Magazinë

Hailey Bieber: Vetëdashuria ime u rrit pas lindjes së fëmijës!

Published

3 weeks ago

on

Modelja Hailey Bieber, 28 vjeç, dhe bashkëshorti i saj, këngëtari Justin Bieber, u bënë prindër në gusht 2024 me ardhjen në jetë të djalit të tyre, Jack Blues.

Hailey ka treguar se përvoja e të qenit nënë i ka dhënë një forcë të brendshme dhe një vetëbesim që nuk e kishte përpara.

“E dua veten shumë më shumë tani sesa para se të kisha djalin tim. Fiton një forcë dhe vetëbesim të heshtur. Nuk mund të më thuash më ato gjëra që më thoshe dikur. Nuk luan dot me mua pasi kam sjellë në jetë një njeri,” ka rrëfyer ajo në një intervistë për WSJ Magazine.

Hailey ka thënë se të qenit nënë e ka bërë të vlerësojë kohën në shtëpi. Ajo përpiqet që darkat me miqtë të jenë në orën 6 të pasdites, për t’u kthyer në shtëpi për gjumin e Jackut. “Më duket sikur koha është bërë shumë e çmuar. Të kesh fëmijë të bën ta kuptosh këtë,” ka shtuar ajo.

Megjithëse përpiqet të jetë e pranishme në familje, Hailey vazhdon të jetë aktive edhe profesionalisht. Ajo ka themeluar në vitin 2022 Rhode Beauty, dhe shpesh gjatë natës i vijnë ide për linjën e saj të bukurisë.

“Shpesh rri në shtrat në orën 1 të mëngjesit e shkruaj diçka. Marrin ndonjë mesazh në orën 2 të mëngjesit ku u them ekipit: ‘Mos e hapni deri në mëngjes!’,” ka treguar ajo.

Më herët këtë vit, Hailey shiti kompaninë Rhode Beauty për e.l.f. Beauty në një marrëveshje që thuhet se kap vlerën deri në 1 miliard dollarë. Ajo planifikon të menaxhojë këto fonde me kujdes për të ardhmen e djalit të saj.

“Dua ta ruaj këtë për të ardhmen e djalit tim. Është një shumë parash me të cilën nuk kam pasur të bëj më parë, prandaj dua të jem e mençur dhe ta investoj me kujdes,” ka thënë modelja.

Edhe pas shitjes, Hailey mbetet aktive si drejtoreshë kreative dhe udhëheqëse e inovacionit, si dhe konsulente për e.l.f..

“Kurrë s’kam dashur ta shes kompaninë të largohem. Ende jam ajo që teston produktet e merr pjesë në takimet e zhvillimit,” tha ajo.

Hailey ka menduar për krijimin e një linje të kujdesit për lëkurën e fëmijëve dhe kujdeset personalisht për lëkurën e Jackut çdo natë.

“Bebi shkon në shtrat sikur të ishte ’krofne që vezullon’. E lyej me produktet më të mira nga farmacitë,” ka rrëfyer ajo. /A.Z/UBT News/

 

Related Topics:
Continue Reading

Magazinë

Halsey përfundon në urgjencë pas koncertit në Boston

Published

4 hours ago

on

November 4, 2025

By

Halsey është shtruar në urgjencë pas një problemi shëndetësor që ndodhi pas koncertit të saj në Boston.

Artistja 31-vjeçare njoftoi përmes Instagram-it se kaloi gjithë natën nën kujdesin e mjekëve deri në orën 6 të mëngjesit, por megjithatë vendosi të mos anulojë performancën e radhës në MGM Music Hall.

“Pas shfaqjes së djeshme përfundova në urgjencë deri në mëngjes, por tani ndihem shumë më mirë dhe jam gati të ngjitem sërish në skenë sonte!”, shkroi ajo në rrjete sociale, duke falënderuar publikisht stafin e Mass General Hospital për përkujdesjen e tyre, sipas Daily Mail.

Edhe pse nuk zbuloi detaje mbi gjendjen e saj aktuale, këngëtarja ka folur hapur për sfidat shëndetësore që ka përjetuar.

Në vitin 2022, ajo tregoi se ishte diagnostikuar me lupus SLE dhe një çrregullim të rrallë të qelizave T, ndërsa në shtator të vitit të kaluar kishte përfunduar një trajtim me kimioterapi.

Aktualisht, ndodhet në mesin e turneut “Back to Badlands”, me koncerte në Shtetet e Bashkuara, Mbretërinë e Bashkuar dhe Australi. Halsey ka theksuar se ky turne përfaqëson një rikthim emocional tek fillimet e saj artistike dhe reflektim mbi rritjen e saj personale ndër vite. /A.Z/UBT News/

 

 

Continue Reading

Magazinë

Dua Lipa lanson linjën e saj të kujdesit për lëkurën

Published

5 hours ago

on

November 4, 2025

By

Këngëtarja Dua Lipa ka prezantuar markën e saj të kujdesit për lëkurën, DUA, e zhvilluar në bashkëpunim me Dr. Augustinus Bader.

