Lajmet nga UBT

Edmond Hajrizi ngritet në panteonin evropian, pranohet në Akademinë e Shkencave dhe Arteve të Evropës

Published

on

Me një nominim nga anëtarësia e Akademisë së Shkencave dhe Arteve të Evropës, Rektori i UBT-së, Prof. Dr. Edmond Hajrizi, është pranuar si anëtar i rregullt i këtij institucioni prestigjioz. Ky pranim është një njohje e merituar për kontributin e tij të jashtëzakonshëm në fushën e shkencës, kërkimit dhe inovacionit.

Akademia e Shkencave dhe Arteve të Evropës është një nga institucionet më të rëndësishme akademike në kontinent, e njohur për përzgjedhjen e individëve që kanë dhënë kontribut të jashtëzakonshëm në fushat e shkencës, artit dhe qeverisjes. Me më shumë se 28 fitues të Çmimit Nobel dhe liderë të shquar të komunitetit ndërkombëtar, kjo Akademi është një platformë ku kombinohen dijet dhe eksperiencat më të avancuara për të formësuar të ardhmen e Evropës dhe botës.

Pranimi i Rektorit Hajrizi në Akademinë e Shkencave dhe Arteve të Evropës është një arritje e madhe, jo vetëm për të, por edhe për Kosovën dhe UBT-në. Ai vjen si rezultat i një përkushtimi të palodhur ndaj inovacionit dhe ekselencës akademike. Ky është një shembull i shkëlqyer i asaj që mund të arrijë një individ që ka si prioritet zhvillimin e dijes dhe përparimin e shoqërisë, duke treguar se angazhimi dhe puna e palodhshme mund të sjellin suksese ndërkombëtare dhe të forcojnë pozicionin e Kosovës në arenën globale.

Për UBT-në, ky pranim është një dëshmi e ndikimit të saj të vazhdueshëm në zhvillimin e edukimit dhe kërkimit shkencor në nivel ndërkombëtar. Rektori Hajrizi, përmes këtij nderimi, ndihmon në ngritjen e profilit të Universitetit në arenën akademike botërore, duke sjellë më shumë mundësi për studentët dhe të gjithë komunitetin shkencor të UBT-së./UBTNews/

 

Aktualitet

‘Radio është magjike, mezi presim të japim kontributin tonë’, e ardhmja e ndritur e studentëve të Media dhe Komunikim në UBT

Published

on

Programi i studimeve në Media dhe Komunikim në UBT ofrohet në dy nivele: Bachelor dhe Master.

Ky program është i strukturuar për të ofruar një kombinim të fortë të teorisë dhe praktikës, duke përgatitur studentët për karriera në sektorin mediatik dhe të komunikimit.​

Ky program është i dizajnuar për të adresuar nevojat e tregut të punës në fushën e medias dhe komunikimit, duke ofruar një përgatitje të plotë teorike dhe praktike për studentët.

Fakulteti i Media dhe Komunikimit në UBT ofron kushte moderne për zhvillimin e aftësive praktike.

Pjesë e UBT-së është portali UBT News si dhe Radio Campus që mund ta dëgjoni në frekuencën 100.7 FM e në platformën online: UBT – Radio Campus.

Skema programore e radios është zgjeruar edhe me një emision të ri, nga ish-studentja, tashmë e punësuar si staf i rregullt në UBT, Albina Zeneli e cila e moderon n’Ritëm që fillon nga ora 13:00 deri në 15:00, nga e hëna në të premte.

Pjesë e emisionit janë edhe studentët aktual të UBT-së të cilët janë të pranishëm shpesh gjatë zhvillimit të emisionit live të cilët kanë mundësi ta shohin nga afër punën praktike. 

 

                                                                                                                                                                            

Continue Reading

Lajmet nga UBT

UBT nënshkruan marrëveshje me kompaninë Ditron Dental

Published

on

By

Në kuadër të pjesëmarrjes në panairin më të madh në Evropë të stomatologjisë dhe teknologjisë dentare IDS 2025, UBT zgjeroi partneritetet e tij strategjike duke nënshkruar një marrëveshje bashkëpunimi me Ditron Dental, një prej kompanive më inovative në fushën e komponentëve për restaurime dentare me bazë implanti.

Marrëveshja u nënshkrua nga Rektori i UBT-së, Prof. Dr. Edmond Hajrizi, dhe Presidenti i kompanisë Ditron Dental, Eyal Baruch, dhe përmes kësaj, UBT do të ofrojë këtë teknologji inovative te klinikat dentare në Kosovë.

Ky bashkëpunim hap rrugën për projekte të përbashkëta kërkimore-shkencore, shkëmbim ekspertize, trajnime për studentët dhe profesorët e Fakultetit të Stomatologjisë, si dhe integrimin e teknologjive të Ditron Dental në laboratorët dhe klinikat moderne të UBT-së.

