Lajmet

​Frika nga një pushtim izraelit rriti çmimet e naftës

Në tregun e Londrës, çmimi i një fuçie pas mesditës ishte me 88 centë më i lartë se në mbylljen e tregtimit të djeshëm dhe arriti në 93.26 dollarë.

Published

on

Çmimet e naftës u rritën mbi 93 dollarë në tregjet ndërkombëtare sot pasi tregtarët shqetësoheshin për sinjalet nga Izraeli për një pushtim të afërt të enklavës së bllokuar palestineze të Gazës, e cila mund të përhapë konfliktin në të gjithë Lindjen e Mesme dhe të kërcënojë furnizimet.

Në tregun e Londrës, çmimi i një fuçie pas mesditës ishte me 88 centë më i lartë se në mbylljen e tregtimit të djeshëm dhe arriti në 93.26 dollarë. Në tregun amerikan, një fuçi për dorëzim në muajin nëntor u tregtua me 95 centë më lart në 90.32 dollarë. Fuçitë për dërgesë në dhjetor u tregtuan më aktivisht, me 89 centë, nga 89.26 dollarë.

Çmimet u luhatën ndjeshëm dje pasi shqetësimet e ofertës për konfliktin midis Izraelit dhe grupit militant palestinez Hamas u shuan shkurtimisht nga njoftimi se SHBA-ja do të lehtësonte sanksionet ndaj Venezuelës dhe do të lejonte që nafta e saj të kthehej në tregjet botërore.

Uashingtoni lëshoi një leje gjashtëmujore për transaksione me sektorin energjetik të Venezuelës pasi Qeveria në Karakas dhe opozita ranë dakord për zgjedhjet në vitin 2024. Por Venezuelës do t’i duhet kohë për të rritur prodhimin, për shkak të investimeve të dobëta në këtë sektor.

Pranë fundit të tregtisë, shqetësimet për furnizimet nga Lindja e Mesme mbizotëruan përsëri, pas një valë protestash në vendet arabe, Iran dhe Turqi për një sulm ndaj një spitali në enklavën e bllokuar palestineze të Gazës që vrau rreth 500 njerëz.

Tel Avivi njoftoi një pushtim tokësor të Gazës dhe ministri izraelit i Mbrojtjes Yoav Gallant u tha ushtarëve pranë kufirit të enjten se së shpejti do ta shihnin enklavën palestineze “nga brenda”, duke sugjeruar një operacion të afërt ushtarak. Frika e konfliktit u ushqye më tej nga njoftimi i Pentagonit se SHBA-ja kishte kapur raketa të lëshuara nga Jemeni drejt Izraelit mbi Detin e Kuq.

Uashingtoni planifikon të blejë gjashtë milionë fuçi naftë bruto

“Çmimet e naftës janë rritur ndjeshëm që nga dita e djeshme për indikacionet për një ofensivë tokësore të afërt izraelite në Rripin e Gazës. Në Londër, fuçia është kthyer në 93 dollarë. Megjithatë, situata e furnizimit nuk ka ndryshuar deri më tani,” shkruajnë analistët e Commerzbank në një shënim të premten.

Çmimet mbështeten gjithashtu nga vlerësimet për një mungesë më të madhe të ofertës në tremujorin e katërt, pasi prodhuesit kryesorë Arabia Saudite dhe Rusia vendosën të hedhin më pak fuçi në treg deri në fund të vitit. Ata inkurajohen gjithashtu nga inventarët e ulët, veçanërisht në SHBA.

Uashingtoni planifikon të blejë gjashtë milionë fuçi naftë bruto në dhjetor dhe janar për të mbushur rezervat strategjike të varfëruara, njoftoi dje Ministria e Energjisë. Organizata e Vendeve Eksportuese të Naftës (OPEC) raportoi veçmas se një fuçi e shportës së naftës të anëtarëve të saj ra 83 centë në 93.63 dollarë të enjten.

Aktualitet

Nga inteligjenca artificiale te bujqësia: Hajrizi tregon pse UBT-ja është zgjedhja kryesore e studentëve

Published

on

Rektori i UBT-së, Prof. Dr. Edmond Hajrizi, ka thënë se arsyeja kryesore pse studentët zgjedhin të studiojnë në këtë institucion është qasja moderne dhe programet inovative që ofrohen.