Pas më shumë se tre vjet bashkëpunimi, linja përfshin produktet kryesore të përditshme: DUA Balancing Cream Cleanser, Supercharged Glow Complex dhe Renewal Cream, të gjitha të formuluara me kompleksin TFC5, një version i përpunuar i TFC8 të markës origjinale.

TFC8 u krijua për të shëruar lëkurën e dëmtuar nga djegiet duke aktivizuar qelizat staminale.

Për DUA, TFC5 përdor të njëjtat veti riparuese me intensitet më të ulët, duke e bërë ideal për lëkurën e moshës 18–35 vjeç.

Ky kompleks kombinohet me peptide biomimetike, proteina dhe antioksidantë për të rritur lagështinë, mbrojtjen kundër plakjes dhe për të trajtuar problemet e zakonshme të lëkurës së re, si njollat, shenjat e akneve, yndyra dhe pigmentimi.

Linia synon të ofrojë një kujdes të përditshëm, praktik dhe shkencërisht të mbështetur për lëkurën e re dhe të shëndetshme. /A.Z/UBT News/

Continue Reading

Magazinë

David Beckham bëhet ‘Sir’ dhe shënon një kapitull të ri në karrierën e tij

Published

7 hours ago

on

November 4, 2025

By

Ish-kapiteni i Anglisë në futboll, David Beckham, është dekoruar zyrtarisht me titullin ‘Kalorës’ (Sir) për kontributin e tij në futboll dhe shoqërinë britanike.

50-vjeçari mori këtë nder gjatë një ceremonie në Berkshire, pas emërimit të tij në listën e nderimeve të ditëlindjes së Mbretit Charles.

Beckham, i lindur në lindje të Londrës, luajti një rol kyç në sigurimin e Lojërave Olimpike të vitit 2012 në Londër dhe është aktiv në punë humanitare me UNICEF që nga viti 2005.

Në vitin 2024 u bë ambasador i Fondacionit të Mbretit, duke mbështetur programe arsimore dhe nisma për të rinjtë.

Ai është bashkëpronar i skuadrave Salford City dhe Inter Miami, së bashku me ish-shokun e tij të skuadrës Gary Neville.

Me titullin ‘Sir’, bashkëshortja e tij, Victoria Beckham, mund të përdorë titullin ‘Zonjë’.

‘Sir’ i bashkon Beckham me një grup personalitetesh të shquara britanike, përfshirë Sir Elton John, Sir Keir Starmer, Dame Judi Dench, dhe sportistë të tjerë të famshëm si Sir Lewis Hamilton, Sir Andy Murray dhe Dame Kelly Holmes. /A.Z/UBT News/

Continue Reading

Magazinë

Ndërron jetë në moshën 89-vjeçare aktorja Diane Ladd

Published

9 hours ago

on

November 4, 2025

By

Aktorja Diane Ladd, nëna e Laura Dern, ndërroi jetë në moshën 89-vjeçare.

Lajmin e ndau vajza e saj, Laura, e cila e përshkroi nënën si “heroinë e jashtëzakonshme dhe dhuratën më të madhe të jetës sime”.

Diane vdiq në shtëpinë e saj në Ojai, Kaliforni, më 3 nëntor.

Ladd shquhej për rolet në filma si Alice Doesn’t Live Here Anymore, Wild at Heart dhe Rambling Rose, duke marrë tri nominime për Oscar dhe tri për Emmy.

Ajo nisi karrierën në televizion në vitet ’50 dhe ’60 dhe debutoi në film me The Wild Angels (1966). Roli i saj në Alice Doesn’t Live Here Anymore i solli nominimin e parë për Oscar dhe më pas çmimin Golden Globe për serialin Alice.

Diane bashkëpunoi me vajzën Laura, duke luajtur në filma si Wild at Heart (1990) dhe Rambling Rose (1991), dhe në Citizen Ruth, Inland Empire dhe serialin Enlightened të HBO-së.

Ajo u martua tre herë, përfshirë martesën me aktorin Bruce Dern, me të cilin pati dy vajza; vajza e tyre e vogël humbi jetën në moshën 18 muajshe, një tragjedi që ndikoi thellë në jetën e familjes.

Laura Dern ka folur më vonë për vështirësitë e rritjes së saj pas humbjes së motrës së vogël dhe për përpjekjet e Diane për ta mbështetur si prind i vetëm.

Diane Ladd mbetet një ikonë e Hollywood-it e figurë e dashur për publikun për talentin dhe përkushtimin e saj në art dhe familje. /A.Z/UBT News/

Continue Reading

Të kërkuara