Lajmet

‘Gabimi i madh strategjik’ i Putinit e shtyu Finlandën të anëtarësohej në NATO

Stubb tha se vendi i tij nuk do të ishte bërë anëtar i aleancës nëse Rusia nuk do të pushtonte Ukrainën.

Published

3 years ago

on

Një ish-kryeministër finlandez ka thënë se Vladimir Putin bëri një “gabim kolosal strategjik” duke e shtyrë Finlandën të anëtarësohej në NATO.

Alexander Stubb tha për Sky News se vendi i tij “absolutisht” nuk do të ishte bërë anëtar i aleancës nëse Rusia nuk do të pushtonte Ukrainën.

Ai hodhi poshtë kërcënimet e Rusisë për të forcuar praninë e saj ushtarake në kufirin finlandez si “retorikë të butë”.

“Unë nuk mendoj se ata kanë kapacitetin material apo ushtarak për të forcuar kaq shumë në kufi”, tha ai.

Finlanda nuk ishte e shqetësuar për një pushtim rus në territorin e saj, tha ai, sepse ajo ka 900,000 rezervistë, 280,000 prej të cilëve mund të mobilizohen në kohë lufte.

I pyetur nëse anëtarësimi në NATO do të antagonizojë Rusinë, ai tha: “E vetmja gjë që Putin e kupton është fuqia – e kam takuar disa herë.

Është në prerogativën dhe të drejtën e çdo shteti-komb sovran, individual, të pavarur të zgjedhë se cilit klub i përket”.

Stubb tha se ishte “i bindur” se Suedia fqinje do të bëhet anëtare e NATO-s deri në verë, pavarësisht pengesave të shkaktuara nga kundërshtimi turk./UBTNews/

Related Topics:
Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

3 minutes ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

4 minutes ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

6 minutes ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Lajmet

Arrestohet i dyshuari për dhunim në Mitrovicën e Veriut

Published

8 minutes ago

on

July 30, 2026

By

Në Mitrovicën e Veriut është arrestuar një person pasi dyshohet se ka kryer marrëdhënie seksuale me një viktimë të mitur.

Sipas Policisë, rasti është raportuar më 28 korrik 2026, ndërsa në konsultim me prokurorin viktima është dërguar për ekzaminim mjekësor.

I dyshuari, pas inicimit të rastit, me vendim të prokurorit është dërguar në mbajtje. Rasti po hetohet./A.K/

Continue Reading

Të kërkuara