Në një intervistë në FIVE të Dukagjinit, Hajrizi ka theksuar se UBT dallon nga universitetet e tjera për shkak të orientimit drejt së ardhmes dhe temave bashkëkohore, si Inteligjenca Artificiale.

Sipas tij, një element tjetër që i tërheq studentët është mënyra ndërmarrësore e funksionimit të UBT-së, e cila, duke qenë e vetëfinancuar, ka si obligim që çdo student të arrijë sukses.

“Mendoj që qasja e re, ne kemi programe të reja dhe moderne. Dhe janë programe të së ardhmes, nuk e kemi asnjë old fashion në program. Kjo është tema kryesore që asnjëherë nuk ke pas një tematik që ne e trajtojmë për të kaluarën, por flasim Inteligjencës Artificiale. Apo flasim sot për IA, po, cili është universiteti më i mirë në regjion për IA? Dihet. Ose po flet për zhvillim të qëndrueshëm, dihet kush tregon rolin. Po flet për mjekësi, dihet kush. Po flet për energji, bujqësi.

Domethënë thjesht jemi duke garuar për t’i ofruar ato kompetenca të cilat atij i duhen. Jemi shumë aktivë me qenë shumë të kujdesshëm në suksesin e tij. Se ne vetëfinancohemi, ne jemi një qasje ndërmarrësore, e kemi obligim atë me ngrit deri te suksesi. Ai e ndjen atë mbështetje. E ndjenë atë cilësi e infrastrukturë. E ndjenë atë ndërkombëtarizmin dhe vjen”, ka thënë Hajrizi.

Continue Reading

Lajmet

Xhaka në garë me Haalandin dhe yjet e tjerë për t’u zgjedhur lojtari i muajit në Premierligë

Published

on

Ylli kosovar Granit Xhaka po shfaq formë të jashtëzakonshme në edicionin e ri dhe mbetet në garë yjet e tjerë për t’u zgjedhur lojtari i muajit në Premierligë

Xhaka u transferua gjatë verës nga Bayer Leverkuseni në Sunderland dhe menjëherë prezenca e tij ka pasur impakt në ekipin anglez.

Krahas organizimit të lojës, duke kontribuuar si në aspektin defanziv, ashtu edhe në atë ofanziv, veterani i mesfushës ka kontribuuar edhe me asistime, duke qenë lojtari më i rëndësishëm i Sunderlandit deri tash në sezonin 2025/26.

Për këtë, Premierliga e ka përfshirë përfaqësuesin zviceran në mesin e kandidatëve për t’u zgjedhur futbollisti më i mirë i muajit shtator.

Përpos Xhakës, në garë janë edhe lojtarët tjerë që bënë paraqitje pozitive në muajin që shkoi si: Erling Haaland, Danchi Kamada, Yankuba Minteh, Robin Roefs e Martin Zubimendi./S.K/EO/

 

Continue Reading

Lajmet

Europa League sonte vjen me 18 lojë

Published

on

Xhiroja e dytë e Europa League do të luhet këtë të enjte, ku në programin zyrtar do të jenë 18 ndeshje interesante që do të zhvillohen.

Vëmendja kryesore do të jetë fokusuar në lojën AS Roma – Lille, që nis nga ora 18:45 minuta.

Ndeshjet tjera që do të luhen sonte janë si në tabelën vijuese:

/S.K/EO/

Continue Reading

Lajmet

Klubet basketbollistike dhe shifrat që përfituan nga Ligji i Sponsorizimit

Published

on

Ligji i Sponsorizimit konsiderohet se ligji që i ka sjellë shumë benefite klubeve sportive të cilat përmes këtij ligji kanë rritur financat e tyre duke hapur kështu rrugë për investime edhe dhe përforcime të skuadrave.

Drejtori Ekzekutiv ne Agjencinë e Sportit brenda Ministrisë së Sportit, Fidan Shatri ka publikuar shot shifra e klubeve të Superligës së Kosovës në basketboll që kanë përfituar më së shumti gjatë vitit 2025 nga Ligji i Sponsorizimit.

Klubi i basketbollit Ylli ka kaluar milionëshin, më saktësisht skuadra nga Suhareka për përfituar 1,109,500.

Në vendin e dytë është KB Trepça që ka arkëtuar 817,000 euro, e ndjekur nga KB Sigal Prishtina me 410,000 euro dhe KB Bashkimi me 386,000 euro./S.K/KP/

Continue Reading

Të kërkuara