Aktualitet

Fotoja e pamasë e diellit, më e qarta e bërë ndonjëherë nga toka

Published

on

Një pamje tërësisht e kuqe gjaku e diellit, besohet se është një nga fotot më të qarta të bëra ndonjëherë nga Toka.

Imazhi i yllit në flakë u bë duke përdorur një teleskop ultra të ndjeshëm, nga fotografi astronomik amerikan Andrew Mccarthy.

Ai ka bashkuar me pas mijera imazhe me njëra tjetrën për të arritur detaje deri tani të papara të diellit, që është 93 milionë milje larg tokës. Andrew, nga Kalifornia, ka qenë duke fotografuar hënën e diellin prej tre vjetësh, por vetëm këtë muaj nisi sfidën e tij më unike.

Realizimi i tij  u bë duke marrë rreth 100,000 foto individuale– me një shpejtësi prej rreth 100 foto në sekondë, para bashkimit të tyre me njëra-tjetrën në formën e nje shtrese te vetme.

Duke përdorur teleskopin e tij të ri Andrew ka realizuar pamjen më të detajuar të diellit të bërë ndonjehere nga Toka. Diametri i yllit tonë është rreth 700,000km.

Imazhi gjigand prej 230 megapixel, e tregon diellin në një ngjyrë të kuqe dramatike, në sfondin e një qiellit të errët. Në foto mund të shihet dhe plazma në anët e jashtme të diellit, duke shpërthyer jashtë gjigandit të gaztë.

Andrew poston rregullisht fotot e tij në @cosmic_background në Instagram, ndersa tha: “Jam shumë i lumtur per rezultatin final, nuk e dija që imazhi do të dilte kaq mirë. Do të përpiqem të krijoj të tjera imazhe si këto. Kam krijuar një teleskop të ri solar që më jep një gjatësi fokusi prej 4000mm, në një zmadhim prej 10x nga teleskopi i mëparshëm. Kam përdorur gjithashtu teknikën e ‘imazhit me fat’, në mënyrë që kuadrot e një sesioni të vendosen bashkë, për të reduktuar efektet e atmosferës”.

“Këto foto janë bërë pak para mesditës, kur dielli ishte lart në qiell, por atmosfera e tij është relativisht e qetë. Objektet rrotull anëve të diellit është masa e plazmës e varur në atmosferën diellore, e mbajtur nga fusha e fuqishme elektromagnetike të diellit”.FOTO GALERI1/6

Aktualitet

Parashikimi i motit

Published

on

Sot në vendin tonë do të mbajë mot kryesisht i vranët ka njoftuar Instituti Hidrometeorologjik i Kosovës.

Sipas IHMK-së, temperaturat minimale do të sillen mes 4 dhe 7 gradë Celsius, ndërsa ato maksimale mes 11 dhe 15 gradë Celsius.

Era do të fryjë kryesisht nga perëndimi, e lehtë deri mesatare. /S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

on

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Aktualitet

Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement

Published

on

Punimi shkencor i profesorëve të UBT-së, të Fakultetit Shkencat e Sportit dhe të Lëvizjes, me titull: “The effects of strength and conditioning programs on soccer players’ performance across a single season divided into two phases”, është publikuar në revistën ndërkombëtare Human Movement (ISSN 1899-1955).

Studimi, i realizuar nga profesorët: Milaim Berisha, Abedin Bahtiri dhe Agron Thaqi nga UBT, në bashkëpunim me Monèm Jemni nga Fakulteti i Edukimit Fizik në Ningbo, në Kinë, analizon ndikimin e programeve të forcës dhe kondicionit në performancën e futbollistëve profesionistë gjatë një sezoni të plotë futbollistik, i ndarë në dy faza përgatitore dhe dy faza garuese.

