Sport

“Futbolli është një proces që do kohë”, Nuhiu: Jam këtu për ta ngritur Gjilanin

Published

2 years ago

June 25, 2024

Betim Gashi

Në prag të fillimit të sezonit të ri 2024/25 të Superligës së Kosovës, trajneri i Gjilanit, Ardian Nuhiu është paraqitur sot në një konferencë para mediave.

Nuhiu tha se puna dhe disiplina do të jenë shtyllat kryesore të këtij cikli të ri, ndërsa synohet ngritja e Gjilanit në nivelet më të larta.

“Projekti është shumë i qartë dhe mënyra e komunikimit së bashku me drejtuesit janë faktori kryesor dhe faktori bindës që unë jam këtu për të udhëhequr këtë projekt. Ne së bashku me stafin teknik kemi një plan të cilin synojmë ta implementojmë nga viti në vit, në mënyrë që kjo skuadër të ngritet në nivelet më të larta, së bashku me presidentin dhe drejtuesit të cilët do të punojnë maksimalisht në këtë drejtim”, tha Nuhiu.

Nuhiu foli për ofertën e Gjilanit për të, ndërsa ka edhe një mesazh për presidentin e klubit, futbollistët e tifozët.

“Oferta ishte shumë e pastër, shumë korrekte dhe shumë e menduar mirë nga drejtuesit, duke përcaktuar udhëheqësit e këtij projekti. Sa i përket pjesës së kaluarës time, unë gëzoj respekt gjithmonë për ish-drejtuesit, për tifozët dhe vetë klubin. Por, tani jam këtu, bashkërisht me stafin tim për të punuar për Gjilanin. President, drejtues, futbollist dhe tifoz duhet të bëhemi të gjithë një për të shkruar historinë”, tha Nuhiu.

Ish-trajneri i Dritës zbuloi objektivat që i ka me Gjilanin, duke thënë ndër të tjera që “futbolli është një proces që do kohë”.

“Ideja e vitit të parë është ndërtimi i skuadrës me një organizim të madh, do të kërkohen edhe objektiva, mirëpo jo me çdo kusht. Futbolli është një proces që don kohë, në përbërje do të kemi shumë ndryshime dhe ne nuk e kemi shkopin magjik për ta bërë atë menjëherë. Do mundohemi me stafin që t’i përcjellim idetë tona te futbollistët, në mënyrë që të ambientohen sa më shpejtë. Do mundohemi të ngrisim ekipin në të gjitha nivelet. Nuk do premtojmë që do të marrim këtë sukses, apo atë sukses, por do të punojmë për të arritur atë sukses, pasi që për këtë arsye jemi këtu”, tha Nuhiu.

Nuhiu tha se ambiciet e përbashkëta me drejtuesit e Gjilanit kanë qenë ndër faktorët kyç që ai ta marrë drejtimin e kuqebardhëve.

“Ambiciet na kanë bashkuar me drejtuesit. Duhet të jemi me këmbë në tokë, më shumë të punojmë se sa të flasim. Duhet të ja lëmë gjithçka kohës. Premtoj shumë punë dhe disiplinë, si nga ana ime, po ashtu edhe nga ana e stafit tim. Do të analizojmë çdo detaj më të vogël, në mënyrë që ekipi të ec në mënyrën më të drejtë. Besoj fuqishëm në punën tone dhe besoj që do të arrijmë sukseset nga puna jonë. Normalisht që fokusin do ta kemi edhe nga futbollistët e rinj. Do të shikojmë se çfarë mund të afrojmë nga ekipi i 21 vjeçarëve, por do t’i ndjekim ndeshjet edhe të moshave të tjera”, tha Nuhiu.

Related Topics:Superliga e Kosoves Ardian Nuhiu 2024/25

Up Next

Euro 2024: Holanda e Austria publikojnë formacionet zyrtare

Don't Miss

Arsenali kryeson garën për transferimin e 21-vjeçarit

Sport

Llapi kualifikohet në çerekfinale të Kupës së Kosovës

Published

12 hours ago

February 10, 2026

UBTNEWS

Klubi i Futbollit Llapi ka siguruar kualifikimin në çerekfinale të Kupës së Kosovës pas fitores 2-1 ndaj FC Dritës.

