Lifestyle

Efektet e vetmisë në mirëqenien tonë

Published

4 years ago

on

Lidhjet mes njerëze janë pjesë vitale e evolucionit njerëzor. Dhe pasi njerëzit kanë filluar të jetojnë në grupe më të mëdha, raportet me njerëz të tjerë janë bërë edhe më të rëndësishme për shëndetin dhe sigurinë tonë.

Për këtë arsye, mendja njerëzore ka evoluar që të jetë shumë sociale, dhe kur mundësia për të qenë social na hiqet, atëherë përjetojmë izolim dhe vetmi. Dhe kjo mund të luaj disa truqe në mendjen tonë.

Njëra prej tyre është antropomorfizmi i objekteve, ku objekte të thjeshta na duken sikur fytyra të njerëze.

Arsyeja është se ne jemi aq të uritur për lidhje sociale, sa që kur këto lidhje na hiqen, atëherë mundohemi t’i gjejmë diku tjeter.

Një efekt tjetër janë ëndrrat shumë të gjalla.

Vetmia është parë të ketë edhe disa efekte të rrezikshme në trupin tonë, në gjendjen tonë shëndetësore në përgjithësi. Vetmia mund të çojë në depresion pas tri ose katër jave. E rritë presionin e gjakut, po ashtu rritë rrezikun për sëmundje kardiovaskulare.

Stresi rritet po ashtu, duke shkaktuar rritje të nivelit të kortisolit, duke i bërë këta persona më dyshues edhe lehtë të irritueshëm.

Një meta analizë e shumë studimeve që janë bërë mbi vetminë, tregon se vetmia është barabartë e dëmshme për shëndetin sikur konsumimi i 15 cigareve në ditë, apo mosaktiviteti fizik.

Një tjetër efekt mjaft negativ i vetmisë është ulja e imunitetit, sidomos tek personat më të moshuar të cilët edhe kanë më shumë gjasa të kenë vetë imunitet më të dobët por edhe të jenë të vetmuar. Por për fat të mirë ka teknika me të cilat vetmia mund të ulet.

Njëra është meditimi dhe mirësia. Kur ne jemi të fokusuar ose provojmë një lloj teknike të qetësimit dhe fokusit në atë se çfarë po bëjmë, atëherë do të jetë një ndihmesë e mirë. Aktiviteti fizik është tjetra, për të paktën 20 minuta në ditë, transmeton Klankosova.tv.

Related Topics:
Continue Reading

Lifestyle

Këshilla si të kërkoni rritje page

Published

2 days ago

on

August 16, 2025

By

Continue Reading

Lifestyle

Moti sot: Diell dhe me vranësira të shpërndara

Published

2 days ago

on

August 16, 2025

By

Moti sot mbi vendin tonë do të jetë me diell dhe vranësira të shpërndara.

Siç bën të ditur Instituti Hidrometeorologjik i Kosovës, temperaturat minimale do të lëvizn ndërmjet 12 e 18 gradë Celsius.

Derisa ato maksimalet do të jenë nga 28 e deri në 30 gradë Celsius.

Do të fryjë erë nga veriperëndimi me shpejtësi prej një e deri në pesë gradë Celsius. /UBT News/

 

Continue Reading

Lifestyle

Psikologjia e turpit: Pse e ndiejmë dhe si ta përballojmë?

Published

3 days ago

on

August 15, 2025

By

Nëse jeni ndjerë ndonjëherë të turpëruar për diçka që keni bërë apo diçka që ju ka ndodhur, nuk jeni vetëm.

Turpi është emocion universal që na prek të gjithëve në një mënyrë ose tjetër. Por, çfarë është turpi dhe si mund ta kuptojmë dhe menaxhojmë më mirë këtë emocion kaq të fuqishëm?

Turpi është një ndjenjë e mosvlerësimit dhe dështimit, që vjen si pasojë e ndjenjës se nuk jemi të denjë apo të vlefshëm.

Ndryshe nga faji, i cili lidhet me veprimet tona (“kam bërë diçka të gabuar”), turpi lidhet me identitetin tonë (“jam diçka e gabuar”).

Kjo ndjenjë mund të shkaktojë një ndjesi të fortë të izolimit dhe dyshimit te vetja.

Pse ndihemi të turpëruar?