Rezultatet kryesore

Faza e parë përgatitore pati efektin më të madh në qëndrueshmërinë specifike, me rritje të dukshme në Yo-Yo Recovery Level 1 dhe VO₂max, kryesisht për shkak të niveleve fillestare më të ulëta. Faza e dytë, megjithëse efektive, solli rritje më të vogël për shkak të gjëndjes iniciale ne ketë fazë. Gjatë fazës së parë garuese u pa përmirësim i lehtë dhe mirëmbajtje e performancës; në të dytën mbizotëroi stabilizimi, me rënie të lehta.

Analiza e përbërjes trupore tregon se rritja e yndyrës është në kundershtim me qëndrueshmërinë, ndërsa uji trupor lidhet pozitivisht me të; masa muskulore, në mungesë të kondicionit kardiovaskular adekuat, korrelon negativisht me qëndrueshmërinë.

Yndyra viscerale shfaqi lidhje të dobët dhe jo domethënëse statistikisht. U vu re edhe një mospërputhje e pjeshshme midis Yo-Yo RL1 dhe VO₂max në fazat e mëvonshme, ndonëse VO₂max derivohet nga distancat e Yo-Yo. Kjo për shkak të fazave të pushimit që përmban testi. megjithatë, Yo-Yo RL1 mbetet një mjet praktik, ekonomik dhe efikas për vlerësimin e VO₂max dhe i ndjeshëm ndaj ndryshimeve në përsëritje të ushtrimeve intensive.

Në thelb, studimi nënvizon rëndësinë e stërvitjes së strukturuar në fazën përgatitore, rikuperimit aktiv për ruajtjen e performancës gjatë periudhave të ndeshjeve dhe menaxhimit të kujdesshëm të përbërjes trupore, sidomos kur testimi laboratorik nuk është i mundur.

Continue Reading

Aktualitet

Mungesa e kuorumit, Kuvendi i Prishtinës mbyll mandatin me dështim të seancës

Published

on

Ka dështuar seanca e cila ishte paraparë të mbyllte ciklin katërvjeçar të Kuvendit të Komunës së Prishtinës, kjo për shkak të mungesës së kuorumit brenda sallës.

Mungesa e ekzekutivit të Komunës dhe grupit të asamblistëve të Lidhjes Demokratike të Kosovës pamundësoi vazhdimin e punës dhe shtyu edhe njëherë diskutimin e temave të mbetura në rend dite.

Përfaqësuesi i grupit të asamblistëve të Lëvizjes Vetëvendosje, Gëzim Sveçla, u shpreh se disa çështje të rëndësishme, siç është afati i fundit ligjor për miratimin e buxhetit për vitin e ardhshëm, apo raporti i auditimit, do duhej të diskutoheshin në këtë mbledhje.

“Kjo nuk është hera e parë që ndodhë kështu, në demokraci të konsoliduara të pakta janë rastet ku pushteti mungon në seanca, mirëpo në Kuvendin Komunal, gjatë këtij mandati, kjo ka qenë një dukuri e shpeshtë”, ka thënë Sveçla.

Kryetarin Rama dhe asamblistët e pozitës, ngjashëm i ka kritikuar edhe përfaqësuesi i asamblistëve të Partisë Demokratike të Kosovës, Leutrim Retkoceri.

“Përparim Rama dhe ekzekutivi nuk erdhën as sot, e mbyllën mandatin me ikje, me heshtje, me përbuzje ndaj kuvendit dhe ndaj qytetarëve të Prishtinës. Ky është treguesi më i qartë i mënyrës se si kanë qeverisur”- u shpreh Retkoceri.

Pas kësaj, kryesuesi i Kuvendit, Fehmi Kupina, shpalli mbledhjen e mbyllur.

Kjo ishte mbledhja e fundit e Kuvendit Komunal të Prishtinës, para mbajtjes së zgjedhjeve lokale.

Një prej çështjeve të mbetura pezull, e cila ende nuk ka gjetur zgjidhje në Asamblenë e Prishtinës, është miratimi i projektbuxhetit për vitin 2026./S.K/EO/

Continue Reading

Të kërkuara