Në ceremoninë e zhvilluar në Paris në “Théâtre du Châtelet”, Ousmane Dembele dhe Aitana Bonmatí u shpallën futbollistët më të mirë në botë, duke fituar çmimet prestigjioze Ballon d’Or 2025.

Dembele, la pas Lamine Yamal dhe Vitinhan, u kurorëzua si lojtari më i mirë në kategorinë e meshkujve, ndërsa Bonmatí u vlerësua si futbollistja më e mirë në botë, përpara Mariona Caldentey dhe Alessia Russo.

Çmime të tjera kryesore:

Kopa Trophy (U21): Lamine Yamal (meshkuj) dhe Vicky Lopez (femra).

Gerd Müller Award (golashënuesi më i mirë): Viktor Gyökeres (meshkuj) dhe Eëa Pajor (femra).

Yachine Trophy (portieri më i mirë): Gianluigi Donnarumma (meshkuj) dhe Hannah Hampton (femra).

Johan Cruyff Trophy (trajneri më i mirë): Luis Enrique (meshkuj) dhe Sarina Ëiegman (femra).

Klubi i vitit: PSG (meshkuj) dhe Arsenal (femra).

Në garë ishin 30 kandidatë, por dy emra që dukeshin si favoritët kryesorë ishin Ousmane Dembélé i PSG-së dhe Lamine Yamal i Barcelonës./S.K/KP/

Njësia e hetimeve e Stacionit Policor në Shtërpcë, në bashkëpunim me njësinë e hetimeve të Stacionit Policor “Qendra” në Prishtinë, ka zhvilluar një aksion hetimor në fshatin Brezovicë lidhur me dyshime për mbajtje të paautorizuar të armëve.

“Gjatë kontrollit të realizuar në një vilë në zonën turistike të Brezovicës, janë gjetur dhe sekuestruar një pushkë automatike, dy pushkë ajrore, pesë karikatorë për pushkë automatike, njëzet e një fishekë të kalibrave të ndryshëm”, thuhet në njoftimin e Policisë.

Sipas raportit policor, rasti është iniciuar si “Mbajtje në pronësi, kontroll ose posedim i paautorizuar i armëve”, ndërsa është njoftuar edhe Prokurori i Shtetit, i cili ka urdhëruar procedim të mëtejmë ligjor.

Po ashtu, policia ka bërë të ditur se i dyshuari nuk është kapur në vendngjarje gjatë kontrollit dhe aktualisht është në kërkim nga autoritetet./S.K/KP/

Kosova vazhdon të jetë ndër vendet më të sigurta në botë sipas raportit Global të Sigurisë 2025 të Institutit Amerikan Gallup.

Taxhikistani ka rezultatin më të lartë në botë në indeksin e Ligjit dhe rendit, me 97 nga 100, sipas raportit Global të Sigurisë më të fundit, i ndjekur nga Singapori (95), Kosova (94), Kina (93), Islanda (93), Vietnami (93).

Një grup shtetesh evropiane kanë shënuar 90 pikë ose më shumë në indeksin e ligjit dhe rendit, sipas Raportit Global të Sigurisë më të fundit: Kosova-94, Islanda-93, Norvegjia-92, Austria-91, Zvicra-91, Danimarka-90, Finlanda-90, Mali i Zi-90.

Ndërkohë, ka reaguar edhe ministri në detyrë i punëve të Brendshme, Xhelal Sveçla, i cili ka shkruar në Facebook se siguria e qytetarit është një nga arritjet më të mëdha të demokracisë dhe institucioneve të Republikës.

“Me 94/100 pikë, vendi ynë shënon një sukses të jashtëzakonshëm për vlerësimin e duhur të sigurisë, rendit dhe përkushtimit ndaj shoqërisë. Jemi të bindur se ky sukses është rezultat i profesionalizmit të institucioneve të sigurisë dhe etikës së lartë të qytetarëve tanë”, ka shkruar ai.

Sipas një njoftimit, Instituti Amerikan Gallup, përmes anketës botërore, u bën njerëzve në më shumë se 140 shtete dhe territore pyetjet e mëposhtme që matin sigurinë globale.

Rezultatet në indeksin e Ligjit dhe rendit janë ngushtë të lidhura me treguesit tradicionalë të zhvillimit, duke përfshirë të ardhurat globale, shëndetësinë, sigurinë ushqimore dhe normat e vrasjeve.

Indeksi i Ligjit dhe Rendit mat nivelin e sigurisë që të anketuarit raportojnë për veten dhe familjet e tyre.

Ky indeks përbëhet nga dy elementë kryesorë, ku njëri përfshin besimin e të anketuarve në policinë lokale, ndërsa tjetri lidhet me dy pyetje mbi përvojat e tyre personale me krimin, si vjedhjet apo sulmet fizike./S.K/KP/

Erion Veliaj i është përgjigjur me një shkresë zyrtare Këshillit Bashkiak lidhur me procedurën e iniciuar për shkarkimin e tij e që thekson se nuk është informuar zyrtarisht nga sekretari i Këshillit për zhvillimin e mbledhjes së parashikuar, duke u njohur vetëm nga burime mediatike.

Prej disa ditësh Kryeministri Edi Rama propozoi shkarkimin nga detyra të Veliajt, ndërsa propozoi si kandidate të PS në garë, Ogerta Manastirliun.

Përgjigja nga kërkesa e Veliut:

“Në datën 22 shtator 2025, Sekretari i Këshillit Bashkiak të Tiranës ka bërë publik një njoftim (nuk ka një njoftim zyrtarë) mbi thirrjen e një mbledhjeje të Këshillit Bashkiak, të planifikuar për datën 23 shtator, ora 16:00. Ky njoftim nuk përmban asnjë vendimmarrje të vetë Këshillit Bashkiak lidhur me garantimin e të drejtës kushtetuese të Kryetarit të Bashkisë për t’u dëgjuar, mbrojtur dhe shprehur qëndrimin e tij, siç parashikohet në çdo proces serioz e të drejtë që mund të çojë në një vendim për ndërprerje mandati kushtetues. Sekretari i Këshillit Bashkiak nuk ka asnjë tagër ligjor për të marrë vendime në emër të Këshillit, dhe aq më pak për të interpretuar mënyrën se si Kryetari i Bashkisë duhet të ushtrojë të drejtën e tij për mbrojtje. Funksioni i Sekretarit është thjesht administrativ, jo politik dhe jo vendimmarrës. Edhe një ditë para mbledhjes; Kryetari i Bashkisë nuk është informuar zyrtarisht për qëllimin e mbledhjes; Nuk është dërguar rendi i ditës; Nuk janë bërë të ditura shkaqet apo materialet mbi të cilat pretendohet shkarkimi; Nuk është garantuar e drejta për t’u dëgjuar e mbrojtur“, u përgjigj ai.

Kujtojmë se Kryetari i Bashkisë ndodhet në kushtet e paraburgimit, përmes një mase sigurimi joproporcionale, gjë që kufizon ndjeshëm aftësinë e tij për të qenë prezent me vullneti apo për të ndjekur në mënyrë efektive një proces që mund të prekë statusin e tij si i zgjedhur me votë nga qytetarët e Tiranës.

Kryetari i Bashkisë, Erion Veliaj, mbetet në pritje të një vendimmarrjeje të qartë dhe të dokumentuar nga Këshilli Bashkiak, që garanton në mënyrë të plotë të drejtën e tij për të ushtruar mbrojtjen dhe për të qenë i dëgjuar, siç i takon çdo qytetari të Republikës së Shqipërisë, aq më tepër një të zgjedhuri në mënyrë demokratike./S.K/KP/TCh/