“Kjo marrëveshje me Ditron Dental është një hap konkret drejt integrimit të teknologjisë më të lartë botërore në arsimin dhe praktikën dentare në Kosovë. Synimi ynë është të fuqizojmë kapacitetet vendore, cilësitë botërore në Kosovë, që shëndeti dhe mjekësia dentare të jetë sa më e kompletuar”, deklaroi Rektori Hajrizi.

Falë kësaj marrëveshjeje, profesionistët nga Kosova do të kenë mundësi të qasen në teknologjitë më të fundit si implantet dentare të sofistikuara, sistemet digjitale të trajtimit, skanimi 3D dhe aplikimet e inteligjencës artificiale në stomatologji.

Continue Reading

Lajmet nga UBT

Rektori Hajrizi merr pjesë në Panairin më të madh botëror të Stomatologjisë IDS 2025 në Köln

Published

on

By

UBT mori pjesë në panairin më të madh në botë për fushën e stomatologjisë dhe teknologjisë dentare, IDS 2025, i cili u zhvillua në qytetin e Köln-it në Gjermani. Ky panair prestigjioz mblodhi në një vend kompanitë më të njohura globale, prodhuesit lider të pajisjeve dhe teknologjive stomatologjike, përfaqësues të universiteteve, instituteve kërkimore dhe profesionistë nga e gjithë bota.

Rektori i UBT-së, Prof. Dr. Edmond Hajrizi zhvilloi takime të rëndësishme me kompani dhe institucione ndërkombëtare, me qëllim të krijimit të bashkëpunimeve strategjike në fushën e stomatologjisë, teknologjisë mjekësore dhe inovacionit digjital.

Gjatë qëndrimit në panair, Rektori Hajrizi nënshkroi disa marrëveshje bashkëpunimi me kompani ndërkombëtare, të cilat do të kontribuojnë në rritjen e kapaciteteve kërkimore-shkencore, si dhe në avancimin e laboratorëve dhe programeve studimore të kësaj fushe.

Në fjalën e tij, Rektori Hajrizi theksoi rëndësinë e integrimit të teknologjisë në stomatologji, duke përmendur zhvillimet më të fundit në fushat si inteligjenca artificiale, skanimi 3D, printimi i materialeve biokompatibile, kamera inteligjente për diagnozë të avancuar dhe sistemet e trajtimit digjital.

“Panairi i Köln-it është një platformë globale ku shpalosen arritjet më të reja dhe më inovative në fushën e stomatologjisë dhe teknologjisë dentare. Pata mundësinë të takohem me dhjetëra kompani dhe institucione që ofrojnë produkte dhe zgjidhje të sofistikuara, shumë prej të cilave do të jenë pjesë e bashkëpunimeve me UBT-në”, deklaroi Rektori Hajrizi.

Ai gjithashtu foli për përparimin që ka bërë Kosova në këtë fushë, duke theksuar se shumë klinika në vend tashmë janë të pajisura me teknologjitë më të fundit dhe ofrojnë shërbime të cilësisë së lartë, krahas atyre që ofrohen në vendet më të zhvilluara.

“Stomatologjia në Kosovë ka pësuar një zhvillim të ndjeshëm vitet e fundit, si në aspektin e pajisjeve ashtu edhe në nivelin profesional të mjekëve. Ky përparim ka ndikuar edhe në rritjen e turizmit dentar, ku një numër gjithnjë në rritje i qytetarëve nga diaspora dhe rajoni po vijnë për të marrë trajtime në klinikat tona”, shtoi ai.

Pjesë e diskutimeve ishin edhe mundësitë për zhvillimin e industrisë vendore të prodhimit të pajisjeve dhe materialeve dentare në Kosovë, duke u bazuar në potencialin për ndërmarrësi, digjitalizim dhe aplikimin e teknologjive të avancuara si 3D printimi dhe inteligjenca artificiale.

Panairi IDS 2025 në Köln u cilësua si një ndër ngjarjet më të rëndësishme të vitit në fushën e stomatologjisë, dhe pjesëmarrja e UBT-së në këtë aktivitet përforcon pozicionin e tij si institucioni më aktiv në zhvillimin e shkencës dhe teknologjisë në Kosovë dhe më gjerë.

Ky angazhim i UBT-së është dëshmi e vizionit të tij për të sjellë praktikat më të mira ndërkombëtare në Kosovë, duke krijuar ura bashkëpunimi me liderët globalë të industrisë dhe duke përgatitur gjenerata të reja të profesionistëve të gatshëm për tregun ndërkombëtar të punës.

Continue Reading

Aktualitet

UBT organizon konferencën ‘Inovacioni dhe Mbrojtja e Pronësisë Intelektuale’

Published

on

Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.

Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.

Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.

Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.

Agjenda ka përfshirë edhe pika të tjera si: 
  • Prezantime nga përfaqësues të lartë të institucioneve relevante,
  • Diskutim të hapur dhe mundësi për rrjetëzim profesional,
  • Përmbyllje me përmbledhje të konkluzioneve kryesore.

/UBT News/

 

Continue Reading

Të kërkuara