Sport
Eriksen ka vendosur defibrilator kardioverter, por karriera e tij në Serie A është në rrezik
La Gazzetta dello Sport shpjegon se në Itali, është e ndaluar të luash me një defibrilator të zemrës të implantuar, sipas protokollit të Komitetit Kardiologjik Organizativ për Fitnes Sportiv.
Christian Eriksen është operuar dhe ka vendosur një defibrilator kardioverter në zemër, por karriera e tij në Serie A thuhet se ka mbaruar nëse ICD-ja është e përhershme.
Sipas mediumit La Gazzetta dello Sport, mesfushori i Danimarkës dhe Interit iu nënshtrua një operacioni dje (e enjte) për të implantuar një defibrilator të zemrës, pasi të shtunën, ai pësoi një arrest kardiak gjatë ndeshjes hapëse të ekipit të tij kombëtar në Euro 2020 kundër Finlandës.
Gazeta italiane raporton se nëse pajisja për rregullimin e ritmit të zemrës është e përhershme, karriera e Eriksen në Serie A do të ketë mbaruar.
La Gazzetta dello Sport shpjegon se në Itali, është e ndaluar të luash me një defibrilator të zemrës të implantuar, sipas protokollit të Komitetit Kardiologjik Organizativ për Fitnes Sportiv, i cili u azhurnua në vitin 2017.
Çdo sport me kontakt është i ndaluar në Itali me një pajisje të tillë të vendosur, por Eriksen mund të vazhdojë të luajë në liga tjera, të tilla si Eredivisie ose Liga Premier.
Mbrojtësi i Ajaxit dhe Holandës, Daley Blind është një shembull pasi qendërmbrojtësi holandez ka vendosur një defibrilator kardioverter.
Ish-mesfushori i Interit, Khalilou Fadiga u diagnostikua me sëmundje të zemrës me mbërritjen e tij në Inter në vitin 2002 dhe kurrë nuk luajti me fanellën e tyre, por vazhdoi karrierën e tij në Ligën Premier.
Autoritetet italiane nuk lejojnë të luhet asnjë sport kontakti me një defibrilator të zemrës të implantuar pasi çdo kontakt ose goditje mund të prishë pajisjen.
Sidoqoftë, nëse ICD-ja nuk është e përhershme, Eriksen mund të ketë një shans të kthehet për të luajtur në Itali, por ai do të duhet të kalojë një proces të komplikuar dhe disa kontrolle rigoroze mjekësore për të marrë dritën e gjelbër.
Eriksen do të lëshohet nga spitali sot (e premte) dhe do të kryejë ekzaminime të reja mjekësore në 4-5 javë në Milano.
Edhe nëse mjekët vërtetojnë se problemi ishte i përkohshëm dhe ICD mund të hiqet, Eriksen do të duhej ekzaminime të mëtejshme për të marrë leje për të luajtur në Serie A.
Atij do të duhet të jepet drita jeshile nga një komision i posaçëm mjekësor në fund të një ‘procesi shumë të komplikuar’ dhe me shumë ‘pika kritike’ që i japin përgjegjësi të drejtpërdrejtë institutit që duhet të vendosë për aftësinë e lojtarit.
Trajneri i Barcelonës, Hansi Flick, e ka cilësuar ndeshjen e kthimit gjysmëfinale të Kupës së Mbretit kundër Atletikos si një “finale para finales”. Në një intervistë të dhënë para sfidës, Flick theksoi se ndeshja do të jetë një mundësi e shkëlqyer për skuadrën e tij dhe se do të kenë të gjithë mundësinë të tregojnë veten.
Flick pranoi se skuadra e tij po përballet me një moment shumë të tensionuar, duke e cilësuar përballjen me Atletikon si një sfidë vendimtare për arritjen e finales së Kupës së Mbretit që do të zhvillohet në fund të prillit në Sevilje. Trajneri i Barcelonës theksoi se skuadra është duke luajtur mirë dhe se është krenar për punën e madhe të bërë nga lojtarët e tij deri tani.
Në lidhje me formacionin titullar, Flick nuk ka dhënë shumë detaje, por njoftoi se Rafinha dhe Kubarsi janë plotësisht të rikuperuar dhe të gatshëm për të nisur nga minuta e parë. Megjithatë, ai theksoi se Barcelona duhet të jetë shumë e kujdesshme përballë Atletikos, e cila, sipas tij, do të luftojë deri në minutën e fundit për të siguruar kalimin në finale.
“Ne duam më shumë, jo vetëm Superkupën e Spanjës, por edhe Kupën e Mbretit. Megjithatë, e dimë që sfida do të jetë shumë e vështirë, pasi Atletico do të jetë aty deri në fund,” tha Flick.
Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.
Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.
Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.
Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/
James Bond i “rikthehet origjinës” me një “yll shumë të ri”
Macron dënon kërcënimet me vdekje ndaj gjyqtares që e dënoi Le Penin
Kurti flet për gjobën e Themelores: Më dënojnë mua nganjëherë por mos u mërzitni ju
Pse disa njerëz preferojnë udhëtimet e gjata vetëm?
Rutte: Duhet të sigurohemi që situata në Kosovë të mbetet stabile
Kurti për formimin e qeverisë: Kemi filluar takimet zyrtare me komunitetet jo shumicë
Krasniqi: Nëse LVV-ja s’arrin ta bëjë qeverinë, PDK-ja e gatshme të marrë përgjegjësinë me Hamzën kryeministër
“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet
BE gjobit prodhuesit e makinave me 458 milionë euro
-
Bota2 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months agoFluturimet e dëbimit kanë filluar, thotë Shtëpia e Bardhë
-
Bota2 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë