Aktualitet

Edhe IBM, Shell, Coca-Cola braktisin Rusinë

”Starbucks” ka rreth 130 dyqane të operuara nga të licencuarit në Rusi, sipas analistëve.

Published

3 years ago

March 9, 2022

Betim Gashi

Kolosët IBM dhe Shell janë ndër kompanitë e fundit perëndimore që mbyllën operacionet e tyre në Rusi, pasi pushtimit i Ukrainës nga Moska vazhdon të intensifikohet.

”IBM ka pezulluar të gjithë biznesin e saj në Rusi”, tha të hënën CEO i grupit, Arvind Krishna.

”Rrjeti amerikan i ushqimit të shpejtë McDonald’s ka mbyllur 850 degët e tij në Rusi deri në një njoftim të dytë. Të gjitha dyqanet në Rusi do të mbyllen përkohësisht, por pagat e rreth 62 000 punonjësve vendas do të vazhdojnë të paguhen”, tha kompania.

Gjiganti amerikan i kafesë ”Starbucks” po mbyllte gjithashtu aktivitetet e tij në Rusi.

“Ne kemi vendosur të pezullojmë të gjitha aktivitetet tregtare në Rusi, duke përfshirë dërgimin e të gjitha produkteve të Starbucks,” njoftoi CEO i ”Starbucks” Kevin Johnson në një letër drejtuar punonjësve.

”Starbucks” ka rreth 130 dyqane të operuara nga të licencuarit në Rusi, sipas analistëve.

Gjiganti amerikan i pijeve joalkoolike Coca-Cola dhe kompania e pijeve dhe ushqimeve ”Pepsico” gjithashtu kanë pezulluar operacionet e tyre në vend.

Coca-Cola tha se “do të vazhdojë të monitorojë dhe vlerësojë situatën ndërsa rrethanat evoluojnë” dhe shprehu simpatinë e saj për popullin ukrainas në funksion të ngjarjeve tragjike.

Aktualitet

Tentimvrasja në Pejë, i dyshuari në arrati

Published

14 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

15 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

15 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.