Mund të jenë të shumta e të ndryshme për çdo individ, disa nga shkaqet më të zakonshme përfshijnë:

Normat shoqërore dhe kulturore

Ato që shoqëria jonë konsideron të pranueshme apo të papranueshme luajnë një rol të madh në krijimin e ndjenjës së turpit.

Pritshmëritë personale

Standardet që vendosim për veten tonë mund të jenë të pamundura për t’u arritur, duke na bërë të ndihemi të turpëruar kur nuk i arrijmë.

Përvojat e kaluara

Turpi mund të rrjedhë nga përjetimet traumatike ose nga kritikat e ashpra të të tjerëve.

Efektet e turpit në shëndetin mendor

Turpi mund të ketë pasoja të rënda për shëndetin mendor, përfshirë ankthin, depresionin e izolimin social. Turpi ndikon në marrëdhëniet tona me të tjerët.

Si ta përballojmë turpin?

Duhet të bëjmë një hap prapa të kuptojmë burimin e këtij emocioni.

Pranoni dhe përqafoni emocionet tuaja

Pranojeni turpin si një pjesë e natyrshme të përvojës njerëzore dhe mos e injoroni

Flisni me dikë

Ndarja e ndjenjave tuaja me një mik të besuar a terapist ndihmon në zbutjen e ndjenjës së izolimit

Kujdesi për veten

Praktikoni kujdesin për veten përmes aktiviteteve që ju sjellin kënaqësi

Sfidoni mendimet negative

Përpiquni të sfidoni mendimet negative e krijoni një “bisedë” më të butë me veten

Turpi është emocion i vështirë për t’u përballuar, por me kohë e përpjekje, mësojmë të jetojmë me të dhe të mos lejojmë të na kontrollojë jetën. Mos harroni, çdo emocion ka një qëllim dhe na ndihmon të kuptojmë më mirë veten dhe botën përreth nesh. /UBT News/

 

Continue Reading

Lifestyle

Këshilla si ta shfaqni personalitetin në një intervistë pune

Published

4 days ago

on

August 14, 2025

By

Të gjithë e kemi dëgjuar ” të jesh vetvetja dhe me vetëbesim” në një intervistë pune e duket se profesionistët e rekrutimit të punonjësve bien dakord me këtë shprehje.

Ja disa këshilla që do ju vlejnë për intervista të suksesshme dhe të shprehni personalitetin përveç aftësive dhe kualifikimeve që keni.

Bëni “detyrat e shtëpisë” paraprakisht

Bëni kërkime çfarë tiparesh të personalitetit puna kërkon. Kërkoni në çdo faqe të kompanisë për të parë çfarë lloj “kulture” po përpiqet ta paraqesë. Në këtë mënyrë do të dini se ku duhet të praktikoheni dhe të fokusoheni.

Tregoni personalitetin tuaj përmes veshjesh që do të zgjidhni në intervistë

Kodi i veshjesh së intervistës duhet të jetë elegante, profesionale, larg ekstravagantes por e fuqishme e të përfaqësojë stilin brenda saj.

Veproni dhe flini me vetëbesim

Jo të gjitha CV janë të pasura me eksperienca apo kualifikime, por kjo nuk do të thotë se këto persona nuk janë të denjë për atë punë. Ajo që mungon në CV tuaj mundohuni ta plotësoni me vetëbesimin që shfaqni në prezantimin e kualifikimeve që keni.

Jepni përgjigje që do të mbahen mend gjatë

Gjatë intervistave, ju kërkohet pyetje të bazuara në kompetencat lidhur me një detyrë. Sigurohuni të identifikoni Situatën, Detyrën, Veprimin dhe Rezultatin e kohës dhe të jeni sa më specifik që të jetë e mundur lidhur me idenë tuaj për zgjidhjen e problemit.

Mos harroni të bëni një bisedë personale

Punëdhënësit pyesin bazuar në kompetenca për zgjidhjen e problemeve apo detyrave, mos hezitoni të tregoni eksperiencat personale në situata që i keni kaluar me sukses.

Bëni pyetjet e duhura

Në fund të intervistës kur ju pyesin se nëse keni ndonjë pyetje, sigurohuni të pyesni lidhur me ndonjë informacion shtesë të kompanisë apo mënyrën si punohet në ekip aty. Interesi që tregoni do të ju bëjë të shkëlqeni.

Continue Reading

Të kërkuara