun e tij, në këmbim të shërbimeve seksuale.

Zemërimi i këpucarit po i afrohej epilogut. Ai helmoi Solarin, në arkivolin e të cilit u gjet e gdhendur fjala“Numri 2”,dhe duke e vazhduar inskenimin vrau më në fund Loupian-in gjatë një shëtitjeje natën në kopshtin Tuileries. I frikësuar se mos ishte viktima e radhës, Allut e rrëmbeu dhe e shantazhoi Pierre.

Tashmë i kënaqur me hakmarrjen e tij, këpucëtari e refuzoi kërkesën për t’idhënë para në këmbim të lirisë, ndaj Allut nuk pati zgjidhje tjetër veçse ta vriste. Policia e asaj kohe nuk mundi të gjente dot autorin e asaj serie misterioze vrasjesh. Por në vitin 1828 Allut, që strehohej në Londër, vendosi të rrëfente gjithçka në prag të vdekjes.

Para një prifti francez, ai e tregoi historinë me shumë detaje. I impresionuar thellë nga brutaliteti i historisë, kleriku shkroi një relacion, të cilën ia dërgoi një drejtuesit të policisë së Parisit. Pikërisht në arkivat e policisë e mësoi këtë histori edhe shkrimtari Alexandre Dumas, që e përshtati në romanin e tij të famshëm “Konti i Montekristos”. / VanillaMag – Bota.al

Histori

“Kur paqja dukej e mundur“

Publikuar

nga

Nga Enrico Franceschini

Nuk ka pasur gjithmonë luftë mes izraelitëve dhe palestinezëve. Ishte një periudhë në gjysmën e dytë të viteve nëntëdhjetë, kur unë isha korrespondent në Jerusalem, në të cilën procesi i paqes i nisur nga Rabini dhe Arafat jepte shpresë të madhe dhe atmosfera midis dy popujve të thirrur nga historia për të ndarë të njëjtën tokë, ishte paqësore.

Bashkëpunëtorim im palestinez largohej rregullisht nga Ramallahu, kryeqyteti i Territoreve Autonome të qeverisura nga Arafati në Bregun Perëndimor, për të ardhur me makinë me të dashurën e tij dhe notuar në plazhin e Tel Avivit, e më pas ndaleshin për darkë në breg të detit.

Shumë izraelitë shkonin për të bërë pazar në Bregun Perëndimor sepse produktet ishin më të lira. Më shumë se njëqind mijë palestinezë në ditë largoheshin nga Gaza për të punuar në vende të ndryshme izraelite. Dhe pelegrinët e krishterë, pasi vizitonin Varrin e Shenjtë brenda mureve të Qytetit të Vjetër, merrnin një autobus ose taksi për të parë Kishën e Lindjes së Krishtit në Betlehem.

Turizmi po lulëzonte, e ardhmja dukej premtuese, krijimi i një shteti palestinez të gatshëm për të jetuar në paqe dhe siguri reciproke përkrah Izraelit dukej i afërt.

Nuk ka rëndësi se kush ishte më përgjegjës për dështimin e këtij projekti dhe kthimin (për fat të keq, mjaft shpejt: ndërsa jetoja ende në Jerusalem) tek terrorizmi dhe lufta.

Por kujtimet e mia tregojnë se një zgjidhje e konfliktit është e mundur, pavarësisht se ekstremistët e shtyjnë atë. Megjithatë, si një udhëheqës izraelit ashtu edhe një udhëheqës palestinez duhet të dëshirojnë të arrijnë në zgjidhje. Duhen dy për të kërcyer tangon, siç thotë një shaka e vjetër, dhe gjithashtu për të bërë paqe mes armiqve./bota.al

Vazhdo të lexosh

Histori

George Washington u këshillua ta shpallte veten sundimtar të SHBA-së, por refuzoi

Publikuar

nga

Gjenerali George Washington para 240 vjetësh ishte komandanti i Ushtrisë Kontinentale dhe më 4 dhjetor 1783, u takua me oficerët e tij të lartë në një tavernë të Nju Jork-ut për t’u lënë lamtumirën.

Oficerët ishin të emocionuar ngaqë gjenerali Washington nuk ishte vetëm komandanti, por edhe heroi i tyre.

Historianët thonë se disa nga oficerët e këshilluan që ta shpallte veten sundimtar të Shteteve të Bashkuara. Ata e siguruan se do të kishte edhe mbështetjen e ushtarëve.

Washington hodhi poshtë idenë si të gabuar, duke thënë se nuk dëshironte asgjë tjetër veçse të kthehej në plantacionet e tij në Mount Vernon në Virgjinia.

Megjithatë, katër vjet më vonë ai doli përsëri në skenë, jo si sundimtar fuqiplotë, por si presidenti i parë i zgjedhur i Shteteve të Bashkuara të Amerikës.

Vazhdo të lexosh

Histori

Sot ditëlindja e Enver Hoxhës, çfarë dihet për fëmijërinë e tij

Ai ishte djalë i një familjeje modeste gjirokastrite.