Llapi tregoi efikasitet dhe qetësi në momentet vendimtare të takimit.

Golat për skuadrën e Llapit u shënuan nga Arbnor Ramadani në minutën e 17-të dhe Muhamet Hyseni në minutën e 58-të, ndërsa në të dy golat asistuan Elvir Gashijani dhe Edon Sadriu.

FC Drita tentoi të rikthehej në lojë, por nuk arriti të shmangë eliminimin nga gara. Me këtë fitore, KF Llapi vazhdon rrugëtimin në Kupën e Kosovës dhe siguron një vend në fazën çerekfinale të kompeticionit.

Sport

Laporta jep dorëheqjen, Barcelona drejt zgjedhjeve më 15 mars

Published

18 hours ago

February 10, 2026

UBTNEWS

Siç pritej, Joan Laporta ka dhënë dorëheqjen nga posti i Presidentit të Barcelonës për t’i hapur rrugë kandidimit të tij në zgjedhjet që do të mbahen më 15 mars 2026.

Vendimi vjen në përputhje me rregullat e klubit, ndërsa Laporta synon një mandat të ri në krye të gjigantit katalanas.

Në deklaratën e tij, Laporta theksoi se po largohet duke e lënë klubin në gjendje më të mirë sesa e gjeti pesë vite më parë, duke nënvizuar rikthimin e gëzimit te tifozët dhe sukseset e arritura nga skuadra.

Ai vlerësoi lojtarët si arkitektë të trofeve të fituar dhe e cilësoi projektin e rinovimit të “Camp Nou” si trashëgiminë më të madhe në historinë e klubit. Përveç Laportës, në garën zgjedhore për presidencën e Barcelonës kanë konfirmuar kandidaturën edhe Victor Font, Marc Ciria, Xavi Vilajoana dhe Joan Camprubi Montal. balkanweb D.L

Sport

Ylli i Javës – Almir Kryeziu

Published

2 days ago

February 9, 2026

UBTNEWS

Federata e Futbollit e Kosovës, në bashkëpunim me sponsorin zyrtar të Superligës, Albi Mall, ka ndarë çmimin tradicional “Ylli i Javës”, i dedikuar futbollistit më të dalluar të xhiros në Superligën e Kosovës.

Për xhiron e 19-të të këtij edicioni, çmimi i është ndarë për herë të dytë futbollistit të FC Ballkanit, Almir Kryeziu, i cili shënoi një gol dhe asistoi në një tjetër, duke ndihmuar skuadrën e tij të fitojë 2:1 ndaj Gjilanit.

Vlerësimi është bërë nga Komisioni i Veteranëve të Futbollit. Kryeziu u shpreh i lumtur për çmimin dhe theksoi se synimi i Ballkanit mbetet titulli kampion dhe suksesi në Kupën e Kosovës. Ai gjithashtu falënderoi bashkëlojtarët dhe stafin për mbështetjen e tyre. /D.L/

Sport

Shkëlqen Distria, rrëmben medaljen e artë në Paris

Published

3 days ago

February 7, 2026

ubtnews

Distria Krasniqi ka nisur në mënyrën më të mirë të mundshme vitin 2026, duke fituar medaljen e artë në Grand Slamin e Parisit, një nga turnetë më prestigjioze të xhudos botërore. Medalistja e dyfishtë olimpike e Kosovës konfirmoi edhe një herë nivelin e saj elitar në kategorinë deri në 52 kilogramë, përcjell KosovaPress.

Xhudistja kosovare triumfoi në finale ndaj spanjolles Toro Soler, në një duel të fortë të zhvilluar para një audience të madhe në kryeqytetin francez. Me paraqitje të sigurt gjatë gjithë turneut, Distria tregoi se forma e saj mbetet në nivel të lartë.

Kjo medalje e artë përbën një sinjal të fortë për ciklin olimpik që çon drejt Lojërave Olimpike Los Angeles 2028, ku Krasniqi synon të vazhdojë historinë e suksesit për veten dhe për xhudon e Kosovës./KosovaPress/