Publikuar

nga

Enver Hoxha ishte djalë i një familjeje modeste gjirokastrite. Ai besohet se ka lindur më 16 tetor 1908 në lagjen Palorto, në familjen e Halil dhe Gjyle Hoxhës. Pavarësisht se 16 tetori ishte festa e ditëlindjes së tij, kërkimet dokumentare për të janë të rrëmujshme.

Në Arkivin Qendror të Shtetit në Tiranë, për Enver Hoxhën, janë shënuar 5 ditëlindje të ndryshme. Regjistri i bashkisë Gjirokastrës, nr. 6, fleta 75 shënimet për lagjen “Teqe-Meçite-Hazmurat”, shënon se Enver Hoxha, ka lindur më 12 maj 1908.

Shënimi sqaron se prindërit e tij janë Halil (babai) dhe Gjylo (nëna)”. Në Liceun e Korçës, Hoxhës i janë shënuar dy ditëlindje: 17 qershor dhe 3 tetor (vitet 1929 e 1930).

Në Francë, figuron me ditëlindje 3 tetor ndërsa gazeta “Bashkimi” 1946 vendoste si ditëlindje 3 shtatorin. 16 Tetori, ditëlindja që ai festonte vetë u bë publike në gazetën Bashkimi më 16 tetor 1947. Por këto të dhëna s’kanë luajtur ndonjë rol në biografinë e tij. Janë me gjasë produkt i kaosit që shoqëronte Shqipërinë në atë kohë.

Ai kishte një vëlla më të madh të quajtur Beqir, i cili vdiq në moshë të re nga tuberkulozi, dhe tre motra Fahrien, Haxhon dhe Sanijen.

Enver Hoxha e kaloi fëmijërinë dhe adoleshencën e tij në dy qytete të Shqipërisë, në Gjirokastër dhe në Korçë.

Gjirokastra luajti rol pothuajse modest në formimin e tij, ndërsa Korça është qyteti ku ai u formua vërtet. Transferimi i Hoxhës në Korçë ndodhi në mbarim të vitit të dytë liceal.

Në tetor 1930, Enver Hoxhës iu dha një bursë nga qeveria e Zogut për të studiuar biologji në Fakultetin e Shkencave të Natyrës të Universitetit të Montpeljesë, Francë.

Në korrik të vitit 1936, Enver Hoxha kthehet përfundimisht në Shqipëri. Për disa ai drejtoi Shqipërinë me nder për 40 vite, kurse për pjesën tjetër, Hoxha sundoi Shqipërinë gjatë kësaj periudhe. Ai ishte kryetar i Frontit Demokratik të Shqipërisë dhe komandant i përgjithshëm i forcave të armatosura nga viti 1944 deri në vdekjen e tij.

Ai shërbeu si kryeministër i Shqipërisë, 1944-1954 dhe në kohë të ndryshme ka shërbyer si ministër i jashtëm dhe si ministër i mbrojtjes.

Vitet e fundit të jetës ishin rënduar për Hoxhën për shkak të diabetit që i ishte diagnostikuar shumë vite më parë. Fillimi i prillit do të shënojë edhe fundin e jetës së tij. Pasi i janë paralizuar këmbët edhe goja, pëson një ishemi më 9 prill 1985 vdes më 11 prill 1985.

Vazhdo të lexosh

Histori

Historia e rebelimit të madh në burgjet amerikane

Nëntë pengje dhe më shumë se 30 të burgosur u vranë nga plumbat e policisë gjatë sulmit.

Publikuar

nga

Më 13 shtator 1971, afro 1 mijë e 500 policë dhe roje burgu sulmuan burgun shtetëror të Atikës në shtetin New York për të shtypur një nga rebelimet më të mëdha të burgjeve në historinë amerikane.

Nëntë pengje dhe më shumë se 30 të burgosur u vranë nga plumbat e policisë gjatë sulmit. Rebelimi kishte shpërthyer më 9 shtator, kur një grup të burgosurish nuk pranoi të ndahej në grupe më të vegjël për të kryer punët e zakonshme të mëngjesit.

Revolta u përhap, ndërkohë që të burgosurit filluan të thyenin dritaret dhe të digjnin orenditë e burgut. Brenda disa orësh, 1 mijë e 500 të burgosur iu bashkuan revoltës dhe morën peng dhjetëra punonjës të burgut.

Vendimi për dërgimin e policisë u mor katër ditë pas dështimit të bisedimeve të vështira për lirimin e pengjeve.

Të burgosurit u kishin paraqitur zyrtarëve një listë kërkesash, përfshirë përkujdesje më të mirë mjekësore, heqjen e censurës mbi materialet për lexim, lirinë fetare dhe një program për ”rehabilitim real” për t’i përgatitur të burgosurit për jetën jashtë mureve të burgut. Zyrtarët plotësuan disa prej kërkesave.

Mirëpo, zyrtarët kundërshtuan kërkesat e të burgosurve që ata të mos gjykoheshin për vdekjen e rojeve të burgut dhe për pjesëmarrjen në rebelim./KosovaPress/

Vazhdo të lexosh

Të kërkuara